KPT+

នាយករដ្ឋមន្ត្រីថៃ ៥ រូបឆ្លងកាត់ការសិក្សាពីសាលាល្បីៗទាំងក្នុងប្រទេស និងនៅបរទេស

បានផុស

៣ years មុន

នៅ

ថ្ងៃអាទិត្យ ២៨ ឧសភា ២០២៣

ដោយ

ជាការពិតណាស់ ដើម្បីក្លាយជាអ្នកដឹកនាំប្រទេស ត្រូវតែមានសមត្ថភាពសិក្សានិងបទពិសោធន៍ក្នុងការរស់នៅប្រកបដោយភាពឆ្លាតវៃ ទើបអាចក្លាយជាអ្នកដែលអាចជំរុញប្រទេសឆ្ពោះទៅមុខបាន។

ជាមួយគ្នានេះដែរ នាយករដ្ឋមន្ត្រីទាំង៥រូបរបស់ប្រទេសថៃ សុទ្ធតែមានប្រវត្តិនៃការអប់រំពីសាលាល្បីៗទាំងក្នុងប្រទេស ខណៈអ្នកផ្សេងទៀតទទួលការសិក្សានៅឯក្រៅស្រុកថែមទៀត។

ខាងក្រោមនេះគឺជាអតីតនាយករដ្ឋមន្ត្រីនិងនាយករដ្ឋមន្ត្រីចាំផ្ទះបច្ចុប្បន្ន ទាំង៥រូប សុទ្ធតែឆ្លងកាត់ការអប់រំពីសាលាល្បីៗ។

១ លោក Pita Limjaroenrat

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនាគតនាយករដ្ឋមន្ត្រីថៃទី ៣០ លោក Pita Limjaroenrat បានសិក្សានៅថ្នាក់អនុវិទ្យាល័យនៅមហាវិទ្យាល័យបាងកកគ្រីស្ទាន។ មុនពេលទៅសិក្សានៅនូវែលហ្សេឡង់នៅអាយុ ១១ ឆ្នាំនៅ Hamilton និងរស់នៅជាមួយគ្រួសារចិញ្ចឹមមួយ។ បន្ថែមពីលើការអប់រំនៅសាលា លោកធ្វើការក្រៅម៉ោងដើម្បីរកប្រាក់ដោយជិះកង់ទៅលក់កាសែត រើសផ្លែស្ត្របឺរី និងធ្វើជាអ្នកមើលថែឆ្កែ។ នៅពេលបញ្ចប់ការអប់រំមធ្យមសិក្សា លោក Pita បានបន្តការសិក្សានៅមហាវិទ្យាល័យពាណិជ្ជកម្ម និងគណនេយ្យ សាកលវិទ្យាល័យ Thammasat ផ្នែកហិរញ្ញវត្ថុ (កម្មវិធីភាសាអង់គ្លេស) បានបញ្ចប់ការសិក្សាដោយកិត្តិយសថ្នាក់ដំបូង បន្ទាប់មកបន្តទៅសិក្សាថ្នាក់អនុបណ្ឌិតនៅ មហាវិទ្យាល័យនយោបាយ និងអភិបាលកិច្ច សកលវិទ្យាល័យ Harvard ស្របជាមួយនឹងការគ្រប់គ្រងពាណិជ្ជកម្មនៅវិទ្យាស្ថានបច្ចេកវិទ្យា Massachusetts ជាសាកលវិទ្យាល័យដែលល្បីល្បាញជាយូរមកហើយ សម្រាប់ការស្រាវជ្រាវ និងការអប់រំផ្នែកគីមីវិទ្យា រូបវិទ្យា និងវិស្វកម្មក្នុងវិស័យផ្សេងៗជុំវិញពិភពលោក។

