កីឡា

សមត្ថភាពមិនធម្មតា គឿម សុវណ្ណឃីម ធ្លាប់ឈ្នះជើងខ្លាំង ហាន់ ពី ពេជ្រ សុឃីម ប៉ុន្តែមិនសូវល្បីឈ្មោះដូចគេ

បានផុស

២៣ នាទីutes មុន

នៅ

ថ្ងៃសុក្រ ១៨ កក្កដា ២០២៥

ដោយ

អ្នកលេងគុនខ្មែរ គឿម សុវណ្ណឃីម មានប្រវត្តិប្រកួតមិនធម្មតាឈ្នះខ្សែក្រវាត់ វាយនៅក្រៅប្រទេស និងធ្លាប់ឈ្នះជើងខ្លាំង ហាន់ ពី ពេជ្រ សុឃីម គោរមៈ ច័ន្ទរាជ្យ ជាដើម ប៉ុន្តែកេរ្តិ៍ឈ្មោះមិនសូវល្បីដូចកីឡាករមួយចំនួននោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ គឿម សុវណ្ណឃីម

កីឡាករ គឿម សុវណ្ណឃីម បានឲ្យដឹងថា ដំបូងៗឡើយមិននឹកស្មានថាខ្លួនអាចប្រឡូកក្នុងអាជីពនេះរហូតមានសមត្ថភាពល្អគួរសមបែបនេះទេ ព្រោះចូលហាត់តាមក្ដីស្រឡាញ់ចង់ឡើងប្រកួតដូចកីឡាករដទៃទៀតប៉ុណ្ណោះ។ ដោយសារការខំប្រឹងតស៊ូទើបជំរុញឲ្យខ្លួនអភិវឌ្ឍន៍សមត្ថភាពម្ដងបន្តិចៗបានរហូតដូចពេលនេះ។

សុវណ្ណឃីម ពេលប្រកួតនៅជប៉ុន

កូនសិស្សលោក ផាត សូដា រូបនេះបន្ថែមទៀតថា បើនិយាយពីប្រវត្តិប្រកួតគឺធ្លាប់ឈ្នះជើងខ្លាំងច្រើនរូបដែរដូចជា សាន់ វាសនា ហាន់ ពី ពេជ្រ សុឃីម គោរមៈ ច័ន្ទរាជ្យ និងកំពុងគ្រងខ្សែក្រវាត់ ៣គ្រឿង ពានរង្វាន់ រួមទាំងមេដាយផ្សេងៗជាច្រើនទៀត។

សុវណ្ណឃីម ប៉ះបរទេស

ងាកមកនិយាយពីកេរ្តិ៍ឈ្មោះវិញមិនសូវល្បីដូចកីឡាករដទៃ គឿម សុវណ្ណឃីម បញ្ជាក់ថាអាចមកពីរូបគេជាកីឡាករវាយបែបក្បាច់ និងមិនសូវបុកទើបមិនទទួលបានការគាំទ្រច្រើន។ អ្នកគាំទ្របច្ចុប្បន្នចូលចិត្តកីឡាករប្រភេទដើរបុក ដូច្នេះអ្នកដែលវាយខុសពីចំណូលចិត្តនោះមិនសូវមានសន្ទុះប្រជាប្រិយភាពទេ។ រូបគេសំណូមពរដល់មហាជនទូទៅពិសេសអ្នកគាំទ្រសូមជួយលើកស្ទូយប្រភេទកីឡាវាយក្បាច់ផងដើម្បីឲ្យកីឡាករវាយទម្រង់បែបនេះមានទឹកចិត្តខំប្រឹងប្រែងប្រកួតផ្សព្វផ្សាយគុនខ្មែរផងដែរ។

សុវណ្ណឃីម ប្រកួតនៅក្រៅប្រទេស

បញ្ជាក់ដែរថា គឿម សុវណ្ណឃីម ជាកូនសិស្សលោក ផាត សូដា នៃក្លឹបគុនខ្មែរស៊ុបពើហ្វៃ។ រូបគេបច្ចុប្បន្នប្រកួតលើប្រភេទទម្ងន់ ៥៤គីឡូក្រាម។ សុវណ្ណឃីម ឈ្នះខ្សែក្រវាត់ ៣គ្រឿង ២គ្រឿងឈ្នះក្នុងស្រុក និង១គ្រឿងឈ្នះនៅប្រទេសជប៉ុន។ កូនសិស្សលោក ផាត សូដា រូបនេះធ្លាប់ប្រកួតនៅប្រទេសជប៉ុន អេស្ប៉ាញ អូស្ត្រាលី ផងដែរ៕

អត្ថបទដោយ៖ នួន ស៊ីណា