ព័ត៌មានជាតិ

ភ្ញៀវទេសចរណ៍មកកម្សាន្តនៅតំបន់អង្គរជ្រុះបាត់កាបូបលុយ ត្រូវនគរបាលទេសចរណ៍ប្រគល់ជូនម្ចាស់វិញ

បានផុស

៤ years មុន

នៅ

ថ្ងៃអង្គារ ៦ ធ្នូ ២០២២

ដោយ

សៀមរាប ៖ នៅវេលាម៉ោង១១និង១០នាទីថ្ងៃទី០៥ ខែធ្នូ ឆ្នាំ២០២២ ភ្ញៀវទេសចរណ៍ដែលមកកម្សាន្តនៅតំបន់អង្គរ បានជ្រុះបាត់កាបូបលុយ តែសំណាងល្អត្រូវបានមគ្គុទេសក៍ទេសចរណ៍ម្នាក់រើសបាន ហើយយកមកប្រគល់ជូនកម្លាំងនគរបាលទេសចរណ៍ ដើម្បីប្រគល់ជូនម្ចាស់ដើមវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា កម្លាំងនគរបាលទេសចរណ៍ប្រចាំការនៅប្រាសាទអង្គរវត្តបានទទួលកាបូបលុយ០១ ពីលោក ចិន្តា ជាមគ្គុទេសក៍ទេសចរ (រើសបាន) ដោយក្នុងកាបូបលុយរួមមាន ប្រាក់ចំនួន(៤០ដុល្លារអាមេរិក, ៣០០ដុល្លារញ៉ូហ្ស៉ីឡែន, ៤៥០០រៀល, ១២៣០០០ដុង), អត្តសញ្ញាណប័ណ្ណ០១សន្លឹក, Visa card ០២សន្លឹកនិង ប័ណ្ណផ្សេងៗមួយចំនួនទៀត។

សមត្ថកិច្ចបានឲ្យដឹងទៀតថា អង្គភាពបានប្រគល់កាបូបលុយខាងលើជូនភ្ញៀវទេសចរ ឈ្មោះ CHARLES CLARK ភេទប្រុស អាយុ៧០ឆ្នាំ សញ្ជាតិញ៉ូហ្ស៊ីឡែន ជាម្ចាស់ដើមវិញនៅវេលាម៉ោង១៤:៤៥នាទី នាថ្ងៃខែឆ្នាំដដែល។

ក្នុងឱកាសនោះដែរ ភ្ញៀវទេសចរណ៍ខាងលើបានថ្លែងអំណរគុណចំពោះពលរដ្ឋល្អ ដែលរើសបានកាបូបរបស់គាត់ហើយយកមកប្រគល់ជូនសមត្ថកិច្ចដើម្បីប្រគល់ជូនគាត់វិញ។ គាត់បានកោតសរសើរចំពោះទឹកចិត្តដ៏ល្អរបស់បុរសមគ្គុទេសក៍ទេសចរណ៍ខាងលើ ដែលមានសន្ដានចិត្តល្អ បានរួមចំណែកថែរក្សាសណ្ដាប់ធ្នាប់និងសន្តិសុខសង្គមនៅក្នុងតំបន់អង្គរ៕

ដោយ ៖ កុសល