កីឡា
កីឡាករអាស៊ីឆ្នើម៤រូបកំពុងប្រកបអាជីពនៅ Premier League ជាលីគកំពូលក្នុងលោក
លីគកំពូលរបស់ប្រទេសអង់គ្លេស Premier League ជាជម្រើសជើងឯកជាតិល្បីបំផុតក្នុងពិភពលោកដែលប្រមូលផ្ដុំដោយកីឡាករឆ្នើមៗមកពីជុំវិញពិភពលោក។ ជាមួយគ្នានេះ ក៏មានកីឡាករមួយចំនួនពីតំបន់អាស៊ីទទួលបានឱកាសប្រកបអាជីពបាល់ទាត់នៅទឹកដីរបស់ប្រទេសអង់គ្លេសដែរ។
ខាងក្រោមជាកីឡាករអាស៊ី៤រូបកំពុងប្រកបអាជីពនៅក្របខណ្ឌ Premier League។
១. កីឡាករ Son Heung-Min
កីឡាករ Son Heung-Min វ័យ ៣០ ឆ្នាំ សញ្ជាតិកូរ៉េខាងត្បូង ជាខ្សែបម្រើប្រយុទ្ធរបស់ក្លិបមាន់ខ្នាយមាស Tottenham Hotspur។ ចាប់តាំងពីបានផ្លាស់ទៅទឹកដីប្រទេសអង់គ្លេសកាលពីឆ្នាំ ២០១៥ រូបគេបង្ហាញខ្លួនបាន ២៦៨ ប្រកួត និងស៊ុតបញ្ចូលទីបាន ១០៣ គ្រាប់។ រូបគេជាម្ចាស់ពានរង្វាន់ស្បែកជើងមាសនៅក្របខណ្ឌ Premier League កាលពីរដូវកាល ២០២១-២២។
២. កីឡាករ Kaoru Mitoma
កីឡាករ Kaoru Mitoma វ័យ ២៦ ឆ្នាំ សញ្ជាតិជប៉ុន ជាខ្សែបម្រើស្លាបរបស់ក្លិប Brighton។ ចាប់តាំងពីបានផ្លាស់ទៅក្លិប Brighton កាលពីឆ្នាំ ២០២១ រូបគេបង្ហាញខ្លួនបាន ៣៣ ប្រកួតនិងស៊ុតបញ្ចូលទីបាន ៧ គ្រាប់។ មុនពេលទៅកាន់ទឹកដីអង់គ្លេស កីឡាករ Kaoru Mitoma លេងឲ្យក្លិប Kawasaki Frontale នៅលីគកំពូលរបស់ប្រទេសជប៉ុន។
៣. កីឡាករ Hwang Hee-Chan
កីឡាករ Hwang Hee-Chan វ័យ ២៧ ឆ្នាំ សញ្ជាតិកូរ៉េខាងត្បូង ជាខ្សែប្រយុទ្ធរបស់ក្លិប Wolverhampton។ ចាប់តាំងពីបានផ្លាស់ទៅក្លិបអង់គ្លេសកាលពីឆ្នាំ២០២១ រូបគេបង្ហាញខ្លួនបាន៥៧ប្រកួត និងស៊ុតបញ្ចូលទីបាន ៨ គ្រាប់។ មុនពេលទៅកាន់ទឹកដីអង់គ្លេស កីឡាករ Hwang Hee-Chan លេងឲ្យក្លិប RB Leipzig នៅលីគកំពូលប្រទេសអាឡឺម៉ង់។
៤. កីឡាករ Takehiro Tomiyasu
កីឡាករ Takehiro Tomiyasu វ័យ ២៤ឆ្នាំសញ្ជាតិជប៉ុន ជាខ្សែការពារស្លាបស្ដាំរបស់ក្លិបកាំភ្លើងធំ Arsenal ។ ចាប់តាំងពីបានផ្លាស់ទៅកាន់ក្លិបអង់គ្លេសកាលពីឆ្នាំ ២០២១ រូបគេបង្ហាញខ្លួនបាន ៤២ ប្រកួត។ មុនពេលផ្ទេរទៅក្លិបកាំភ្លើងធំ Tomiyasu លេងឲ្យក្លិប Bologna លីគកំពូលប្រទេសអ៉ីតាលី៕
អត្ថបទ៖ ផា រតនា
-
ព័ត៌មានអន្ដរជាតិ៧ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
សន្តិសុខសង្គម៦ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
ព័ត៌មានជាតិ១ សប្តាហ៍ agoគម្រោងស្តារផ្លូវជាតិលេខ ៤ ប្រវែងជិត ២០០ គីឡូម៉ែត្រ ចាយថវិកាជាង ១០០ លានដុល្លារ សម្រេចបញ្ចប់ ១០០%
-
កីឡា២ ថ្ងៃ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានជាតិ៧ ថ្ងៃ agoតើរោងចក្រសហគ្រាសបែបណា តម្រូវបំពាក់ប្រព័ន្ធប្រព្រឹត្តកម្មទឹកកខ្វក់ការពារបរិស្ថាន?
-
កីឡា៥ ថ្ងៃ agoស្មាត់ឆ្នើម វឿន វាសនា បន្តកុងត្រាថ្មីជាមួយក្លិប Win Streak ត្រូវអ្នកគាំទ្រ តៃវ៉ាន់ សាទរខ្លាំង
-
ព័ត៌មានជាតិ៤ ថ្ងៃ agoអភិបាលស្រុកសំរោង ចុះពិនិត្យស្ពាន «កាប់នឹម» បាក់ស្រុតធ្ងន់ សិក្សាលទ្ធភាពជួសជុលឡើងវិញ ដើម្បីធានាសុវត្ថិភាពពលរដ្ឋ
-
ព័ត៌មានអន្ដរជាតិ២ ថ្ងៃ agoពូទីន ចង់យកកិច្ចព្រមព្រៀងចាស់ និងតថភាពជាក់ស្ដែងលើសមរភូមិ ទៅចរចាសន្តិភាពជាមួយអ៊ុយក្រែន