ជីវិតកម្សាន្ដ

វីជេ អាឡាស្កូ ស្នើសិល្បកររៀមច្បង ចែករំលែកចំណេះដឹង នៃសិល្បៈដល់អ្នកជំនាន់ក្រោយ

បានផុស

២ years មុន

នៅ

ថ្ងៃព្រហស្បតិ៍ ២៥ កក្កដា ២០២៤

ដោយ

ពិធីកររូបសង្ហា និងជាអតីតពលករនៅកូរ៉េ វីជេ អាឡាស្កូ បានចេញមុខស្នើដល់សិល្បកររៀមច្បង ជួយចែករំលែកចំណេះដឹងសិល្បៈដល់យុវជនជំនាន់ក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្នើសុំរបស់ វីជេ អាឡាស្កូ ដោយសង្កេតឃើញថា បច្ចុប្បន្នកំពុងមានសិល្បៈខ្មែរជំនាន់ក្រោយជាច្រើនបានដុះពន្លឺក្នុងវិថីមួយនេះ។

អាឡាស្កូ បានលើកឡើងថា «ស្នើសុំរៀមច្បងសិល្បករទាំងអស់ គ្រប់ជំនាញ ចែករំលែកចំណេះដឹង នៃសិល្បៈដល់ប្អូនៗ ជំនាន់ក្រោយយើងផង ព្រោះប្អូនៗ ជាអ្នកបន្តវេនកម្ពុជា កំពុងត្រូវការធនធានជំនាញ»។

ជាមួយគ្នា នៃការលើកឡើងខាងលើនេះ ក៏មានមហាជន និងអ្នកគាំទ្រមួយចំនួន បានបង្ហាញការគាំទ្រ ព្រមទាំងលើកទឹកចិត្តចំពោះសិល្បករ-សិល្បការិនីរៀមច្បង ជួយចូលរួមចែករំលែកបទពិសោធដល់យុវជនជំនាន់ក្រោយៗ ឲ្យទទួលបានចំណេះជំនាញផ្អែកសិល្បៈផងដែរ។

តាមការកត់សម្គាល់ វីជេ អាឡាស្កូ បច្ចុប្បន្នក្រៅពីជាពិធីករ ក៏ជាអ្នកគ្រប់គ្រង Agency និងមានបទពិសោធក្នុងការដឹកនាំព្រឹត្តិការណ៍តូច-ធំជាច្រើនរបស់ក្រុមហ៊ុនមួយចំនួន ដោយមានទាំងសេវាកម្មរៀបចំកម្មវិធីសិល្បៈទាំងក្នុង និងក្រៅប្រទេសផងដែរ។

គួរបញ្ជាក់ថា បន្ទាប់ពីការអាក់ខានសិល្បៈអស់ពេលប្រមាណ ២ ឆ្នាំ មកនោះ ឥឡូវតារាប្រុសរូបនេះ បានបង្ហាញខ្លួនវិលរកអាជីពសិល្បៈវិញហើយ ខណៈបច្ចុប្បន្នកំពុងចាប់ផ្ដើមការងារមួយចំនួននៅតាមបណ្ដាកម្មវិធី និងក្រុមហ៊ុននានាជាដើម។ ចំណុចនេះ ក៏ត្រូវបានគេមើលឃើញថា ទីផ្សារសិល្បៈរបស់លោកកំពុងមានសន្ទុះខ្លាំងឡើងវិញ ទោះបីអាក់ខានមួយរយៈពេល៕

អត្ថបទ ៖ ចាន់រ៉ា