ព័ត៌មានអន្ដរជាតិ
រថភ្លើងដឹកឧបករណ៍យោធា ចេញពីអង្គភាពអាវុធនុយក្លេអ៊ែររុស្ស៊ី ធ្វើដំណើរទៅសមរភូមិជួរមុខនៅ អ៊ុយក្រែន
រថភ្លើងដ៏ធំដែលដឹកឧបករណ៍យោធា ចេញពីអង្គភាពអាវុធនុយក្លេអ៊ែររបស់ក្រសួងការពារជាតិរុស្ស៊ី ត្រូវបានគេប្រទះឃើញកំពុងធ្វើដំណើរ, ជាហេតុជំរុញឲ្យមានភាពភ័យខ្លាច និងជាសញ្ញាប្រាប់ទៅបណ្តាប្រទេសលោកខាងលិចថា សង្គ្រាមនៅក្នុងប្រទេសអ៊ុយក្រែន នឹងកាន់តែធ្ងន់ធ្ងរឡើងៗ។
នៅក្នុងវីដេអូឃ្លីបមួយ រថពាសដែក BPM-97 និងរថយន្តយោធាផ្សេងទៀតជាច្រើនគ្រឿង ត្រូវបានគេឃើញដឹកតាមរថភ្លើង កាត់តាមកណ្តាលប្រទេសរុស្ស៊ី កាលពីថ្ងៃអាទិត្យទី០២ខែតុលា។
រថពាសដែកនេះ ត្រូវបានគេគិតថា ទើបតែបង្កើនសមត្ថភាព បំពាក់មុខងារកាន់តែពិសេស ដូចជាពាសដែកធន់នឹងគ្រាប់មីន និងប្រព័ន្ធបន្សុទ្ធខ្យល់ផងដែរ ដែលត្រូវបានរចនាឡើងដើម្បីឲ្យអ្នកបើកធ្វើប្រតិបត្តិការប្រកបដោយប្រសិទ្ធភាព ចំពេលប្រឈមមុខនឹងការវាយប្រហារដោយសត្រូវថ្មើរជើង។
ឧបករណ៍យោធាដ៏ទំនើបបែបនេះ ត្រូវបានដាក់ពង្រាយនៅសមរភូមិជួរមុខក្នុងប្រទេសអ៊ុយក្រែន ហើយតាមសេចក្តីរាយការណ៍ ឧបករណ៍ទាំងនេះគឺជាកម្មសិទ្ធិរបស់អង្គភាពទី ១២ នៃ ក្រសួងការពារជាតិរុស្ស៊ី។
អង្គភាពឯកទេសនេះ មានតួនាទីរក្សាទុក ថែទាំ និងផ្តល់អាវុធដល់កងកម្លាំងរ៉ុកកែតយុទ្ធសាស្ត្រ ដែលជាសាខាយោធារុស្ស៊ី ទទួលបន្ទុកគ្រប់គ្រងអាវុធនុយក្លេអ៊ែរ និងជាផ្នែកសំខាន់នៃកម្មវិធីនុយក្លេអ៊ែររបស់លោក ពូទីន។
អ្នកវិភាគផ្នែកយោធា លោក Konrad Musyka បានអះអាងថា ការដាក់ពង្រាយអង្គភាពបែបនេះ អាចបង្ហាញពីការកើនឡើងនៃជម្លោះពីប្រធានាធិបតីរុស្ស៊ី ឬជាបុព្វហេតុនៃសមយុទ្ធនុយក្លេអ៊ែរទ្រង់ទ្រាយធំ។
ការដាក់ពង្រាយនេះកើតឡើង ចំពេលអង្គការណាតូ បានព្រមានប្រទេសជាសមាជិករបស់ខ្លួនថា នាវាមុជទឹកនុយក្លេអ៊ែរ Belgorod ដ៏ទំនើបរបស់រុស្ស៊ី បានចាកចេញពីមូលដ្ឋានសមុទ្រ ស របស់ខ្លួនហើយ ហើយឲ្យមានការប្រុងប្រយ័ត្នខ្ពស់៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
ចុចអាន៖ សម្ព័ន្ធមិត្តលោក ពូទីន ប្រកាសបញ្ជូនកូនអាយុក្រោម១៨ឆ្នាំ ៣នាក់ ទៅជួយប្រយុទ្ធឲ្យ រុស្ស៊ី
-
ជីវិតកម្សាន្ដ២ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៥ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៧ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ១ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល