ថៃ កំពុងបង្កើតឧបករណ៍តេស្តរកកូវីដមិនមែនរុកតាមច្រមុះ ដឹងលទ្ធផលត្រឹម ១៥ នាទី

សាស្រ្តាចារ្យ និងនិស្សិតនៃដេប៉ាតឺម៉ង់គីមីវិទ្យានៃសាកលវិទ្យាល័យជូឡាឡុងកន ប្រទេសថៃ បានធ្វើការអភិវឌ្ឍឧបករណ៍ធ្វើតេស្តរកជំងឺកូវីដ ១៩ តាមរយៈញើស ហើយនឹងដឹងលទ្ធផលក្នុងរយៈពេល ១៥ នាទី ។

ឧបករណ៍ថ្មីនេះនឹងធ្វើតេស្តសម្រាប់អ្នកដែលជាប់ពាក់ព័ន្ធនឹងជំងឺកូវីដ ១៩ ហើយរបៀបនៃការធ្វើតេស្តគឺមានភាពងាយស្រួល ដោយមិនចាំបាច់រុកច្រមុះ ឬរុកមាត់ឡើយ ។

ឧបករណ៍នេះនឹងធ្វើការយកសំណាកពីជាតិពុលចេញពីញើស ហើយវាក៏ដូចជាសំណាករបស់អ្នកជំងឺកូវីដផងដែរ ។

ការធ្វើតេស្តប្រសិទ្ធភាពនៃឧបករណ៍នេះ មានការចូលរួមពីមនុស្ស ២ ពាន់នាក់ ហើយលទ្ធផលត្រូវបានរកឃើញថាមានភាពស៊ីចង្វាក់គ្នា និងភាពជាក់លាក់ ៩៨ ភាគរយ ប៉ុន្តែសំណាកទាំងនោះក៏ត្រូវតែយកទៅធ្វើតេស្តតាមម៉ាស៊ីនធំ PCR ដើម្បីបញ្ជាក់ពីលទ្ធផលពិតប្រាកដបន្ថែម ។

បច្ចុប្បន្នឧបករណ៍ធ្វើតេស្តតាមញើសនេះ កំពុងស្ថិតក្នុងការស្រាវជ្រាវ និងអភិវឌ្ឍនៅឡើយទេ ប៉ុន្តែនាយកដ្ឋានប្រយុទ្ធនឹងជំងឺឆ្លង និងភ្នាក់ងាររដ្ឋាភិបាល បានធ្វើការសាកល្បងលើអ្នកឆ្លងនៅតាមសហគមន៍ផ្សេងៗរួចទៅហើយ ៕

ប្រែសម្រួលដោយ ៖ ជីវ័ន្ត

ប្រភព ៖ One31

ចុចអាន ៖ ប្រកាសព្រឹកនេះ ថៃ នៅតែរកឃើញករណីឆ្លងកូវីដខ្ទង់ម៉ឺន និងមានអ្នកស្លាប់ ២១៧ នាក់បន្ថែមទៀត