ជីវិតកម្សាន្ដ

អេដវីន ដាក់ឲ្យចំៗក្រោយស្រីស្អាត អៀ ម៉េងលិ ថា «ក្តីស្រលាញ់ពិតប្រាកដមិនត្រូវការលុយ»

បានផុស

៤ years មុន

នៅ

ថ្ងៃអាទិត្យ ២៣ តុលា ២០២២

ដោយ

តារាសម្តែងរូបសង្ហាធ្លាប់ផ្ទុះរឿងរ៉ាវស្នេហាលោក អេដវីត ថ្មីៗនេះ បានចេញមកនិយាយដោយចំៗក្រោយពេលដែលតារាប្រុសរូបនេះឃើញការបង្ហោះរបស់តារាស្រីរូបស្រស់ អៀ ម៉េងលិ ជុំវិញក្តីស្នេហាស្មោះមិនគិតលើការមានលុយ ឬភាពហ៊ឺហារទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីប្រទះឃើញខ្លឹមសាររបស់កញ្ញា អៀ ម៉េងលិ បង្ហោះបែបនេះ ភ្លាមនោះ ស្រាប់តែតារាសម្ដែងលោក អេដវីន បានចេញមុខនិយាយដោយមិនសំចៃមាត់ជុំវិញការលើកឡើងខាង។ ផ្អែកតាមសំណេរដែលលោក អេដវីត ចែកចាយបន្តចេញពីគណនីហ្វេសប៊ុកកញ្ញាអៀ ម៉េងលិ បាននិយាយថា ឆ្ងល់ស្រីៗ ឥឡូវចូលចិត្តនិយាយអីខុសពីចិត្តម្លេះ សាកខោខ្លីស្បែកជើងផ្ទាត់ អត់គំនិត រកព្រឹកស៊ីព្រឹក រកល្ងាចស៊ីល្ងាចមើល បើមិនទាត់ក្បាលចោលឥឡូវហ្នឹង ។

លោក អេដវីន បន្ថែមទៀតថា៖ «ជឿខ្ញុំទៅ ខំរកឲ្យមានបានថ្កុំថ្កើងទើបគេមិនដៀលក្បាល កុំចាញ់បោកអាស្រឡាញ់បង ជាបង អីអស់នឹងខ្ពើមណាស់»។ការលើកឡើងរបស់លោក អេដវីដ ខាងលើនេះ ក៏មានការបញ្ចេញមតិគាំទ្រ និងខ្លះទៀតថា បើថារឿងក្រយកបាន មិនជាបញ្ហាទេ តែបើរឿងអត់គំនិតហ្នឹង គេមិនយកហ្នឹងត្រូវហើយ ហើយចុះបើយើងមិនកើតប្រុងឲ្យគេស្មោះដល់ណាទៀត។

សូមបញ្ជាក់ថា តារាស្រី អៀ ម៉េងលិ កាលពីថ្មីៗនេះ បានបង្ហោះរូបថតមួយសន្លឹកជាមួយនឹងគូស្នេហ៍ថ្មីដោយលើកឡើងដូច្នេះថា«ក្តីស្រលាញ់ពិតប្រាកដ មិនមែនត្រូវការមានលុយ ហ៊ឺហាអ្វីនោះទេ សុំត្រឹមតែស្មោះត្រង់ផ្តល់តម្លៃឲ្យគ្នាទៅវិញទៅមកទៅ គ្រប់គ្រាន់ហើយ Royce Hy»៕

ដោយ៖ ចាន់រ៉ា