កីឡា

ព្រះខ័នរាជស្វាយរៀងកាន់តែរឹងមាំ ខណៈ បឹងកេតនិងដង្កោសែនជ័យតឹងខ្លាំង

បានផុស

២ years មុន

នៅ

ថ្ងៃចន្ទ ៤ មីនា ២០២៤

ដោយ

ក្រុមបាល់ទាត់បឹងកេត និង អាយអេសអាយ ដង្កោសែនជ័យ បានក្លាយជាគូប្រជែងគ្នាយ៉ាងខ្លាំងសម្រាប់ប្រជែងតំបន់កំពូលទាំង៤ (Top4) លីគបាល់ទាត់កំពូលកម្ពុជា រដូវកាល២០២៣-២៤ ឈានដល់សប្តាហ៍ទី២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីសប្តាហ៍ទី២៣កន្លងទៅនេះ អាយអេសអាយ ដង្កោសែនជ័យ ពិតជាធ្វើបានល្អមែនទែនដោយបានយកឈ្នះក្រុមណាហ្គាវើលដ៍ដោយលទ្ធផល ២-០។ ពួកគេជាក្រុមមួយដែលរកបាន៣ពិន្ទុពេញៗពីក្រុមខ្លាំងដូចជាយកឈ្នះក្រុមព្រះខ័នរាជស្វាយរៀង ១-២ និងឈ្នះវិសាខា ២-៤។

សរុប២៣សប្តាហ៍ អាយអេសអាយ ដង្កោសែនជ័យ រកបាន៣៤ពិន្ទុ តាមរយៈជ័យជម្នះ១០ដង ស្មើ៤ដង និងចាញ់៩ដង កំពុងឈរចំណាត់ថ្នាក់លេខ៥ មានពិន្ទុស្មើនឹងបឹងកេតដែលឈ្នះ៩ ស្មើ៧ និងចាញ់៧ កំពុងឈរចំណាត់ថ្នាក់លេខ៤។

ការប្រកួតនៅសល់តែ៤ប្រកួតទៀតប៉ុណ្ណោះក្នុងជុំទី៣ ដូច្នេះបឹងកេត និង អាយអេយអេស ដង្កោសែនជ័យ ត្រូវប្រឹងប្រែងខ្លាំងមែនទែនដើម្បីកៅអីឡើងទៅជុំទី៤។

ដោយឡែកព្រះខ័នរាជស្វាយរៀងនៅតែបន្តនាំមុខគូប្រជែងភ្នំពេញក្រោន៧ពិន្ទុដដែល បន្ទាប់ពីពួកគេបានយកឈ្នះអង្គរថាយហ្គឺរ ៣-០ ហើយភ្នំពេញក្រោនបានឈ្នះ វិសាខា ១-៣។

ព្រះខ័នរាជស្វាយរៀងនៅតែបន្តឈរលើកំពូលតារាងដ៏រឹងមាំជាមួយ៥៩ពិន្ទុ បន្ទាប់ពីឈ្នះ១៩ដង ស្មើ២ និងចាញ់២ ដោយមានភាគរយកាន់តែច្រើនក្នុងការគ្រងជើងឯករដូវកាលនេះ ខណៈភ្នំពេញក្រោនមាន៥២ពិន្ទុ តាមរយៈឈ្នះ១៦ដង ស្មើ៤ និងចាញ់៣។

ចំពោះវិសាខាមាន៣៨ពិន្ទុ កំពុងឈរលេខ៣ បន្ទាប់ពីឈ្នះ១២ ស្មើ២ និងចាញ់៩ ដោយតាមពី ក្រោយភ្នំពេញក្រោន៤ពិន្ទុ។ ពួកគេមានភាគខ្ពស់ក្នុងការឡើងទៅជុំទី៤ ប៉ុន្តែការប្រជែងជើងឯកកាន់តែមានភាគរយតិចដូច ដង្កោសែនជ័យ និងបឹងកេតដែរ។

តារាងចំណាត់ថ្នាក់