ព័ត៌មានអន្ដរជាតិ
សម្ព័ន្ធមិត្តលោក ពូទីន ប្រកាសបញ្ជូនកូនអាយុក្រោម១៨ឆ្នាំ ៣នាក់ ទៅជួយប្រយុទ្ធឲ្យ រុស្ស៊ី (មានវីដេអូ)
មេដឹកនាំ Chechen លោក Ramzan Kadyrov បាននិយាយថា កូនប្រុសទាំងបីរបស់គាត់ នឹងធ្វើដំណើរទៅកាន់សមរភូមិជួរមុខនៅក្នុងប្រទេសអ៊ុយក្រែន នាពេលឆាប់ៗនេះ ដើម្បីរួមប្រយុទ្ធឲ្យកងកម្លាំងរុស្ស៊ី។
នៅលើប្រព័ន្ធផ្សព្វផ្សាយសង្គម សម្ព័ន្ធមិត្តចាក់ទឹកមិនលិចរបស់លោក ពូទីន រូបនេះបានសរសេរថា ឪពុកគួរតែបង្រៀនកូនប្រុសរបស់ពួកគេ ពីរបៀបការពារគ្រួសារ ប្រជាជន និងមាតុភូមិ។
លោក Kadyrov បានគ្រប់គ្រងសាធារណរដ្ឋភាគខាងត្បូងនៃប្រទេសរុស្ស៊ីចាប់តាំងពីឆ្នាំ ២០០៧មក នៅពេលគាត់ត្រូវបានលោក ពូទីន តែងតាំងជាប្រធានាធិបតីក្នុងតំបន់។
នៅក្នុងការបង្ហោះដ៏វែងមួយលើកម្មវិធីផ្ញើសារ Telegram លោក Kadyrov និយាយថា ការហ្វឹកហ្វឺនយោធារបស់កូនប្រុសឈ្មោះ Akhmat អាយុ១៦ឆ្នាំ, Eli អាយុ១៥ឆ្នាំ និង Adam អាយុ១៤ឆ្នាំ បានចាប់ផ្តើមនៅពេលពួកគេនៅក្មេង ហើយពេលវេលាដែលពួកគេត្រូវចូលរួមក្នុងការប្រយុទ្ធពិតៗ បានមកដល់ហើយ។
ការបង្ហោះនេះ ត្រូវបានអមដោយវីដេអូខ្លីមួយ ដែលបង្ហាញពីកូនប្រុសរបស់គាត់ បាញ់កាំភ្លើងនៅឯកន្លែងហ្វឹកហាត់។
គួរបញ្ជាក់ថា ប្រទេសរុស្ស៊ីបានចុះហត្ថលេខាលើសន្ធិសញ្ញារបស់អង្គការសហប្រជាជាតិ ក្នុងគោលបំណងរារាំងកុមារអាយុក្រោម១៨ឆ្នាំ ពីការចូលរួមដោយផ្ទាល់ក្នុងអរិភាព។
ការប្រើប្រាស់កុមារក្រោមអាយុ ១៥ ឆ្នាំដើម្បីចូលរួមក្នុងអរិភាព ត្រូវបានចាត់ទុកថាជាឧក្រិដ្ឋកម្មសង្គ្រាមដោយតុលាការឧក្រិដ្ឋកម្មអន្តរជាតិ។ ទោះបីជាយ៉ាងណាក៏ដោយ រុស្ស៊ីមិនទទួលស្គាល់យុត្តាធិការរបស់ខ្លួនទេ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC, Moscow Times
ចុចអាន៖ អ៊ុយក្រែន ដណ្តើម បាន មកវិញទាំងស្រុងនូវមជ្ឈមណ្ឌលដឹកជញ្ជូនដ៏សំខាន់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង