KPT+
ពេលមករដូវ ធុំក្លិនមិនល្អមែនអត់? មកសាកតិចនិកទាំងនេះសិន
ការរក្សាអនាម័យខ្លួនប្រាណ មានសារៈសំខាន់ណាស់ ដើម្បីការពារខ្លួនពីការឆ្លងមេរោគផ្សេងៗ និងបញ្ចៀសក្លិនខ្លួនមិនល្អ ជាពិសេសអំឡុងពេលមករដូវតែម្ដង។ ពិតណាស់ ឈាមរដូវ អាចមានក្លិនខុសៗគ្នា អាស្រ័យលើកត្តាជាច្រើន ដូច្នេះហើយ ស្រីៗយើងចាំបាច់ត្រូវស្វែងយល់ពីមូលហេតុបង្ក និងវិធីសាស្ត្រដោះស្រាយ។
ក្លិនឈាមរដូវទូទៅមួយចំនួន
១. ក្លិនច្រែះដែក
ជួនកាល ឈាមរដូវអាចធុំក្លិនច្រែះដែក ដែលបណ្ដាលមកពីវត្តមានជាតិដែកនៅក្នុងឈាមរបស់យើង ហើយជាទូទៅ ក្លិននេះនឹងបាត់ទៅវិញ ក្រោយពេលយើងអស់រដូវ។
២. ក្លិនស្អុយ
ចំណែកឈាមរដូវមានក្លិនស្អុយរលួយ ច្រើនតែបណ្ដាលមកពីវត្តមានឈាម ជាលិកា និងបាក់តេរី។ នៅពេលដែលយើងមករដូវច្រើន ក្លិននេះនឹងធុំកាន់តែខ្លាំងដែរ។ ម្យ៉ាងវិញទៀត ក្លិនរដូវបែបនេះ ក៏អាចបង្កឡើងដោយសារតែយើងផ្អាប់សំឡីអនាម័យយូរផងដែរ។
៣. ក្លិនឆ្អាប
ក្លិនប្រភេទនេះ អាចមានក្លិនខ្លាំងជាងធម្មតា ហើយក៏អាចបញ្ជាក់ពីការបញ្ហាសុខភាព ដូចជាការឆ្លងមេរោគជាដើម។ ក្នុងករណីដែលមានរោគសញ្ញា ដូចជានោមក្រហាយ ឬរមាស់ទ្វារមាស យើងគួរពិគ្រោះជាមួយគ្រូពេទ្យ ទើបជាការប្រសើរ។
គន្លឹះជួយឲ្យទ្វារមាសមានក្លិនល្អ អំឡុងពេលមករដូវ
១. រក្សាអនាម័យអំឡុងពេលមករដូវ
ប្រសិនបើឈាមរដូវ មានក្លិនឆ្អាប យើងចាំបាច់ត្រូវផ្លាស់ប្ដូរសំឡីអនាម័យភ្លាមៗ និងរក្សាអនាម័យដោយ៖
- ផ្លាស់ប្ដូរសំឡីអនាម័យជារៀងរាល់៤ ទៅ៥ម៉ោងម្តង ទោះបីជារដូវមកតិចតួចក៏ដោយ
- ជៀសវាងទប់នោមរយៈពេលយូរ
- សម្អាតបរិវេណប្រដាប់ភេទ រាល់ពេលដែលយើងប្រើបន្ទប់ទឹក
- ជៀសវាងប្រើសំឡី២ក្នុងពេលតែមួយ ដែលអាចនាំឲ្យមានក្លិនមិនល្អ និងឆ្លងមេរោគបាន
- ឆាប់ផ្លាស់ប្ដូរសំលៀកបំពាក់ នៅពេលដែលយើងបែកញើស
- សម្រាកឲ្យបានគ្រប់គ្រាន់
- ជៀសវាងប្រើឡាមកោររោមប្រដាប់ភេទ
- ជូតបរិវេណទ្វារមាសឲ្យស្ងួតល្អ។
២. ងូតទឹក
ងូតទឹកចំនួនពីរដងក្នុងមួយថ្ងៃ អាចជួយរក្សាអនាម័យនៅអំឡុងពេលមករដូវ ព្រមទាំងជៀសវាងក្លិនរដូវមិនល្អថែមទៀតផង។ បន្ថែមពីនេះ គ្នាយើងក៏អាចងូតទឹកក្ដៅឧណ្ហៗ ដើម្បីជួយកាត់បន្ថយអាការៈចុកពោះ។
៣. ស្លៀកសំលៀកបំពាក់ធ្វើពីកប្បាស
ការពាក់ខោរឹបតឹង ឬសំលៀកបំពាក់ចង្អៀតពេក ក៏អាចបញ្ចៀសខ្យល់ចេញចូលបរិវេណទ្វារមាស ដែលនាំឲ្យមានក្លិនមិនល្អ អំឡុងពេលមករដូវ។ ដូច្នេះហើយ ស្រីៗយើងគួរតែជ្រើសរើសសំលៀកបំពាក់ដែលធ្វើពីកប្បាសជំនួសវិញ៕
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១១ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម