ជីវិតកម្សាន្ដ

មិនដល់២ឆ្នាំ ! ឆៃ លីដាឡែន ត្រូវបាត់បង់មនុស្សជាទីស្រលាញ់២រូបក្នុងគ្រួសារ

បានផុស

៥ years មុន

នៅ

ថ្ងៃពុធ ២៧ មករា ២០២១

ដោយ

តារាចម្រៀងស្រីយ៉េៗអ្នកនាង ឆៃ លីដាឡែន ឈានចូលឆ្នាំ២០២១នេះ នាងនិងក្រុមគ្រួសារបានជួបទុក្ខដ៏ក្រៀមក្រំនិងសោកសៅបំផុត ខណៈបងស្រីជាទីស្រលាញ់បានទទួលមរណភាពទាំងអាល័យបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណឹងមរណទុក្ខដ៏ក្រៀមក្រំនេះ បានធ្វើឲ្យមហាជននិងអ្នកសិល្បៈរួមអាជីពជាច្រើនសម្តែងការចូលរួមសោកស្តាយនិងរំលែកទុក្ខដ៏សោកសៅនេះ ជាមួយអ្នកនាង ឆៃ លីដាឡែន និងក្រុមគ្រួសារ ខណៈមានមិត្តភក្តិសិល្បៈឯទៀតក៏បានចូលរួមដោយផ្ទាល់ ផងដែរ។

ប្រភពពីមិត្តភក្តិសិល្បៈជិតដិត ដែលបានចូលរួមពិធីបុណ្យសពបងស្រី ឆៃ លីដាឡែន បានបញ្ជាក់ថា ឆៃ លីដាឡែន ពិតអាល័យបងស្រីនាងខ្លាំង ខណៈថ្ងៃបូជាសពនាងបានយំសោកបោកប្រាណយ៉ាងខ្សោះទឹកភ្នែកស្ទើរសន្លប់ទៀតផង។ ប្រភពថា ពួកគេអាណិត ដាឡែន ខ្លាំងណាស់ ព្រោះនាងទើបតែបាត់បង់ឪពុកមិនទាន់បានប៉ុន្មានផង ពេលនេះក៏បាត់បង់បងស្រីបង្កើតម្នាក់ទៀតគួរឲ្យស្តាយបំផុត។ ដោយឡែកអ្នកនាង ឆៃ លីដាឡែន បានបញ្ជាក់ឲ្យ ដឹងយ៉ាងខ្លីដោយអារម្មណ៍ក្តុកក្តួលថា នាងពិតជាស្ទើរតែទទួលយកមិនបានឡើយ ក្រោយពេលទទួ លបានដំណឹងនៃការស្លាប់បងស្រីធំយ៉ាងលឿនដូច្នេះ។ នាងថាបងស្រីនាងបានស្លាប់ដោយសារជំងឺគាំងបេះដូងកាលពីថ្ងៃទី២៣ ខែមករា បន្ទាប់មកពីលេងភ្លេងការវិញ។ ពេលនេះ សពបងស្រីនាង ត្រូវបានបូជារួចរាល់ហើយនៅឯស្រុកកំណើតខេត្តបាត់ដំបង។

សូមរម្លឹកដែរថា កាលពីអំឡុងចុងឆ្នាំ២០២១តារាចម្រៀងនិងសម្តែងអ្នកនាង ឆៃ លីដាឡែន ក៏បានជួបទុក្ខធំក្នុងគ្រួសារ ផងដែរ បន្ទាប់ពីលោកឪពុកជាទីស្រលាញ់របស់តារាចម្រៀងរូបនេះ បានទទួលមរណភាព ក្នុងជន្មាយុ៦៨ឆ្នាំ ដោយសារជំងឺគាំងបេះដូង ផងដែរ៕