ព័ត៌មានអន្ដរជាតិ
ម៉ាឡេស៊ីព្រមានពីការធ្លាក់ចុះការនាំចេញដោយសារពន្ធ ត្រាំ
ម៉ាឡេស៊ីព្រមានពីការធ្លាក់ចុះនៃការនាំចេញដែលបង្កឡើងដោយពន្ធគយរបស់សហរដ្ឋអាមេរិក ដោយជំរុញឱ្យធនាគារកណ្តាលរបស់ប្រទេស កាត់បន្ថយការព្យាករកំណើននៅឆ្នាំ ២០២៥ មកនៅត្រឹមចន្លោះ ៤-៤,៨ ភាគរយ ពីអត្រាព្យាករចាស់ ៤,៥-៥,៥ ភាគរយ។
ធនាគារកណ្តាលម៉ាឡេស៊ីបានចេញការព្រមានពីបញ្ហានេះ ក្នុងរបាយការណ៍ជាមួយនាយកដ្ឋានស្ថិតិចេញផ្សាយនៅថ្ងៃទី ១៥ ខែសីហា ដែលបង្ហាញថា សេដ្ឋកិច្ចម៉ាឡេស៊ីបានកើនឡើង ៤,៤ ភាគរយ កាលពីត្រីមាសទី២ ដែលនេះទាបជាងការរំពឹងទុក។
យ៉ាងណាមិញ ធៀបនឹងត្រីមាសមុន សេដ្ឋកិច្ចម៉ាឡេស៊ីបានកើនឡើង ២,១ ភាគរយ ខណៈធនាគារកណ្តាលនិយាយថា អត្រាកំណើនដដែលនៅតែមានភាពរឹងមាំ ដើម្បីទប់ទល់នឹងសម្ពាធពីខាងក្រៅ រួមទាំងពន្ធគយរបស់សហរដ្ឋអាមេរិក។
ទេសាភិបាលធនាគារកណ្ដាល លោក Abdul Rasheed Ghaffour បាននិយាយថា កំណើនសេដ្ឋកិច្ច និងពាណិជ្ជកម្មសកល នឹងទំនងជាមានកម្រិតមធ្យមនៅឆ្នាំនេះ ក្រោយពន្ធគយ ១៩ ភាគរយ របស់អាមេរិកលើទំនិញម៉ាឡេស៊ីចូលជាធរមាន។
លោកបន្តថា ការនាំចេញរបស់ម៉ាឡេស៊ីនឹងធ្លាក់ចុះនៅរយៈពេល ៥ ខែដែលនៅសល់ក្នុងឆ្នាំ២០២៥ នេះ ខណៈការបន្តនៃតម្រូវការផលិតផលបច្ចេកវិទ្យា និងការស្ទុះងើបឡើងវិញនៃវិស័យទេសចរណ៍ នឹងផ្តល់ការគាំទ្រមួយចំនួនសម្រាប់សេដ្ឋកិច្ច។
ធនាគារកណ្ដាលម៉ាឡេស៊ី បាននិយាយថា ការចំណាយរបស់អ្នកប្រើប្រាស់នឹងនៅតែមានភាពធន់ ហើយជួយជំរុញសម្រាប់កំណើន ខណៈការវិនិយោគនៅតែបន្តរឹងមាំ៕
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