ជីវិតកម្សាន្ដ

Engfa ថា តាំងពីក្លាយជាបវរកញ្ញា អ្នកគាំទ្រហ៊ានចាយប្រាក់ទិញវត្ថុផ្គាប់ចិត្តនាងគ្រប់យ៉ាង

បានផុស

១៦ វិនាទី មុន

នៅ

ថ្ងៃពុធ ២៥ មករា ២០២៣

ដោយ

កាលពីថ្ងៃទី២២ខែមករា ម្ចាស់តំណែងបវរកញ្ញា Miss Grand Thailand 2022 នាង Engfa Waraha បានបង្ហាញខ្លួនក្នុងកម្មវិធីនោះ 3 Saeb និង Mod Dum Kachapha ខណៈជាពិធីករបានសួរនាងថា តើទទួលបាននាឡិកាម៉ាក Rolex ប៉ុន្មានគ្រឿង តាំងពីក្លាយជារាជិនីសម្រស់មក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់តំណែងបវរកញ្ញា Miss Grand Thailand 2022 និងជាបវរកញ្ញារងលេខ១ Miss Grand International 2022 បាននិយាយថា ហ្វេនបានចាយប្រាក់ទិញនាឡិកា Rolex អស់ ៣គ្រឿងហើយ សម្រាប់ជាកាដូឲ្យនាងជាបន្តបន្ទាប់។ បន្ទាប់មកទៀតពិធីករក៏បានសួរទៀតថា តើអ្វីជាអំណោយដ៏ធំបំផុតពីអ្នកគាំទ្រ? Engfa Waraha ឆ្លើយដោយមិនស្ទាក់ស្ទើរសូម្បីតែបន្តិចថា ជាផ្ទះធ្វើឲ្យធ្វើពិធីករដល់ថ្នាក់សើចចុកពោះ ក្រោយដឹងថាអ្នកគាំទ្រប្រមូលផ្តុំគ្នាចាយលុយលើនាងច្រើនយ៉ាងនេះ។

ទោះយ៉ាងណា Engfa Waraha ក៏បានបន្ថែមទៀតថា អ្នកគាំទ្រតែម្នាក់គត់ដែលជួយបង់ថ្លៃផ្ទះរបស់នាង បន្ថែមពីលើនេះនាងក៏បានលាតត្រដាងដែរថា បច្ចុប្បន្ននាងគ្មានផ្ទះនៅបាងកកទេ។ ប៉ុន្តែកំណត់គោលដៅនៅឆ្នាំក្រោយដើម្បីទិញវាមិនខាន៕