ព័ត៌មានជាតិ
កម្ពុជានឹងជំរុញបរធនបាលកិច្ចគ្រួសារដើម្បីធានាបានស្ថិរភាពហិរញ្ញវត្ថុឆ្លងជំនាន់
អគ្គនាយកបរធនបាលកិច្ច លោក សុខ ដារ៉ា បានលើកឡើងថា បរធនបាលកិច្ចគ្រួសារ គឺមានចំណុចពិសេសមួយក្នុងការធានាបាននូវស្ថិរភាពហិរញ្ញវត្ថុគ្រួសារឆ្លងជំនាន់ ហើយធ្វើឱ្យអំណាចហិរញ្ញវត្ថុ អំណាចអាជីវកម្មរបស់គ្រួសារ នៅតែរក្សាបានអំណាចប្រកួតប្រជែង រក្សាបាននូវការបង្កើតថ្លៃដើមទាប សេដ្ឋកិច្ចមាត្រដ្ឋានខ្ពស់ (Economic of Scale) ហើយមិនធ្វើឱ្យបាត់បង់ទៅវិញ។
លើកឡើងនៅក្នុងកិច្ចសន្ទនាសេដ្ឋកិច្ចជាមួយ«កម្ពុជាថ្មី» កាលពីពេលថ្មិៗនេះ លោក សុខ ដារ៉ា មានប្រសាសន៍ថា ការប្រើប្រាស់បរធនបាលកិច្ចបុគ្គលនៅកម្ពុជា គឺមានចំនួនតិចនៅឡើយ ប៉ុន្តែវាជាបរធនបាលកិច្ចមួយដែលដើរតួនាទីសំខាន់សម្រាប់ប្រទេស អភិវឌ្ឍន៍។ ក្នុងនេះ ក៏នៅមានបរធនបាលកិច្ចមួយប្រភេទដែលមានភាពចាំបាច់ គឺបរធនបាលកិច្ចគ្រួសារ ដោយបរធនបាលកិច្ចនេះ គឺជាបរធនមួយដែលពេញនិយមហើយមានទំហំទីផ្សារធំ មានក្របខ័ណ្ឌច្បាប់ បទបញ្ញត្តិពេញលេញគ្រប់គ្រាន់នៅក្នុងប្រទេសអភិវឌ្ឍន៍ ទាំងប្រទេសនៅតំបន់អាស៊ី បណ្តាប្រទេសជឿនលឿន ដូចជាហុងកុង សិង្ហបុរី ថៃ ហ្វីលីពីន និងម៉ាឡេស៊ី។
ជាក់ស្តែង នៅប្រទេសនៅហុងកុង បរធនបាលកិច្ចគ្រួសារមានទំហំ ៦៤ ពាន់លានហុងកុង ដែលស្មើនិងប្រមាណជា ៨ ពាន់ដុល្លារអាមេរិក ធំជាងទីផ្សារកម្ពុជារហូតដល់ ៤ ដង។ ដោយឡែក នៅសិង្ហបុរី បរធនបាលកិច្ចគ្រួសារនេះធំជាងសេដ្ឋកិច្ចប្រទេសកម្ពុជាស្ទើរទាំងមូល គឺប្រហែលជា ៤០ ដង។
លោក សុខ ដារ៉ា បានបន្តថា «បានជាបរធនបាលកិច្ចគ្រួសារមានភាពពេញនិយមខ្លាំង ដោយសារបរធននេះមានចំណុចពិសេសម្យ៉ាង គឺការធានាបាននូវស្ថិរភាពហិរញ្ញវត្ថុគ្រួសារឆ្លងជំនាន់ ហើយធ្វើឱ្យអំណាចហិរញ្ញវត្ថុ អំណាចអាជីវកម្មរបស់គ្រួសារ ដែលស្ថាបនិកគ្រួសារខិតខំប្រឹងប្រែងអស់មួយជីវិតបង្កើតមកនោះ គឺនៅតែរក្សាបានអំណាចប្រកួតប្រជែង រក្សាបាននូវការបង្កើតថ្លៃដើមទាប សេដ្ឋកិច្ចមាត្រដ្ឋានខ្ពស់ ហើយមិនធ្វើឱ្យបាត់បង់ទៅវិញធៀបទៅនិងយន្តការមួយចំនួន»។
លោកបានពន្យល់ថា «យន្តការមួយចំនួនដូចជាការបែងចែកមរតកគ្រួសារជាដើម វាជារឿងល្អក្នុងន័យគុណធម៌ ជារឿងល្អក្នុងន័យគ្រប់គ្រងក្នុងការបែងចែកទ្រព្យសម្បត្តិ ប៉ុន្តែធ្វើឱ្យការបែងចែកទ្រព្យសម្បត្តិដែលស្ថិតនៅក្នុងគ្រួសារដែលធ្លាប់ប្រឹងប្រែងបង្កើតឡើងនោះទៅជាចំណែកតូចៗ តាមចំណែកដែលសមាជិកគ្រួសារទទួលបាន»។
