ព័ត៌មានជាតិ

វត្តចំនួន៤ក្នុងស្រុកស្អាងសម្រេចផ្អាកនិមន្តគោចរបិណ្ឌបាត្រ តាមក្រុមវេនចូលរួមទប់ស្កាត់ជំងឺកូវីដ១៩

បានផុស

៥ years មុន

នៅ

ថ្ងៃចន្ទ ២៩ មីនា ២០២១

ដោយ

ភ្នំពេញ ៖ វត្តចំនួន៤នៅក្នុងស្រុកស្អាងខេត្តកណ្តាលបានសម្រេចផ្អាកនិមន្តគោចរបិណ្ឌបាត្រ តាមក្រុមវេនដើម្បីចូលរួមទប់ស្កាត់ជំងឺកូវីដ១៩ក្នុងព្រឹត្តិការណ៍សហគមន៍២០កុម្ភៈ ខណៈខេត្តកណ្តាលមានករណីឆ្លងកូវីដ១៩ជាបន្តបន្ទាប់។

វត្តចំនួន៤ដែលបានសម្រេចផ្អាកការនិមន្តបិណ្ឌបាតត្រនោះរួមមានវត្តព្រែកអំបិល វត្តខ្ពប វត្តកោះខែល និងវត្តទឹកវិល ហៅវត្តចុងកោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីជូនដំណឹងរបស់វត្តនីមួយៗបានឲ្យដឹងថា ការសម្រេចផ្អាកនេះដោយសារបង្ការវីរុសកូវីដ១៩ក្នុងព្រឹត្តិការណ៍សហគមន៍២០កុម្ភៈ មិនទាន់មានការថមថយហើយនឹងចាប់និមន្តគោចរបិណ្ឌបាត្រឡើងវិញរហូតដល់មានការជូនដំណឹងនៅពេលក្រោយ។

តាមសេចក្តីជូនដំណឹងនេះក៏បានបញ្ជាក់ដែរថា ចំពោះចង្ហាន់ដែលពុទ្ធបរិស័ទអញ្ជើញយកមកប្រគេននៅវត្ត ព្រះសង្ឃនៅតែទទួល ប៉ុន្តែត្រូវធ្វើការការពារ តាមការណែនាំរបស់ក្រសួងសុខាភិបាល ដោយរក្សាគម្លាត១.៥ ម៉ែត្រពីគ្នា វាស់កម្តៅ ពាក់ម៉ាស់ និងលាងដៃជាមួយសាប៊ូ អាកុល ឬជែល ឲ្យបានត្រឹមត្រូវតាមសេចក្តីណែនាំរបស់ក្រសួងសុខាភិបាល។

គិតត្រឹមថ្ងៃទី២៨ ខែមីនា ឆ្នាំ២០២១នេះ ខេត្តកណ្តាលមានអ្នកជាប់ពាក់ព័ន្ធនឹងព្រឹត្តិការណ៍សហគមន៍២០កុម្ភៈចំនួន១៥២៣២នាក់ក្នុងនោះមាន៣៣២នាក់ឆ្លងជំងឺកូវីដ១៩និងជាសះស្បើយចំនួន៦៦នាក់។

លោក គ្រុយ ម៉ាឡែន នាយករដ្ឋបាលសាលាខេត្តកណ្តាលបានមានប្រសាសន៍នៅព្រឹកនេះថានៅក្នុងព្រឹត្តិការណ៍សហគមន៍២០កុម្ភៈនេះ ខេត្តកណ្តាលមានអ្នកជាប់ពាក់ព័ន្ធសរុបចំនួន១៥២

៣២នាក់ ក្នុងនោះរកឃើញវិជ្ជមានចំនួន៣៣២នាក់ និងអ្នកកំពុងធ្វើចត្តាឡីស័កនៅក្នុងមណ្ឌលចំនួន៥៩៣នាក់និងកំពុងធ្វើចត្តាឡីស័កនៅតាមផ្ទះចំនួន៦១៣២នាក់ព្រមទាំងអ្នកបញ្ចប់ការធ្វើចត្តាឡីស័កបានត្រឹមត្រូវតាមការណែនាំរបស់ក្រសួងសុខាភិបាលចំនួន៨៥០៧នាក់ក្នុងនោះនៅតាមមណ្ឌលចំនួន១១៨២នាក់និងនៅតាមផ្ទះចំនួន៧៣២៥នាក់៕

ដោយ ៖ សំអឿន

Related Topics:កូវីដ-១៩