ព័ត៌មានជាតិ
មន្ត្រីអប់រំ ៖ ការមាក់ងាយសិស្សស្រីៗ ពេលមករដូវ ធ្វើឱ្យប៉ះពាល់ដល់សុខភាពសិស្ស និងជំរុញការបោះបង់ការសិក្សា
មន្ត្រីមន្ទីរអប់រំ យុវជន និងកីឡារាជធានីភ្នំពេញ បានអះអាងថា ការមាក់ងាយ និងការរើសអើងចំពោះសិស្សស្រីៗ ពេលមករដូវ បានធ្វើឱ្យប៉ះពាល់ដល់សុខភាព សុខភាពផ្លូវចិត្ត និងជំរុញការបោះបង់ការសិក្សាដែលទាមទារឱ្យយើងត្រូវរួមគ្នាបង្កើនការអប់រំសុខភាព និងអនាម័យ ឱ្យបានទូលំទូលាយបន្ថែមទៀត ដើម្បីចូលរួមលុបបំបាត់ការមាក់ងាយសិស្សស្រីៗ ពេលមករដូវ។
ថ្លែងក្នុងទិវាសុខភាពពេលមករដូវឆ្នាំ ២០២៥ ក្រោមប្រធានបទ«យើងរួមគ្នាចូលរួមអំពាវនាវឱ្យមានសមធម៌អំឡុងពេលមានរដូវ ក្នុងទិវាសុខភាពមករដូវ» រៀបចំឡើងដោយអង្គការ មូលនិធិថែទាំសុខភាពអ្នកជំងឺអេដស៍(AHF)កម្ពុជា នៅវិទ្យាល័យ ឫស្សីកែវ រាជធានីភ្នំពេញ នៅព្រឹកថ្ងៃទី ២៤ ឧសភានេះ លោក សាំង សុផល ប្រធានការិយាល័យសុខភាពសិក្សា មន្ទីរអប់រំយុវជន និងកីឡា បានលើកឡើងថា បច្ចុប្បន្នសិស្សានុសិស្សស្រីតែងជួបការលំបាកមួយចំនួននៅពេលមករដូវខែ ដែលប្រការនេះមិនត្រឹមតែជះក្តីកង្វល់សម្រាប់សិស្សខ្លួនឯងផ្ទាល់ទេ តែក៏មួយចំនួនបានទទួលរងនូវការមាក់ងាយ ការខ្ពើមរអើម ហើយមួយចំនួនទៀតបានឈប់សម្រាករៀនសូត្រថែមទៀតនៅពេលមករដូវខែម្តងៗ។ ហេតុនេះចាំបាច់ណាស់ត្រូវអប់រំផ្សព្វផ្សាយសំដៅធ្វើយ៉ាងណាជួយគាត់ឱ្យបានចូលរៀន កាត់បន្ថយការមាក់ងាយ និងការរើសអើងជាដើម។
លោកបានបន្តថា «យើងត្រូវរួមគ្នា ក្នុងការលុបបំបាត់ការមាក់ងាយ បង្កើនការយល់ដឹងអំពីសារៈសំខាន់ នៃការអប់រំសុខភាពពេលមករដូវ និងការគ្រប់គ្រងអនាម័យពេលមករដូវ ដូចជាសំឡីអនាម័យ ទីកន្លែងសុវត្ថិភាព សម្រាប់សិស្សស្រីៗ»។
លោកបានបន្តទៀតថា នៅទូទាំងពិភពលោក ស្ត្រីប្រមាណ ៥០០ លាននាក់ តែងជួបប្រទះនឹងភាពលំបាកក្នុងពេលមានរដូវ រួមទាំងកង្វះលទ្ធភាពទទួលបានផលិតផលសុខភាពពេលមករដូវ កន្លែងសុវត្ថិភាព កង្វះអនាម័យ និងការទទួលយករបស់សហគមន៍។ ឧបសគ្គទាំងនេះ រួមជាមួយនឹងការមាក់ងាយ អាចនាំទៅរកលទ្ធផលប៉ះពាល់សុខភាព ការបោះបង់សាលារៀន និងផលប៉ះពាល់សុខភាពផ្លូវចិត្ត។
លោកវេជ្ជបណ្ឌិត ចន ផាន់ណា ប្រធានគ្រប់គ្រងកម្មវិធីប្រចាំប្រទេស នៃអង្គការ មូលនិធិថែទាំសុខភាពអ្នកជំងឺអេដស៍ បានឱ្យដឹងថា ការរៀបចំទិវាសុខភាពពេលមករដូវនេះ ក្នុងគោលបំណងដើម្បីកាត់បន្ថយការមាក់ងាយ ការមិនបានយកចិត្តទុកដាក់ និងកាត់បន្ថយកង្វះខាតសម្ភារៈអនាម័យពេលមករដូវ ហើយ ទិវាសុខភាពពេលមករដូវ កំពុងត្រូវបានប្រារព្ធធ្វើជារៀងរាល់ឆ្នាំនៅថ្ងៃទី ២៨ ខែឧសភា។