២ លោក ប្រាយុទ្ធ ចាន់អូចា

នាយករដ្ឋមន្ត្រីថៃទី ២៩ និងជាប្រធានបញ្ជាការប្រតិបត្តិការសន្តិសុខផ្ទៃក្នុង បានបញ្ចប់ថ្នាក់បឋមសិក្សាថ្នាក់ទី ៧ ពីសាលា Sahakit Wittaya ខេត្តលពបុរី ដែលម្តាយជាគ្រូបង្រៀន។ ក្រោយមកលោកបានបន្តការសិក្សាថ្នាក់ទី១ នៅសាលា Pibulwitthayalai ខេត្តលពបុរី ប៉ុន្តែក្រោយពីរៀនបានតែមួយឆ្នាំក៏លាលែងព្រោះឪពុកគាត់ជាមន្ត្រីយោធា ហើយត្រូវធ្វើចំណាកស្រុកទៅខេត្តជាច្រើន។ ក្រោយមក លោកបានបន្តការសិក្សានៅសាលា Wat Nuannoradit ក្នុងទៅក្រុងបាងកក រហូតដល់ចប់អនុវិទ្យាល័យទី៣ ហើយបានបន្តការសិក្សានៅសាលាយោធា រហូតដល់បានបញ្ចប់ការសិក្សាជានិស្សិតត្រៀមលក្ខណៈយោធាជំនាន់ទី១២ និងជាសិស្សនាយទាហាននាយទាហានរងព្រះជរាជ័យទី២៣ និងជាអតីតនិស្សិតនៃមហាវិទ្យាល័យការពារជាតិ។

៣ លោកស្រី យីងឡាក់ ស៊ីណាវ៉ាត្រា

នាយករដ្ឋមន្ត្រីថៃទី ២៨ និងជានាយករដ្ឋមន្ត្រីស្ត្រីដំបូងគេរបស់ប្រទេសថៃ បានបញ្ចប់ថ្នាក់អនុវិទ្យាល័យពី មហាវិទ្យាល័យ Regina Coeli, វិទ្យាល័យ Yupparaj Wittayalai បានទទួលបរិញ្ញាបត្រផ្នែកវិទ្យាសាស្ត្រនយោបាយ ពីសាកលវិទ្យាល័យឈៀងម៉ៃ ជំនាន់ទី២១ ក្នុងឆ្នាំ១៩៨៨ ហើយបានបញ្ចប់ថ្នាក់អនុបណ្ឌិតផ្នែករដ្ឋបាលសាធារណៈ នៅសាកលវិទ្យាល័យ Kentucky State សហរដ្ឋអាមេរិកក្នុងឆ្នាំ១៩៩០។

៤ ឧបនាយករដ្ឋមន្ត្រី អាភីស៊ីត វេចាជីវ៉ា

នាយករដ្ឋមន្ត្រីថៃទី២៧ បានចូលរៀននៅមហាវិទ្យាល័យ Eton College ប្រទេសអង់គ្លេស ហើយបានទទួលបរិញ្ញាបត្រ និងអនុបណ្ឌិតពីសាកលវិទ្យាល័យ Oxford។ ក្រៅពីនេះលោកក៏ជាអតីតសាស្ត្រាចារ្យនៅរាជបណ្ឌិត្យសភាយោធាចល Chulalongkorn និងសាកលវិទ្យាល័យ Thammasat។

៥ ឧបនាយករដ្ឋមន្ត្រី ថាក់ស៊ីន ស៊ីណាវ៉ាត្រា

នាយករដ្ឋមន្ត្រីថៃទី ២៣ នៃប្រទេសថៃបានបញ្ចប់ថ្នាក់វិទ្យាល័យពីមហាវិទ្យាល័យ Montfort ក្នុងឆ្នាំសិក្សា ១៩៦៥ និងឧត្តមសិក្សានៅសាលាត្រៀមកងយោធពលខេមរភូមិន្ទថ្នាក់ទី ១០ (១៩៦៩) និងបណ្ឌិត្យសភានគរបាលភូមិន្ទ ថ្នាក់ទី ២៦ ក្នុងឆ្នាំ ១៩៧៣ ដោយទទួលបានចំណាត់ថ្នាក់លេខ ១ ក្នុងថ្នាក់។ លោកបានទទួលអាហារូបករណ៍ពីការិយាល័យគណៈកម្មការសេវាស៊ីវិល (OCSC) ក្នុងវិស័យយុត្តិធម៌ នៅសាកលវិទ្យាល័យ Eastern Kentucky បានបញ្ចប់ការសិក្សានៅឆ្នាំ ១៩៧៥ ហើយបានបញ្ចប់ថ្នាក់បណ្ឌិតនៅសាកលវិទ្យាល័យ Sam Houston State ក្នុងឆ្នាំ ១៩៧៨ ហើយបានទទួលបណ្ឌិតកិត្តិយស ក្នុងវិស័យសារព័ត៌មាន និងទំនាក់ទំនងមហាជន សាកលវិទ្យាល័យ Thammasat ឆ្នាំ ១៩៩៤៕

ប្រែសម្រួល៖ សាង ស្រីល័ក្ខ

ចុចអាន ៖កូនស្រីពៅលោក ថាក់ស៊ីន ជិះយន្តហោះទៅជួបឪពុក និងលោកស្រី យីងឡាក់

Related Topics:ប្រទេសថៃ