ការបែងចែករបៀបនេះទៀតសោត ក៏នឹងធ្វើឱ្យថយនូវអំណាចប្រកួតប្រជែង ធ្វើឱ្យអំណាចអាជីវកម្មគ្រួសារនោះត្រូវបានបែងចែក ប៉ុន្តែចំពោះបរធនបាលកិច្ចគ្រួសារគឺជាការបង្វិលធនធានទ្រព្យសម្បត្តិគ្រួសារ ដាក់ក្នុងបរធនបាលកិច្ច ហើយគ្រប់គ្រងដោយក្រុមបរធនបាលដែលមានសមត្ថភាពវិជ្ជាជីវៈ។
ក្នុងចំណុចនេះ លោកបានពន្យល់ថា ប្រសិនបើមិនចង់ប្រគល់ទ្រព្យសម្បត្តិគ្រួសារទៅឱ្យបរធនបាលជាអ្នកគ្រប់គ្រងជំនួសទេ ត្រឹមតែទ្រព្យសម្បត្តិនោះនៅជាកម្មសិទ្ធរបស់ស្ថាបនិកគ្រួសារនៅឡើយគ្រាន់តែឱ្យក្រុមបរធនបាលធ្វើការចាត់ចែងជំនួស អ្វីដែលសំខាន់គឺការបែងចែកផលពីការគ្រប់គ្រងចាត់ចែងនេះទៅដល់សមាជិកគ្រួសារ។
មានន័យថា ទ្រព្យសម្បត្តិគ្រួសារ អាជីវកម្ម អាណាចក្រគ្រួសារមិនមានការបែងចែកជាចំណែកតូចៗទេ ដែលការបែងចែកនោះគឺជាការបែងចែកផល ដែលកើតចេញពីការគ្រប់គ្រងទ្រព្យសម្បត្តិនេះទៅជាចំណែកតាមសមាមាត្រ ឬតាមភាគដែលសមាជិកគ្រួសារពាក់ព័ន្ធទទួលបានផលប្រយោជន៍ដែលទទួលបានពីបរធនបាលកិច្ចជាអ្នកបង្កើតឡើង៕
អ្នកធ្លាប់ស្រលាញ់ Labubu សម្រុកប្រមូល ដុតចោល ព្រោះជឿថា ជាតុក្កតាបិសាច
មន្ត្រីជំនាញ ស្ទាក់ចាប់រថយន្តដឹកសាច់បង្កកនាំចូលពីវៀតណាមខុសច្បាប់ ជិត ៤ តោន
ស្នងការរងនគរបាលជាតិ ជំរុញដល់កងកម្លាំងបន្តស្រាវជ្រាវបង្រ្កាបបទល្មើសអនឡាញខុសច្បាប់
ធ្លាក់យន្តហោះទ័ពអាកាសបង់ក្លាដែសលើសាលារៀន សម្លាប់មនុស្ស ២០ នាក់និងរបួសជាង ១៧០ នាក់
ផ្លូវការ! ព្រះខ័នរាជស្វាយរៀង ប្រើពហុកីឡដ្ឋានជាតិមរតកតេជោ ខណៈ ភ្នំពេញក្រោន លេងក្រៅដីសម្រាប់លីគជុំទី១
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
លិខិតមិត្តអ្នកអាន៖ ការនាំយកសំណុំរឿងទាហានថៃជាន់មីននៅតំបន់មុំ៣ទៅប្តឹងអង្គការ សហប្រជាជាតិគឺជាឱកាសមាសសម្រាប់កម្ពុជា
-
ព័ត៌មានអន្ដរជាតិ២ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ៣ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៦ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានជាតិ១៤ ម៉ោង agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៦ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៤ ម៉ោង agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
សន្តិសុខសង្គម៣ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន