G-Devith ទម្លាក់ធៀបអញ្ជើញភ្ញៀវរំលេចការរចនាមិនធ្លាប់មាន បង្កការចាប់អារម្មណ៍ជាថ្មី

បាំងតែប៉ុន្មានសប្តាហ៍ទៀតប៉ុណ្ណោះ ថ្ងៃជ័យមង្គលគូស្នេហ៍តារាចម្រៀងរ៉េបដ៏ល្បីឈ្មោះ ជី ដេវីត និង ទេព បូព្រឹក្ស នឹងមកដល់ហើយ ខណៈកាន់តែកៀកថ្ងៃ តារាចម្រៀងគូស្នេហ៍ទាំងពីរដួង បានធ្វើឱ្យមហាជនពិសេសអ្នកគាំទ្រ មានការចាប់អារម្មណ៍ខ្លាំងលើការលេងស្ទាយល៍ក្នុងឈុត Pre-Wedding តាមលំនាំទសវត្សរ៍ ៨០ និង ៩០ ថ្មីៗនេះ។

ជាងនេះទៅទៀត កាលពីយប់មិញ លោក G-Devith ក៏ទើបតែបង្ហាញកញ្ចប់ធៀបអញ្ជើញភ្ញៀវ ដែលជាការរចនាម៉ូដថ្មីសុទ្ធសាធ ពុំធ្លាប់មាន មានញ្ចូលនូវទម្រង់នៃប្រាសាទអង្គរវត្ត បង្កការចាប់អារម្មណ៍និងភ្ញាក់ផ្អើលជាថ្មីផងដែរ។

តាមរយៈរូបភាព Pre Wedding ជាច្រើន មិនថាបែបសម័យកាលណា អ្នកទាំងពីរបានធ្វើឱ្យមហាជនមានការចាប់អារម្មណ៍ និងកោតសរសើរជាពិសេសលើការតុបតែងកាយរំលឹកអនុស្សាវរីយ៍ទសវត្សរ៍៨០-៩០ ខណៈមហាជន នាមគ្នាទម្លាយរូបភាពការគ្រួសារខ្លួនសម័យកាលនោះព្រោងព្រាត។

បើតាមគម្រោងតារាចម្រៀង ទេព បូព្រឹក្ស និងលោក ជី ដាវីត គ្រោងដឹកដៃគ្នាចូលរោងការទៅតាមប្រពៃណីខ្មែរនៅថ្ងៃ ៧ មិថុនា ឆ្នាំ២០២៥ ខាងមុខនេះ ក្រោយចងចំណងស្នេហានឹងគ្នា ១០ឆ្នាំ។

យ៉ាងណា ទោះបីជារំលងពេលច្រើនឆ្នាំ ដែលអ្នកទាំងពីរទើបសម្រេចចិត្តរៀបចំមង្គលការនៅឆ្នាំនេះក៏ដោយ អ្នកគាំទ្រ មិត្តភក្តិ ក៏ដូចជាសិល្បសិល្បការិនី បានសម្តែងក្តីរំភើបនៃចំណងស្នេហ៍ដ៏មួយនេះ និងជូនពរអ្នកពីរដោយក្តីពេញចិត្តផងដែរ៕