កីឡា

ការប្រកួតកីឡាបាល់ទះឧត្តមសិក្សា ឈានដល់វគ្គដណ្ដើមមេដាយមាស ក្រុម ស ស្វាយរៀង ប៉ះ ស ហេង សំរិន ត្បូងឃ្មុំ

បានផុស

៤ នាទី មុន

នៅ

ថ្ងៃពុធ ១០ មិថុនា ២០២៦

ដោយ

បន្ទាប់ពីធ្វើការប្រកួតចាប់តាំងពីថ្ងៃទី៦ ខែមិថុនា ឆ្នាំ២០២៦ រហូតមកពេលនេះផ្នែកកីឡាបាល់ទះនៃព្រឹត្តិការណ៍កីឡាឧត្តមសិក្សា ឆ្នាំ២០២៦ ផ្នែកបុរសបានឈានដល់វគ្គផ្ដាច់ព្រ័ត្រដណ្ដើមមេដាយមាសហើយរវាងក្រុមសកលវិទ្យាល័យស្វាយរៀងត្រូវប៉ះក្រុមសកលវិទ្យាល័យ ហេង សំរិន ត្បូងឃ្មុំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពប្រកួតវគ្គពាក់កណ្ដាលផ្ដាច់ព្រ័ត្រ

នេះបើតាមការបញ្ជាក់ពីគណៈកម្មការរៀបចំការប្រកួតនៅព្រឹកថ្ងៃទី១០ ខែមិថុនា ឆ្នាំ២០២៦ នេះបានបញ្ចប់ការប្រកួតវគ្គពាក់កណ្ដាលផ្ដាច់ព្រ័ត្រហើយ។ ក្នុងនោះក្រុមគឺក្រុម ស ហេង សំរិន ត្បូងឃ្មុំ UHST បានយកឈ្នះលើក្រុមសកលវិទ្យាល័យជាតិបាត់ដំបង ដោយលទ្ធផល ៣-១ បានឡើងទៅវគ្គផ្ដាច់ព្រ័ត្រ។

ចំណែកមួយគូទៀតនោះគឺក្រុម ស ស្វាយរៀង SRU បានយកឈ្នះលើក្រុមវិទ្យាស្ថានជាតិអប់រំកាយ និងកីឡា ដោយលទ្ធផល ៣-០ និងបានឡើងមកកាន់វគ្គផ្ដាច់ព្រ័ត្រដណ្ដើមមេដាយមាសនៅថ្ងៃទី១២ ខែមិថុនា ឆ្នាំ២០២៦ នេះដូចគ្នា។

ទិដ្ឋភាពប្រកួតវគ្គពាក់កណ្ដាលផ្ដាច់ព្រ័ត្រ

បញ្ជាក់ដែរថា ព្រឹត្តិការណ៍កីឡាឧត្តមសិក្សា និងមធ្យមសិក្សាបច្ចេកទេស ថ្នាក់ជាតិ ឆ្នាំ២០២៦ នេះចាប់ផ្ដើមដំណើរការប្រកួតពីថ្ងៃទី៥ ដល់ ១៣ ខែមិថុនា នៅរាជធានីភ្នំពេញ និងប្រកួតលើ ១២ ប្រភេទកីឡា។ ចំណែកផ្នែកកីឡាបាល់ទះបុរសរវាងក្រុមសកលវិទ្យាល័យស្វាយរៀងត្រូវប៉ះក្រុមសកលវិទ្យាល័យ ហេង សំរិន ត្បូងឃ្មុំ នេះនឹងធ្វើឡើងនៅថ្ងៃទី១២ ខែមិថុនា ឆ្នាំ២០២៦ វេលាម៉ោង៩ ព្រឹក៕

អត្ថបទដោយ៖ នួន ស៊ីណា

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា