សេដ្ឋកិច្ច
មន្ទីរទេសចរណ៍៖ ខេត្តបាត់ដំបងទទួលបានភ្ញៀវទេសចរកើនឡើងជាលំដាប់ទាំងជាតិ និងអន្តរជាតិ
ខេត្តបាត់ដំបង ៖ មន្ទីរទេសចរណ៍ខេត្តបាត់ដំបង បានលើកឡើងថា កំណើនភ្ញៀវទេសចរណ៍ជាតិ និងអន្តរជាតិ ដែលចូលមកកម្សាន្ត តាមតំបន់រមណីយដ្ឋានជាច្រើននៅក្នុងខេត្តបាត់ដំបង មានសន្ទុះកើនឡើងគួរឱ្យកត់សម្គាល់ បើប្រៀបធៀបទៅនឹងឆ្នាំកន្លងទៅ។
បើយោងតាមរបាយការណ៍របស់មន្ទីរទេសចរណ៍ខេត្ត បាត់ដំបង បានបង្ហាញថា លុះនៅឆមាសទី១ ដើមឆ្នាំ២០២២ ភ្ញៀវទេសចរណ៍ជាតិ ដែលចូលមកកម្សាន្តតាមតំបន់រមណីយដ្ឋានធម្មជាតិក្នុងខេត្តបាត់ដំបង បានកើនឡើងរហូតដល់ ២៦៦.៩៤៨ នាក់ បើគិតពីអត្រាភាគរយបានកើនឡើង ២៣៤% រីឯចំនួនភ្ញៀវទេសចរណ៍អន្តរជាតិ បានហក់ឡើងរហូតដល់ចំនួន ២៧៤.៣៥១នាក់ គឺកើនឡើង ២៧៤% បើធៀបនឹងរយៈពេលដូចគ្នា កាលពីឆ្នាំ២០២១ ចំនួនភ្ញៀវទេសចរណ៍ជាតិ មានត្រឹមតែចំនួន ៧៩.៩៩១ នាក់ ភ្ញៀវទេសចរណ៍អន្តរជាតិមានចំនួន ១.៩៨១ នាក់ ។
លោក អ៊ុចអ៊ុំ ភីនីស្សារ៉ា ប្រធានមន្ទីរទេសចរខេត្ត បាត់ដំបង បានមានប្រសាសន៍ថា កំណើននៃភ្ញៀវទេសចរណ៍បរទេស ដែលនាំមុខគេគឺមានដូចជា ÷ បារាំង អង់គ្លេស អាមេរិក ចិន ជប៉ុន ថៃ វៀតណាម អូស្ត្រាលី កូរ៉េខាងត្បូង និងអ៊ីតាលី ។
លោកប្រធានមន្ទីរក៏បានសង្កត់ធ្ងន់ថា បើទោះបីជារាជរដ្ឋាភិបាលបានប្រកាសបិទព្រឹត្តិការណ៍ ២០ កុម្ភ:យ៉ាងណាក៏ដោយ ក៏ក៏រដ្ឋបាលមន្ទីរខេត្តបាត់ដំបង ចាត់កម្លាំងឱ្យចុះផ្សព្វផ្សាយតាមតំបន់រមណីយដ្ឋាននានា ស្តីអំពីការអនុវត្តវិធានការ ៣ការពារ និង៣កុំ របស់ប្រមុខនៃរាជរដ្ឋាភិបាលជាប្រចាំ ព្រោះបច្ចុប្បន្ននេះ ដើម្បីក្រើនរំលឹកដល់សាធារណជន កុំឱ្យភ្លេចខ្លួន ស្របពេលដែលជំងឺកូវីដ-១៩ នៅទាន់ទៅណាឆ្ងាយពីកម្ពុជា និងពិភពលោកនៅឡើយ ជាពិសេសវីរុសបំប្លែងខ្លួនថ្មីអូមីក្រុង និងមេរោគបំប្លែងខ្លួនផ្សេងៗទៀត៕
អត្ថបទ : សោ និយមរ័ត្ន
-
ជីវិតកម្សាន្ដ៥ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ១៤ ម៉ោង ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ២ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៥ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានអន្ដរជាតិ៦ ថ្ងៃ ago
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី
-
សន្តិសុខសង្គម១ សប្តាហ៍ ago
ស្នងការខេត្តកំពត អញ្ជើញម្ចាស់គណនីហ្វេសប៊ុក ឈ្មោះ Santa kh ចូលបំភ្លឺ
-
ព័ត៌មានអន្ដរជាតិ៥ ថ្ងៃ ago
ណាសា រកឃើញសញ្ញាជីវិតលើភពមួយ ខណៈគេសង្ស័យថា ជា Alien