មានវ័យ ៤១ ឆ្នាំក៏ពិតមែន តែ Janie ថតរូបកាច់រាងយ៉ាងឡូយ

Janie Tienphosuwan បច្ចុប្បន្ននេះនាងត្រូវបាន​ទស្សនិកជន​ចាត់ទុក​​ជាតារាសម្ដែងស្រី​ពូកែ​មើលថែខ្លួនឯង​បានល្អ ក្នុងនាម​ជាម្តាយកូន​មួយ​។ បើទោះបីជាជា​មាន​អាយុ​៤១​ឆ្នាំ​ហើយ​ក៏​ដោយ តែ​នាង​នៅ​តែ​ស្រស់​ស្អាត ហើយ​មុខ​មាត់​ក៏​មិន​ប្រែប្រួល​ទៅណាដែរ។

ដោយឡែក​កាលពី​ពេល​ថ្មីៗនេះ តារា​សម្ដែង Janie Tienphosuwan បាន​បង្ហោះ​រូបភាព​ជាច្រើន​សន្លឹក​នៅក្នុង​រូបរាង​ធម្មតា​ ប៉ុន្តែ​កាច់​ស្ទាយ​ជា​តារា​បង្ហាញ​ម៉ូដ​យ៉ាង​ល្អ​ឥតខ្ចោះ។ ជាងនេះទៅទៀតរូបភាពប៉ុន្មានសន្លឹករបស់នាងអទទួលបានការចាប់អារម្មណ៍យ៉ាងខ្លាំងពីសំណាក់ស្រីៗលើបណ្ដាញសង្គមសម្រុកសុំរូបមន្តថែសម្រស់និងរូបរាងឲ្យកាន់តែក្មេងជាងវ័យ។

យ៉ាងណាមិញមហាជនជាច្រើនមិនត្រឹមសរសើរពីសម្រស់និងរូបរាងក្នងវ័យ៤១ឆ្នាំរបស់ Janie តែមួយមុខនោះទេ ជាក់ស្ដែងមនុស្សជាច្រើនបាននិយាយដែរថា ក្រោយរៀបការជាមួយស្វាមីក្មេងជាងខ្លួនមក នាងបានផ្លាស់ប្ដូររូបរាងឲ្យស្រដៀងគូស្នេហ៍ និងរឹតតែស្រស់ស្អាតជាងមុនទ្វេរដង។

សូមជម្រាបដែរថា Janie Tienphosuwan ជាតារាសម្តែង និងតារាម៉ូដែល ដែលមានឈ្មោះបោះសំឡេងក្នុងប្រទេសថៃជាង ២០ឆ្នាំមកហើយ ស្របពេលបច្ចុប្បន្ននាងកំពុងត្រូវប៉ាន់ក្នុងវិស័យម៉ូដ ជាពិសេសម៉ាកយីហោហ្វេសស្សិនល្បីៗនៅក្នុងស្រុកមិនធម្មតាឡើយ៕

ប្រែសម្រួល៖ សាង ស្រីល័ក្ខ

ចុចអាន៖Engfa ថា តាំងពីក្លាយជាបវរកញ្ញា អ្នកគាំទ្រហ៊ានចាយប្រាក់ទិញវត្ថុផ្គាប់ចិត្តនាងគ្រប់យ៉ាង