Connect with us

ព័ត៌មានអន្ដរជាតិ

ប៉ូសិស​​អង់គ្លេស​ប៉ះទង្គិច​ដោយហិង្សា​ជាមួយ​ក្រុមបាតុករស្តាំនិយម​​​

បានផុស

នៅ

ក្រុមបាតុករស្តាំនិយមបានប៉ះទង្គិចគ្នាដោយហិង្សាជាមួយប៉ូលិសអង់គ្លេសកាលពីថ្ងៃអង្គារនៅជិតវិហារអ៊ីស្លាមមួយក្នុងទីក្រុង Southport ភាគពាយព្យប្រទេសអង់គ្លេស មួយថ្ងៃបន្ទាប់ពីក្មេងស្រីបីនាក់ត្រូវបានចាក់សម្លាប់នៅក្នុងការវាយដំដ៏អាក្រក់បំផុតមួយលើកុមារ ដែល​ជា​ករណី​មិនធ្លាប់មានក្នុងរយៈពេលជាច្រើនទសវត្សរ៍កន្លងមក។ នេះបើយោងតាមការចេញផ្សាយរបស់សារព័ត៌មាន​ CNN នៅថ្ងៃទី១ខែសីហានេះ។

(រូបភាព៖ Getty)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំពើហិង្សានេះបានកើតឡើងបន្ទាប់ពីមានការការពារដោយសន្តិវិធីនៅក្នុងទីក្រុងមាត់សមុទ្រដែលចូលរួមដោយអ្នកកាន់ទុក្ខរាប់រយនាក់ដែលបានដាក់កម្រងផ្កា ប្រដាប់ប្រដាក្មេងលេង និងទៀនក្នុងការគោរពដ៏រំជួលចិត្តដល់ក្មេងស្រីបីនាក់ដែលត្រូវបានសម្លាប់ក្នុងការវាយប្រហារទៅលើសាលារាំមួយដែលយកតារាចម្រៀង Taylor Swift ជាប្រធានបទ។

ប៉ូលិសបាននិយាយនៅក្នុងសេចក្តីថ្លែងការណ៍មួយថា ក្រុមបាតុករជាអ្នកគាំទ្រស្តាំនិយមអង់គ្លេស។ក្រុមនេះបានដើរតាមផ្លូវដោយកំហឹងគប់ដុំឥដ្ឋនៅវិហារអ៊ីស្លាមក្នុងតំបន់ រួមទាំងបានដុតរថយន្តប៉ូលីស និងគប់ដបដាក់ប៉ូលីស។

ការផ្ទុះការតវ៉ានេះគឺបន្ទាប់​ពី​ការ​ចាប់​ខ្លួន​ជនសង្ស័យក្នុង​ករណី​ចាក់​សម្លាប់ មានឈ្មោះ«មិន​ត្រឹមត្រូវ» ដែល​ជាប់​ពាក់ព័ន្ធ​នឹង​ជន​សង្ស័យ​ត្រូវ​បាន​ផ្សព្វផ្សាយ​តាម​ប្រព័ន្ធ​ផ្សព្វផ្សាយ​សង្គម។ ជាមួយគ្នានេះក៏មានការសនិដ្ឋានជាច្រើនជុំវិញស្ថានភាពរបស់បុរសអាយុ ១៧ ឆ្នាំម្នាក់ ដែលបច្ចុប្បន្នកំពុងស្ថិតក្នុងការឃុំឃាំងរបស់ប៉ូលិស ហើយមនុស្សមួយចំនួនកំពុងប្រើប្រាស់វាដើម្បីជាការតវ៉ាដោយហិង្សា និងគ្មានសណ្តាប់ធ្នាប់។

(រូបភាព៖ Getty)

ម៉ូលិសជាច្រើនបានរងរបួសយ៉ាងធ្ងន់ធ្ងរ រួមទាំងការបាក់ឆ្អឹង ស្នាមរបួស ខ្លះសង្ស័យថាបានបាក់ច្រមុះ និងការប៉ះទង្គិចលើរាងកាយផ្សេងៗ រួម​មាន​របួស​ក្បាល របួស​មុខ​ធ្ងន់ធ្ងរ និង​ម្នាក់​សន្លប់​ សូម្បីតែសុនខ​ប៉ូលិស​បី​ក្បាល​ក៏​បាន​រង​របួស​ផងដែរ។ជាមួយគ្នានេះសេវារថយន្តសង្គ្រោះបន្ទាន់ North West បាននិយាយថា ខ្លួនបានព្យាបាលមន្ត្រីប៉ូលិសចំនួន ៣៩នាក់ដែលរងរបួសក្នុងអំពើហិង្សានេះ ដែលក្នុងនោះ ២៧ នាក់ត្រូវបានបញ្ជូនទៅមន្ទីរពេទ្យ។

កាល​ពី​ថ្ងៃ​អង្គារ ប៉ូលិស​បាន​ប្រកាស​ឈ្មោះ​ក្មេង​ស្រី​ទាំង​បី​នាក់​ដែល​ត្រូវ​បានចាក់​នោះ​មាន​ឈ្មោះ Bebe King អាយុ ៦ ឆ្នាំ Elsie Dot Stancombe អាយុ ៧ ឆ្នាំ និង Alice Dasilva Aguiar អាយុ ៩ ឆ្នាំ។គួរបញ្ជាក់ថាដំបូងឡើយមមានកុមារ២នាក់បានស្លាប់ និងកុមារចំនួន៩​នាក់បានរងរបួស​ ហើយ​៦នាក់​ក្នុង​ចំណោម​នោះ​ស្ថិតក្នុងស្ថានភាពធ្ងន់ធ្ងរ និងមនុស្សវ័យជំទង់២នាក់ក៏របួសធ្ងន់ធ្ងរ​ដែរ ដោយសារព្យាយាមការពារកុមាររងគ្រោះ ខណៈក្មេងស្រីម្នាក់ដែលបានរងរបួសធ្ងន់ធ្ងរត្រូវបានគេបញ្ជូនទៅមន្ទីរពេទ្យនិងបាន​ស្លាប់​យ៉ាង​អាណោចអាធ័មនៅព្រឹកបន្ទាប់ដែលធ្វើចំនួនកុមារស្លាប់កើនដល់៣នាក់ ៕

(រូបភាព៖ Getty)

អត្ថបទ៖ ប៊ុន សុភាព

Helistar Cambodia - Helicopter Charter Services
Sokimex Investment Group
ព័ត៌មានជាតិ៣៦ នាទីutes មុន

ថៃចង់ប្ដឹងកម្ពុជារឿងទាហានជាន់មីនក្នុងដីខ្លួនទៅUN÷ មេស៊ីម៉ាក់ ពន្យុះឱ្យថៃកាន់ដៃកម្ពុជាទៅICJ តែម្តងទៅ ព្រោះជាតុលាការរបស់UNស្រាប់

ព័ត៌មានជាតិ៥១ នាទីutes មុន

ប្រតិភូ​គណៈ​ចលនា​សាសនិកឥស្លាមកម្ពុជា អញ្ជើញ​ជួបសំណេះសំណាល និង​នាំ​យក​អំណោយ ឧបត្ថម្ភ​ជូនកងកម្លាំងជួរមុខ នៅស្រុកជាំក្សាន្ត ខេត្តព្រះវិហារ

សន្តិសុខសង្គម១ ម៉ោង មុន

កម្លាំង​ចម្រុះ​នៃរដ្ឋបាលរាជធានីភ្នំពេញ បង្រ្កាបទីតាំងលួចបង្កប់​ល្បែង​អនឡាញ​នៅ​សង្កាត់​ទន្លេបាសាក់ ខណ្ឌចំការមន ឃាត់ខ្លួនជនជាតិចិន១២នាក់

ព័ត៌មានជាតិ២ ម៉ោង មុន

កសិករ​ដាំ​ទុរេន​នៅ​ក្បែរ​ទឹក​ជ្រោះប៊ូ​ស្រា​ ចាប់ផ្ដើមប្រមូលផលបានបណ្តើរៗហើយ

ព័ត៌មានអន្ដរជាតិ២ ម៉ោង មុន

​​​The Times៖ លោក ស៊ី ត្រាំ និង ​ពូទីន ទំនង​ជួប​គ្នា​នៅ​ទីក្រុង​ប៉េកាំង​នៅដើមខែកញ្ញា​

Sokha Hotels

ព័ត៌មានពេញនិយម