ព័ត៌មានអន្ដរជាតិ
លោក ស៊ី ជីនពីង ធ្វើដំណើរទៅ ហុងកុង លើកដំបូង ចាប់តាំងពីឆ្នាំ២០១៧
ប្រធានាធិបតីចិនលោក ស៊ី ជីនពីង បានទៅដល់ទីក្រុងហុងកុងហើយ នៅថ្ងៃព្រហស្បតិ៍ទី៣០ខែមិថុនានេះ មុនព្រឹត្តិការណ៍ ដើម្បីប្រារព្ធខួបលើកទី ២៥ នៃការដែលចក្រភពអង់គ្លេស ប្រគល់ទីក្រុងនេះ ទៅឲ្យប្រទេសចិន។
កាលពីអតីត ថ្ងៃខួបនៃការប្រគល់ ១កក្កដា តែងតែមានមនុស្សរាប់ម៉ឺននាក់ធ្វើបាតុកម្មដោយសន្តិវិធី។ ទោះបីជាយ៉ាងណាក៏ដោយ នៅឆ្នាំនេះ អាជ្ញាធរកំពុងចាត់វិធានការដើម្បីលុបបំបាត់ការប្រឆាំងជាសាធារណៈ ចំពោះការគ្រប់គ្រងរបស់ចិន លើមជ្ឈមណ្ឌលហិរញ្ញវត្ថុមួយនេះ។
ដំណើរទស្សនកិច្ចរបស់លោក ស៊ី ក្នុងទីក្រុងហុងកុង នៅថ្ងៃព្រហស្បតិ៍នេះ និងការបង្ហាញខ្លួន របស់លោក ក្នុងអំឡុងព្រឹត្តិការណ៍គម្រប់ខួបនៅថ្ងៃសុក្រ គឺជាលើកទីមួយហើយ ដែលប្រធានាធិបតីរូបនេះ ធ្វើដំណើរចេញក្រៅ ចិនដីគោកចាប់តាំងពីការផ្ទុះជំងឺរាតត្បាត កូវីដ១៩។
ព័ត៌មានលម្អិតនៃដំណើរទស្សនកិច្ចរបស់លោក ត្រូវបានរក្សាទុកជាសម្ងាត់ ប៉ុន្តែគេរំពឹងថា លោកនឹងបង្ហាញខ្លួននៅថ្ងៃព្រហស្បតិ៍ក្នុងទីក្រុងហុងកុង ហើយទៅស្នាក់នៅក្នុងទីក្រុង សិនជិន នៃចិនដីគោក នាពេលយប់។
បន្ទាប់មក លោកត្រូវបានគេរំពឹងថា នឹងត្រលប់ទៅ ហុងកុងវិញនៅថ្ងៃសុក្រ សម្រាប់ព្រឹត្តិការណ៍រំលឹកខួបនៃការប្រគល់ទីក្រុង។
សន្តិសុខត្រូវបានរឹតបន្តឹងសម្រាប់ដំណើរទស្សនកិច្ចរបស់លោក ស៊ី ដោយអាជ្ញាធរចង់ធានាថា នឹងមិនមានការតវ៉ាជាសាធារណៈ ប្រឆាំងមេដឹកនាំចិននោះទេ។
វិធានការរឹតបន្តឹងត្បិតជំងឺកូវីដ១៩ ក៏ត្រូវបានអនុវត្តផងដែរ សម្រាប់អ្នកដែលធ្វើដំណើរក្នុងក្រុមរបស់ប្រធានាធិបតី និងអ្នកនយោបាយដែលត្រូវជួបជាមួយលោកប្រធានាធិបតី។
អ្នកកាសែតក្នុងស្រុក និងអន្តរជាតិជាច្រើននាក់ ត្រូវបានបដិសេធផ្តល់ប័ណ្ណអនុញ្ញាត ឲ្យចូលយកព័ត៌មានក្នុងពិធីនេះ។
គួរបញ្ជាក់ថា ដំណើរទស្សនកិច្ចចុងក្រោយរបស់លោក ស៊ី ទៅកាន់អតីតអាណានិគមអង់គ្លេសមួយនេះ គឺនៅឆ្នាំ ២០១៧ ក្នុងពិធីស្បថចូលកាន់តំណែងរបស់មេដឹកនាំ លោកស្រី Carrie Lam៕
ប្រែសម្រួល៖ Vann Vann
ប្រភព៖ DW
ចុចអាន៖ លោក ស៊ី ថ្កោលទោស បស្ចិមប្រទេស ចំពោះការដាក់ទណ្ឌកម្ម រុស្ស៊ី
-
ជីវិតកម្សាន្ដ២ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៥ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៧ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ១ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល