កីឡា

ម៉ូតូ៥គ្រឿងកំពុងរង់ចាំម្ចាស់សំណាង នៅពហុកីឡដ្ឋានជាតិមរតកតេជោ ថ្ងៃស្អែក

បានផុស

១ year មុន

នៅ

ថ្ងៃពុធ ៩ មេសា ២០២៥

ដោយ

មិនត្រឹមតែទទួលបានភាពសប្បាយរីករាយ និងផ្តល់កម្លាំងចិត្តដល់កីឡាករព្រះខ័នរាជស្វាយរៀងប៉ុណ្ណោះទេ ប៉ុន្តែអ្នកទស្សនាផ្ទាល់អាចមានឱកាសឈ្នះរង្វាន់ម៉ូតូថែមទៀតសម្រាប់ការទស្សនានៅថ្ងៃស្អែក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះខ័នរាជស្វាយរៀង នឹងបើកទ្វារពហុកីឡដ្ឋានជាតិមរតកតេជោ ទទួលក្រុមមកពីប្រទេសឥណ្ឌូណេស៊ី Madura United ជើងទី១ វគ្គពាក់កណ្តាលផ្តាច់ព្រ័ត្រ ពានរង្វាន់ AFC Challenge League វេលាម៉ោង៧យប់ ថ្ងៃព្រហស្បតិ៍ ទី១០ ខែមេសា ឆ្នាំ២០២៥។

សំបុត្រទស្សនាតម្លៃត្រឹមតែ៥០០០រៀលប៉ុណ្ណោះ ប៉ុន្តែអ្នកគាំទ្រទទួលបានអ្វីពិសេសលើសពីការទស្សនាបាល់ទាត់។ ការទស្សនាផ្ទាល់ជាការផ្តល់កម្លាំងចិត្តជាពិសេសដល់ក្រុមម្ចាស់ផ្ទះដើម្បីស្វែងរកជ័យជម្នះ បង្កើតកំណត់ត្រាថ្មី ហើយទទួលបានភាពសប្បាយរីករាយ ព្រមទាំងមានឱកាសឈ្នះរង្វាន់ម៉ូតូថែមទៀត។

លើកនេះក្រុមការងារព្រះខ័នរាជស្វាយរៀងបានរៀបចំជាពិសេសសម្រាប់អ្នកគាំទ្រដោយមិនឲ្យមានការលំបាកក្នុងការចូលឡើយ។ តាមការប្រកាសពីក្លិបនៅរសៀលថ្ងៃទី៨ ខែមេសានេះថា ៖«យើងបានរៀបចំការឆែកសំបុត្រ និងស្កែនជា២៤ជួរ និងបើកច្រកចូលពហុកីឡដ្ឋាន២៣ច្រក មិនតម្រូវអោយប្តូរសំបុត្រទៀតទេ បង្ហាញ QR ស្តេនចូលតែម្តង សម្រាប់E-Ticketពេលចាប់ឆ្នោតក្រុមការងារព្រីនឈ្មោះនិងលេខទំនាក់ទំនងរបស់លោកអ្នកដាក់ចូលធុងឆ្នោតរួចរាល់»។

ការរៀបចំវិធីសាស្ត្រថ្មីនេះឡើង បន្ទាប់ពីការប្រកួតកាលពីដើមខែមីនា ឆ្នាំ២០២៥ កន្លងទៅនៅពហុកីឡដ្ឋានជាតិមរតកតេជោ អ្នកគាំទ្រជាច្រើនបានជួបការលំបាកក្នុងការឈរតម្រង់ជួរ និងចំណាយពេលវេលាយូរសម្រាប់ការពិនិត្យសំបុត្រឲ្យចូលទស្សនា ដោយសារសំបុត្រដែលទិញផ្ទាល់ដៃ និងសំបុត្រ E-Ticket ទិញតាម App គឺមានការត្រួតពិនិត្យផ្សេងគ្នា៕

អត្ថបទ៖ វីរបុត្រ

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា