កីឡា

សួន ចាន់ណារ៉ូ ប្តេជ្ញាប្រឹងប្រែងឲ្យឈានដល់កម្រិតកំពូលវិញ តាមលទ្ធភាព

បានផុស

១០ ខែ មុន

នៅ

ថ្ងៃអង្គារ ១៩ សីហា ២០២៥

ដោយ

បន្ទាប់ពីចូលជំរំហ្វឹកហាត់ជាមួយក្រុមបាល់ទះវិសាខាវិញបានប៉ុន្មានថ្ងៃនេះ អ្នកប៉ះសេ សួន ចាន់ណារ៉ូ មានការឈឺខ្លួនដោយសារឈប់ពីការហ្វឹកហាត់បែបស្ដង់ដាប្រហែលមួយឆ្នាំហើយ ប៉ុន្តែបានប្តេជ្ញាខិតខំប្រឹងប្រែងឲ្យឈានដល់កម្រិតកំពូលវិញតាមលទ្ធភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ សួន ចាន់ណារ៉ូ

សួន ចាន់ណារ៉ូ បានឲ្យដឹងថា ការវិលចូលហ្វឹកហាត់នៅវិសាខា បែបស្ដង់ដាវិញប៉ុន្មានថ្ងៃមកនេះធ្វើឲ្យខ្លួនឈឺខ្លាំងដោយសារបានឈប់ហ្វឹកហាត់បែបនេះយូរ។ ទោះបីជាយ៉ាងណា រូបគេបានប្តេជ្ញាបន្តខំប្រឹងប្រែងឡើងវិញ ប៉ុន្តែមិនហ៊ានសន្យាទេថាធ្វើបានល្អដល់កម្រិតណានោះឡើយ។

កីឡាករ សួន ចាន់ណារ៉ូ

ដៃប៉ះសេលំដាប់លេខ១នៅកម្ពុជាខាងលើបន្ថែមទៀតថា ពីមុនសមត្ថភាពល្អ ៨០-៩០% ប៉ុន្តែឥលូវបានត្រឹម ៥០% ប៉ុណ្ណោះ យ៉ាងណាកំពុងសម្របខ្លួនជាបណ្ដើរៗឡើងវិញពិសេសការហ្វឹកហាត់ឲ្យស៊ីចង្វាក់គ្នាជាមួយក្រុម។

បញ្ជាក់ដែរថា សួន ចាន់ណារ៉ូ បន្ទាប់ពីឈប់ពីវិស័យបាល់ទះបានប្រហែល១ឆ្នាំឥលូវនេះរូបគេត្រូវបានសហព័ន្ធបាល់ទះកោះហៅឲ្យមកហ្វឹកហាត់បណ្ដើរៗវិញហើយដើម្បីត្រៀមចូលក្នុងឈុតជម្រើសជាតិវិញឆ្ពោះទៅស៊ីហ្គេម លើកទី៣៣ ចុងឆ្នាំ៕