ក្តីសុបិនឃើញក្រែមលាបមាត់ ល្អឬអាក្រក់ អនុលោមតាមពណ៌ក្រែម

ការតុបតែង​ឬលាបបបូរមាត់ក្នុងក្តីសុបិន ប្រផ្នូលអំពីការរំភើបថ្មីក្នុងជីវិត​អាពាហ៍ពិពាហ៍ឬទំនាក់ទំនងស្នេហា​។

ជាទូទៅគេជឿថា ការឃើញក្រែម​លាបមាត់​ក្នុងសុបិន បង្ហាញថា ម្ចាស់សុបិន​នឹងរៀបការ​ មាន​ដំណឹងអាពាហ៍ពិពាហ៍ឬមាន​ទំនាក់ទំនងស្នេហា​ថ្មី ដែលឈាន​ដល់គូច្បាស់លាស់​មិនបានរំពឹងទុកមកឡើយ។

ការ​ផ្តល់អំណោយជាក្រែមលាបបបូរមាត់ក្នុងសុបិនបង្ហាញថា អ្នកនោះឯងកំពុងត្រូវបានគេផ្តល់ឱ្យនូវគុណភាពជីវិត​ដែល​ផ្លាស់ប្តូរកាន់តែប្រសើរឡើង។

ក្រែមថ្មីទែងក្នុងសុបិនដែលមិនទាន់បានបើកប្រើ សំដៅទៅលើភាពទាន់សម័យនៅក្នុងជីវិតអាពាហ៍ពិពាហ៍និងទំនាក់ទំនងស្នេហា ផ្នែកអវិជ្ជមាន​ក្រែមក្នុងសុបិន ទាយអំពីកេរ្តិ៍ឈ្មោះមិនល្អពាក្យចចាមអារ៉ាមនិងការនិយាយដើម។

សុបិនឃើញក្រែមចាស់ៗ សំដៅទៅលើរូបភាព​ឬអតីតកាល​ដែលលែងទាក់ទាញ។ ប្រហែលជាអនុស្សាវរីយ៍កាលពីអតីតកាលដែលមិនគួរចងចាំ​ឡើយ។

យល់សប្តិឃើញ​បបូរមាត់លាបក្រែមរលោងជាមួយពន្លឺចែងបង្ហាញថាអ្នកកំពុងនិយាយបំផ្លើសអំពីខ្លួន បង្អួតគេដទៃ​ឬមោទកភាពជ្រុល។

ក្រែមលាបមាត់ពណ៌ស្វាយនៅក្នុងក្តីសុបិន ទាយថា អ្នកនឹងជួយរៃអង្គាសប្រាក់សម្រាប់បុព្វហេតុអភិជនឬរាជវង្ស ឬធ្វើការ​បម្រើអ្នកមានអំណាចកប់ពពក ស្និទ្ធនឹងពួកគេ​។

ក្រែមលាបមាត់ពណ៌កុលាបស្រស់នៅក្នុងក្តីសុបិន ទាយថាយអាពាហ៍ពិពាហ៍ឬទំនាក់ទំនងថ្មីមួយនឹងកើតឡើងយ៉ាងឆាប់រហ័ស សឹងមិននឹកស្មានដល់ដោយមិនលេងសើច។

ក្រែមលាបមាត់ពណ៌ខ្មៅនៅក្នុងក្តីសុបិន ទាយថាអ្នកមានអារម្មណ៍ថា ខ្លួនបានរស់សក្តិសមជាងអ្នកដទៃថែមទាំង​មិនខ្វល់ពីរបៀបដែលអ្នកដទៃគិតពីអ្នកឡើយ​។

ក្រែមលាបមាត់ពណ៌ខៀវនៅក្នុងក្តីសុបិនឆ្លុះបញ្ចាំងពីអារម្មណ៍នៃភាពចាស់ទុំខ្ពស់ជាងអ្នកដទៃសមត្ថភាពនៃការ​និយាយដោយប្រាជ្ញាច្រើនជាងមនុស្សដទៃទៀត។

ក្រែមលាបមាត់ពណ៌ត្នោតនៅក្នុងក្តីសុបិន ទាយថា អ្នកនឹងខកចិត្តចំពោះមុខងារសង្គម។

ក្រែមលាបមាត់ពណ៌លឿងនៅក្នុងក្តីសុបិន ទាយថាយើងនឹង​ជួបបញ្ហាដោយសារតែភាពជឿជាក់ហួសហេតុហើយត្រូវមនុស្ស​ជិតដិតក្បត់។

ក្រែមលាបមាត់ពណ៌ឈូកនៅក្នុងក្តីសុបិន ទាយថាស្នេហានិងស្ថានភាពទំនាក់ទំនងមួយកំពុងចាប់កំណើត។

ក្រែមលាបមាត់ពណ៌ស ឬពណ៌មាសនៅក្នុងក្តីសុបិន ទាយថាអ្នកនឹង​មាន​ការឆ្លងជំងឺឬបាត់បង់អ្វីមួយ។

ក្រែមលាបមាត់ពណ៌បៃតងនៅក្នុងក្តីសុបិន ទាយថា អ្នកនឹងអាចបង្ហាញពីខ្លួនឯងពិតរក្នុងចំណោមមិតត្យល់ចិត្ត មានគេចូលរួមគាំទ្រច្រើន អ្នកមានសមត្ថភាពលើគូប្រជែងតែម្តង។

ក្រែមលាបមាត់ពណ៌ទឹកក្រូចឆ្លុះបញ្ចាំងពីអាកប្បកិរិយានៃភាពទាក់ទាញនិងអាកប្បកិរិយា​បោកបញ្ឆោត​លេងសើចនឹង​ស្នេហា ​ដែលតាមការពិត​អ្នកមិនចង់បានឡើយ​តែអ្នកលេងសើច។

គ្រូឯម