កីឡា

ព្រះខ័នរាជស្វាយរៀង បន្តឈ្នះក្នុងជំនួបមិត្តភាពអន្តរជាតិនៅប្រទេសម៉ាឡេស៊ី

បានផុស

៤ years មុន

នៅ

ថ្ងៃចន្ទ ១៣ មិថុនា ២០២២

ដោយ

ក្លិបបាល់ទាត់ព្រះខ័នរាជស្វាយរៀង បានប្រកួតឈ្នះ ក្លិប UiTM FC ដោយលទ្ធផល ១-០ នៅក្នុងជំនួបមិត្តភាពអន្តរជាតិកម្ដៅសាច់ដុំ នាប្រទេសម៉ាឡេស៊ី ថ្ងៃទី១៣ ខែមិថុនា មុននេះបន្តិច។

កីឡាករ ១១នាក់ដំបូងរបស់ព្រះខ័នរាជស្វាយរៀង រួមមាន អ្នកចាំទី អាំ សុវណ្ណារ៉ាត ខ្សែការពារ ៤រូប គឹម សុខយុទ្ធ, O’Connellm Odawara និងសារ៉េត គ្រីយ៉ា។ ខណៈនៅតំបន់បម្រើមានកីឡាករ សួន សុវណ្ណ, ជា សំណាង និង Mizuno Hikaru។ ចំពោះតំបន់ខាងលើ មិន រតនៈ, សុក សំណាង ខណៈ Marcus Haber ឈរជាខ្សែប្រយុទ្ធទោល។ ក្នុងឈុតនេះគេឃើញមានប្រែប្រួលតែម្នាក់គត់គឺ ប្រាក់ មុន្នីឧត្តម ដែលប្រកួតមុនជាប់ជម្រើស ១១នាក់ដំបូង ប្រកួតនេះជំនួសដោយ សុក សំណាង វិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់ផ្ដើមនៅម៉ោង ៥ល្ងាច ព្រះខ័នរាជស្វាយរៀង បានត្រឹមស្មើ ជាមួយក្លិប UiTM FC ០-០ នៅវគ្គទី១។ លុះចូលដល់វគ្គទី២ បន្ទាប់ពីបានផ្លាស់ប្ដូរកីឡាករមួយចំនួន គ្រាប់បាល់ក៏បានកើតឡើងសម្រាប់ព្រះខ័នរាជស្វាយរៀង ធ្វើបានសម្រេចដោយកីឡាករ សារ៉េត គ្រីយ៉ា នៅនាទី៧០ ដោយចេញពីបាល់ជ្រុង។ នាទីដែលសេសសល់ពុំមានកើតឡើងឡើយ ធ្វើឱ្យព្រះខ័នរាជស្វាយរៀង យកឈ្នះក្លិប UiTM FC ដោយលទ្ធផល ១-០។

ដូច្នេះព្រះខ័នរាជស្វាយរៀង ក្នុងដំណើរប្រកួតមិត្តភាពអន្តរជាតិកម្ដៅសាច់ដុំ នៅប្រទេសម៉ាឡេស៊ី ធ្វើបានយ៉ាងល្អ ដោយឈ្នះទាំងពីរប្រកួត ពោលគឺកាលពីថ្ងៃទី១០ បានយកឈ្នះ ក្លិប Petaling Jaya City FC ដោយលទ្ធផល ១-០ និងប្រកួតនេះឈ្នះ។ ក្រុមមានមូលដ្ឋាននៅខេត្តស្វាយរៀង នឹងធ្វើដំណើរត្រលប់មកកម្ពុជា វិញនៅថ្ងៃស្អែកផងដែរ៕

អត្ថបទ ៖ មន្នីរ័ត្ន

Related Topics:VattanacBank ក្លឹបបាល់ទាត់ព្រះខ័នរាជស្វាយរៀង

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា