ចរាចរណ៍

បើករថយន្តបំពានភ្លើងស្តុបជ្រុលបុកបុរសម្នាក់កំពុងជិះម៉ូតូឆ្លងផ្លូវស្លាប់ភ្លាមៗ

បានផុស

៣២ វិនាទី មុន

នៅ

ថ្ងៃអង្គារ ១ កក្កដា ២០២៥

ដោយ

បុរសម្នាក់ត្រូវបានរថយន្ដម៉ាក Ford Ranger Raptor មួយគ្រឿងបើកបំពានភ្លើងសញ្ញាចរាចរណ៍ជ្រុលបុកពេញទំហឹងបណ្ដាលឲ្យស្លាប់ភ្លាមៗនៅកន្លែងកើតហេតុ ខណៈកំពុងជិះម៉ូតូឆ្លងផ្លូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង១១និង៣០នាទីយប់ ថ្ងៃទី៣០ ខែមិថុនា ឆ្នាំ២០២៥ ស្ថិតតាមបណ្ដោយផ្លូវម៉ៅសេទុង សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ។

យោងតាមប្រភពព័ត៌មានពីប្រជាពលរដ្ឋបានអោយដឹងថា មុនកើតហេតុមានបុរសម្នាក់ជិះម៉ូតូមួយគ្រឿងម៉ាក Honda Click ពាក់ស្លាកលេខ ភ្នំពេញ 2CM-4751 តាមបណ្ដោយផ្លូវ១៧៣ ក្នុងទិសដៅពីត្បូងទៅជេីង ខណៈមកដល់ចំណុចស្តុបទូតចិន ម៉ូតូបានឆ្លងផ្លូវ ក៏ស្រាប់តែមានរថយន្ត Ford Ranger Raptor ពណ៌ស ពាក់ស្លាកលេខក ម្ពុជា N.P.0117 បើកក្នុងល្បឿនលឿន តាមបណ្ដោយផ្លូវម៉ៅសេទុង ក្នុងទិសដៅពីកេីតទៅលិច បំពានភ្លើងស្តុប ជ្រុលទៅបុកម៉ូតូពេញទំហឹង បណ្ដាលអោយអ្នកជិះម៉ូតូបោកក្បាលស្លាប់តែម្តង។ ភ្លាមៗ អ្នកបើកបររថយន្ដក៏ត្រូវបានសមត្ថកិច្ចធ្វើការឃាត់ខ្លួនយកទៅសួរនាំ។

ក្រោយកេីតហេតុ សមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ធ្វេីការវាស់វែងយកម៉ូតូ និងរថយន្ដទៅរក្សាទុក ដើម្បីដោះស្រាយតាមផ្លូវច្បាប់ ចំណែកសពជនរងគ្រោះ សមត្ថកិច្ចធ្វើកំណត់ហេតុប្រគល់អោយក្រុមគ្រួសារយកទៅធ្វេីបុណ្យតាមប្រពៃណី៕

អត្ថបទ៖ រដ្ឋា