លោកវេជ្ជបណ្ឌិត បានបន្តថា នៅទូទាំងពិភពលោក ស្ត្រី និងកុមារី ជាពិសេសក្នុងអនុតំបន់អាហ្វ្រិកសាហារ៉ា ប្រឈមមុខនឹងការឆ្លង មេរោគអេដស៍ខ្លាំង។ កង្វះការទទួលបានសំឡីអនាម័យ បង្ខំឱ្យក្មេងស្រីជាច្រើន ខកខានមិនបានចូលរៀន និង បោះបង់ចោលការសិក្សា បោះបង់ការងារ។ ទាំងនេះហើយដែលនាំមានកើនឡើងនូវទំនាក់ទំនងមានការរួមភេទ ជាមួយការខ្វះខាតជំនាញក្នុងការចរចាការរួមភេទប្រកបដោយសុវត្ថិភាព និងមិនមានហានិភ័យខ្ពស់ នៃការឆ្លងមេរោគអេដស៍។
អង្គការមូលនិធិថែទាំសុខភាពអ្នកជំងឺអេដស៍(AHF) គឺជាអង្គការមិនរកប្រាក់កម្រៃជាសាកលដែលផ្តល់សេវាមិនគិតពីលទ្ធភាព នៃការបង់ប្រាក់ និងការតស៊ូមតិដល់មនុស្សជាង ២.២ លាននាក់ ក្នុង ៤៨ ប្រទេស នៅទូទាំងពិភពលោក ក្នុងទ្វីបអាហ្វ្រិក អាមេរិក តំបន់អាស៊ីប៉ាស៊ីហ្វិក និងអឺរ៉ុប។ បច្ចុប្បន្នអង្គការគឺជាអ្នកផ្តល់សេវាថែទាំសុខភាពនៅលើពិភពលោក ពីមេរោគអេដស៍/ជំងឺអេដស៍ដ៏ធំបំផុត ដែលមិនស្វែងរកប្រាក់ចំណេញ៕
អត្ថបទ ៖ សំអឿន
មន្ត្រីអប់រំ ៖ ការមាក់ងាយសិស្សស្រីៗ ពេលមករដូវ ធ្វើឱ្យប៉ះពាល់ដល់សុខភាពសិស្ស និងជំរុញការបោះបង់ការសិក្សា
ប៉ូលិសវៀតណាម ស៊ើបអង្កេត DJ មួយរូប ក្រោយផ្សាយផលិតផលសម្រកទម្ងន់បំភ្លើសការពិត
ធ្លាក់ឧទ្ធម្ភាគចក្រនៅថៃសម្លាប់មន្ត្រីប៉ូលិសថ្នាក់ខ្ពស់៣នាក់
មេឃុំ ចៅសង្កាត់ជាស្ត្រី៣រូបឈ្នះពានរង្វាន់ស្ត្រីឆ្នើមក្នុងការដឹកនាំមូលដ្ឋាន
ទាហានយោធាមីយ៉ាន់ម៉ា៦២នាក់បាក់ទ័ព រត់ចូលទឹកដីថៃ មានទាំងរបួសនិងស្លាប់ច្រើនទៀត
សម្ដេច ហ៊ុន ម៉ាណែត បញ្ជាឱ្យទប់ស្កាត់ការនាំចូលទុរេនគីមី និងផ្អាកការនាំចូលសាច់គោសិន ព្រោះជំងឺឆ្លង
ស្លាប់មនុស្ស ០១ នាក់ លើផ្លូវ ៦០ ម៉ែត្រ ក្រោយរថយន្ត ០១ គ្រឿង បើកកៀរ រួចរត់គេចខ្លួន
ឃាត់ខ្លួនអ្នកឆបោកតាមហ្វេសប៊ុក និងក្លែងអត្តសញ្ញាណទិញស៊ីមកាតទូរស័ព្ទ ប្រហែល ១ ពាន់ស៊ីម ឲ្យជនអនាមិកប្រព្រឹត្តបទល្មើស
ធ្លាក់ឧទ្ធម្ភាគចក្រនៅថៃសម្លាប់មន្ត្រីប៉ូលិសថ្នាក់ខ្ពស់៣នាក់
នាយករដ្ឋមន្ត្រីបញ្ជាឱ្យក្រសួងសុខាភិបាលត្រៀមអន្តរាគមន៍បន្ទាន់ក្នុងករណីផ្ទុះកូវីដឡើងវិញ
-
ចរាចរណ៍១ សប្តាហ៍ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
សន្តិសុខសង្គម៥ ថ្ងៃ agoស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
សន្តិសុខសង្គម៣ ថ្ងៃ agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ព័ត៌មានជាតិ៤ ថ្ងៃ agoអតីតភិក្ខុសង្ឃល្បីឈ្មោះ៥រូប កំពុងកាន់តំណែងជាន់ខ្ពស់ក្នុងស្ថាប័នរដ្ឋ
-
សន្តិសុខសង្គម៤ ថ្ងៃ agoកម្មករ-កម្មការិនីរោងចក្រប្រមាណ ២៥០ នាក់ តវ៉ាបិទផ្លូវ ២១៧ ខណ្ឌដង្កោ ដោយសំណូមពរ ៥ ចំណុច
-
ព័ត៌មានជាតិ៦ ថ្ងៃ agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
-
ព័ត៌មានអន្ដរជាតិ១ ថ្ងៃ agoកូរ៉េខាងជើង យកតង់បាំងនាវាចម្បាំងដែលលិច
-
ព័ត៌មានអន្ដរជាតិ៤ ថ្ងៃ agoចិន ត្រៀមបញ្ចេញ យន្តហោះផ្ទុកដ្រូនដំបូងគេលើលោក ដ៏អស្ចារ្យ