រដ្ឋាករទឹក សូមឱ្យពលរដ្ឋចូលរួមសន្សំសំចៃទឹក​និងផ្តល់ដំណឹង​បើមានកន្លែងលេចធ្លាយបំពង់ទឹក

រដ្ឋាករទឹកស្វយ័តក្រុងភ្នំពេញ បានស្នើឱ្យពលរដ្ឋចូលរួមសន្សំសំចៃទឹកតាមរយៈការផ្ដល់ព័ត៌មានទឹកធា្លយ​ដែលអាចកើតមាននៅតាមទីសាធារណៈ ឬមុខផ្ទះរបស់ពលរដ្ឋ។​ នេះបើតាមសេចក្តីប្រកាសព័ត៌មាន​របស់រដ្ឋាករទឹកស្វយ័តក្រុងភ្នំពេញ កាលពីថ្ងៃទី ១០ ឧសភា។

សេចក្តីប្រកាសដដែល បានឱ្យដឹងថា បន្ទាប់ពីបានដាក់ដំណើរការនូវរោងចក្រប្រព្រឹត្តកម្មទឹកស្អាតបាក់ខែងជំហានទី១ ដោយបានបញ្ចូនទឹកតាមរយៈបំពង់មេនាំទឹកស្អាត ដើម្បីផ្គត់ផ្គង់ និងបង្កើនសម្ពាធទឹកនៅក្នុងរាជធានីភ្នំពេញ និងក្រុងតាខ្មៅ ឱ្យបានប្រសើរឡើងដែលនេះអាចជាហេតុបង្កឱ្យមានការលេច​ធ្លាយបំពង់ចែកចាយទឹក​ស្អាតនៅ​តាមទីសាធារណៈ ឬមុខផ្ទះប្រជាពលរដ្ឋ។

រដ្ឋាករទឹកស្វយ័តក្រុងភ្នំពេញ ក្នុងករណីប្រទះឃើញការលេចធ្លាយបំពង់ចែកចាយទឹកស្អាត ក៏ដូចជាចូលរួមសន្សំសំ​ចៃទឹកសូមប្រជាពលរដ្ឋផ្តល់ព័ត៌មានមករដ្ឋាករទឹកដើម្បីក្រុមការងាររបស់​រដ្ឋាករទឹកស្វយ័តក្រុងភ្នំពេញ ចុះទៅត្រួតពិនិត្យ និងជួសជុលបានទាន់ពេលវេលា។

សម្រាប់លេខទំនាក់ទំនងរបស់ក្រុមការងាររដ្ឋាករទឹក ០៩៧ ៧៧១ ១១ ៧៩, ០៩៧ ៦៥១ ២២២២៕