ព័ត៌មានជាតិ
យន្តការបរធនបាលកិច្ច ផ្តល់ទំនុកចិត្តដល់វិនិយោគិនបរទេស ជំរុញកំណើនសេដ្ឋកិច្ចជាតិ
ការដាក់ចេញនូវយន្តការបរធនបាលកិច្ច បានបង្កើតទំនុកចិត្តខ្ពស់ដល់វិនិយោគិនបរទេស លើបញ្ហារបាំងមួយចំនួនដែលពិបាកវិនិយោគផ្ទាល់នៅក្នុងប្រទេសកម្ពុជា។ របាំងទំាងនោះ មានដូចជា របាំងផ្នែកព័ត៌មាន បទពិសោធ និងរបាំងផ្នែកច្បាប់បទប្បញ្ញត្តិពាក់ព័ន្ធ ជាដើម។ នេះបើតាមការបញ្ជាក់របស់លោក សុខ ដារ៉ា អគ្គនាយកនៃនិយ័តករបរធនបាលកិច្ច។
ថ្លែងក្នុងសិក្ខាសាលាស្ដីពី«បរធនបាលកិច្ច៖ យន្តការប្រតិបត្តិការ និងវាក្យសព្ទគន្ទឹះ» កាលពីថ្ងៃទី៤ ខែមេសា ឆ្នាំ២០២៣ លោក សុខ ដារ៉ា បានលើកឡើងថា តាមរយៈយន្តការនេះ បើទោះបីជាមានរបាំងទាំងអស់នេះ ក៏អ្នកវិនិយោគិនបរទេសអាចធ្វើការវិនិយោគដោយប្រយោល ឬវិនិយោគមិនផ្ទាល់បាន។ លោកបានលើកឡើងដូច្នេះថា«តាមរយៈការជ្រើសរើសបរធនបាល ដែលមានគុណវុឌ្ឍិ មានជំនាញចំណេះដឹង និងបទពិសោធន៍ ធ្វើការវិនិយោគ ចាត់ចែងទ្រព្យសម្បត្តិរបស់គាត់(អ្នកវិនិយោគ) ដោយគាត់ អាចទទួលបានផលពីការវិនិយោគមិនផ្ទាល់របស់គាត់ ដោយមានអនុលោមភាព ការធានាត្រឹមត្រូវតាមច្បាប់ ជាពិសេសមានការឃ្លាំមើលពីនិយ័តករបរធនបាលកិច្ច»។
បើតាមលោក សុខ ដារ៉ា និយ័តករបរធនបាលកិច្ច ជំរុញឱ្យមានការចុះបញ្ជីឱ្យកាន់តែច្រើន ព្រោះយន្តការនេះ មានសារសំខាន់សម្រាប់សេដ្ឋកិច្ចសង្គមកម្ពុជា។ លើសពីនេះទៀត លោកជំរុញឱ្យបង្កើតទីផ្សារបរធនបាលកិច្ច ជាមួយផលិតផលសេវាកម្មថ្មីៗបន្ថែមទៀត ធ្វើយ៉ាងណាឱ្យឆ្លើយតបទៅនឹងនិន្នាការរបស់ទីផ្សារ និងសេចក្តីត្រូវការរបស់វិនិយោគិន។
លោក សុខ ដារ៉ា មានគូសបញ្ជាក់ថា វិស័យបរធនបាលកិច្ច មានអត្រាកំណើនខ្ពស់ និងបានកើនឡើងក្នុងរយៈពេលដ៏ខ្លី។ លោក លើកឡើងថា កត្តាដែលជួយឱ្យវិស័យបរធនបាលកិច្ចរីកចម្រើនលឿនក្នុងរយៈពេលដ៏ខ្លី រួមមាន កត្តាស្ថានភាពកម្ពុជាទាំងមូល មានសន្តិភាព ស្ថេរភាពនយោបាយ ស្ថេរភាពសេដ្ឋកិច្ច និងទំនុកចិត្តពីបរទេស ក្រោមការដឹកនាំរបស់សម្តេចតេជោ ហ៊ុន សែន។
នៅដើមឆ្នាំ២០២៣នេះ បរធនបាលកិច្ច មានការចុះបញ្ជីប្រមាណជាង ៥០០ករណី។ នៅក្នុងនោះ ទំហំប្រតិបត្តិការបានកើនឡើងបន្ថែម ៥៤០លានដុល្លារអាមេរិក។ ជាមួយនឹងការធ្វើបច្ចុប្បន្នភាពបរធនបាលកិច្ច តាមស្ថានភាពទីផ្សារជាក់ស្តែង គឺអាចកើនឡើងដល់ ៩៤០ដុល្លារ នៅដើមឆ្នាំនេះ។ ជាគោលដៅ លោក សុខ ដារ៉ា រំពឹងថា នៅចុងឆ្នាំនេះ នឹងកើនលើស ១ពាន់លានដុល្លារ ពោលគឺខ្ពស់ជាង ៤ភាគរយ នៃផលិតផលក្នុងស្រុកសរុប។ លោកសង្កត់ធ្ងន់ថា វិនិយោគិនបរទេសប្រមាណ ៨០% ក្នុងចំណោមប្រតិបត្តិការសរុប កំពុងប្រើប្រាស់យន្តការបរធនបាលកិច្ចពាណិជ្ជកម្ម។
សូមបញ្ជាក់ថា បរធនបាលកិច្ច គឺជាសេវាហិរញ្ញវត្ថុមួយមិនមែនធនាគារ មានតួនាទីគ្រប់គ្រង មើលថែរក្សា ឬចាត់ចែកទ្រព្យសម្បត្តិរបស់បុគ្គល ឬក្រុមហ៊ុនណាមួយ សម្រាប់ជាប្រយោជន៍ដល់ក្រុមគោលដៅណាមួយ ដែលស្ថិតក្នុងអនុលោមតាមលិខិតបរធនបាលកិច្ច ឬបទប្បញ្ញត្តិជាធរមាន។ បរធនបាលកិច្ច ដែលបានបញ្ជីនៅនិយ័តករបរធនបាលកិច្ច នៅកម្ពុជានាពេលបច្ចុប្បន្ន មាន៤ប្រភេទ។ បរធនបាលកិច្ចសាធារណៈ បរធនបាលកិច្ចពាណិជ្ជកម្ម បរធនបាលកិច្ចសង្គម និងបរធនបាលកិច្ចបុគ្គល។
បរធនបាលកិច្ចនេះ ជាវិស័យមួយដែលជួយដល់ការអភិវឌ្ឍវិស័យពាណិជ្ជកម្ម និងសង្គមជាតិ តាមរយៈការទាក់ទាញនូវមូលនិធិសង្គមនានា និងលំហូរទុនវិនិយោគទាំងក្នុង និងក្រៅប្រទេស៕
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៦ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