កីឡា

នារីភ្នំពេញក្រោន ជាក្រុមកម្ពុជាដំបូងទៅលេង AFC Women’s Champions League

បានផុស

១ year មុន

នៅ

ថ្ងៃពុធ ១២ កុម្ភៈ ២០២៥

ដោយ

ក្រុមបាល់ទាត់នារីភ្នំពេញក្រោន នឹងក្លាយជាក្រុមតំណាងកម្ពុជាលើកដំបូងក្នុងការចូលរួមប្រកួតពានរង្វាន់ទ្វីបអាស៊ី AFC Women’s Champions League បន្ទាប់ពីបានឈ្នះជើងឯកលីគនារីកម្ពុជារដូវកាល២០២៤-២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាការិនី សឿន វិផា សមាជិកដ៏សំខាន់របស់ក្រុមនារីភ្នំពេញក្រោន បានឲ្យដឹងថា រដូវកាលនេះ ក្រុមនារីភ្នំពេញក្រោន រីករាយយ៉ាងខ្លាំង ពីព្រោះជាការប្រកួតពេញមួយរដូវកាលដែលមានការប្រកួតប្រជែងខ្លាំង។ «វារីករាយដែលយើងឈានមកដល់ចំណុចនេះ ហើយជាអ្វីដែលយើងចង់បាន។ នេះជាគោលបំណងសំខាន់របស់យើងដែលទៅលេងនៅពានរង្វាន់ AFC Women’s Champions League»។

សឿន វិផា បានប្រាប់ថា ៖«យើងជាក្រុមតំណាងឲ្យក្លិប ហើយជាតំណាងឲ្យក្រុមកម្ពុជាលើកដំបូង ដូចកាលពីរដូវកាលមុនក្រុមបុរសភ្នំពេញក្រោនលេងតំណាងកម្ពុជាក្នុងពានរង្វាន់ AFC Cup ហើយឆ្នាំនេះ ព្រះខ័នរាជស្វាយរៀង លេងពានរង្វាន់ AFC Challenge Leauge។ ដូច្នេះគ្នា សម្រាប់ក្រុមនារីកម្ពុជាយើងទើបមានរដូវកាលខាងមុខ»។

ពានរង្វាន់នារីកម្រិតទី១ប្រចាំតំបន់អាស៊ី AFC Women’s Champions League ទើបត្រូវបានឡើងលើកទី១ក្នុងរដូវកាល២០២៤-២៥ ដែលមានក្រុមបាល់ទាត់នារីមកពីទូទាំងទ្វីបអាស៊ីចំនួន២១ចូលរួមប្រកួត ហើយគ្រោងនឹងបញ្ចប់នៅថ្ងៃទី២៤ ខែឧសភា ឆ្នាំ២០២៥។ កាលវគ្គជម្រុះក្នុងពូលកីឡាការិនី យ៉ុន យ៉ើន បានក្លាយជាកីឡាការិនីកម្ពុជាទី១រកបានគ្រាប់បាល់ក្នុងពានរង្វាន់នេះនៅពេលលេងឲ្យក្រុមឡាវ Young Elephants កាលពីថ្ងៃទី២៥ ខែសីហា ឆ្នាំ២០២៤។ នៅពេលនេះរកឃើញក្រុមឡើងវគ្គ៨ក្រុមចុងក្រោយហើយ ខណៈក្រុមនារីវៀតណាម Ho Chi Minh City ពានក្លាយជាក្រុមនារីតំបន់អាស៊ានតែមួយគត់បានឡើងវគ្គ៨ក្រុមចុងក្រោយ។

បន្ទាប់ពីចប់រដូវកាលនេះ AFC Women’s Champions League រដូវកាល២០២៥-២៦ នឹងចាប់ផ្តើមដែលមានក្រុមនារីភ្នំពេញក្រោន តំណាងកម្ពុជាចូលរួមប្រកួតក្នុងនាមជាក្រុមជើងឯកលីគនារីកម្ពុជា៕

អត្ថបទ៖ វីរបុត្រ