ជីវិតកម្សាន្ដ

មានរឿងអីបាន សឿ សុធារ៉ា ថាមួយជីវិតនេះ សុំរៀបការតែពីរដងទេ

បានផុស

៥ years មុន

នៅ

ថ្ងៃព្រហស្បតិ៍ ៨ មេសា ២០២១

ដោយ

តារាសម្តែងស្រីអ្នកនាងសឿ សុធារ៉ា កាលពីថ្មីៗកន្លងទៅនេះ នាងតែងបង្ហាញអារម្មណ៍ហាក់មិនសប្បាយចិត្ត ដូចជាកំពុងមានវិបត្តិផ្លូវចិត្តអ្វីមួយកើតឡើងក្នុងជីវិត។ ប៉ុន្តែគេពុំដឹងថា វិបត្តិនោះជារឿងរ៉ាវជីវិតគ្រួសារឬការងារនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាបញ្ហាស្មុគស្មាញក្នុងចិត្តរបស់ សឿ សុធារ៉ា មិនត្រូវបានទម្លាយប្រាប់ការពិតឲ្យមហាជននិងអ្នកគាំទ្របានដឹងក៏ពិតមែន តែក៏មានការបញ្ចេញទស្សនៈសង្ស័យថា អាចរឿងរ៉ាវស្នេហារវាងនាងនិងស្វាមី។ ប៉ុន្តែចម្លើយមិនទាន់ ត្រូវបាននាងបញ្ជាក់ច្បាស់នៅឡើយទេ។ ដោយឡែកចាប់អារម្មណ៍ទៅមើលនៅលើបណ្តាញសង្គមហ្វេសប៊ុករបស់អ្នកនាង សឿ សុធារ៉ា កាលពីថ្មីៗនេះ បានទម្លាយសារខ្លីមួយប្រយោគធ្វើឲ្យមហាជនកាន់តែមានការភ្ញាក់ផ្អើលហើយកើតចេញចម្ងល់គ្រប់គ្នាជាថ្មី។

ផ្អែកតាមខ្លឹមសាររបស់តារាស្រីអ្នកនាង សឿ សុធារ៉ា បានលើកឡើងថា ក្នុងមួយជីវិតនេះខ្ញុំសុំរៀបការតែ២ដងទេបងប្អូនទាំងអស់គ្នា តែបើសិនជាការរៀបការលើកទីពីររបស់ខ្ញុំនៅតែទទួលបានភាពបរាជ័យទៀតបេះដូងរបស់ខ្ញុំ អាចគ្មានប្រអប់ចំពោះរឿងស្នេហាទៀតឡើយ។ ជុំវិញការលើកឡើងរបស់តារាសម្តែងអ្នកនាង សឿ សុធារ៉ា ថ្លែងខាងលើនេះ កម្ពុជាថ្មីនៅព្រឹកថ្ងៃទី០៨ ខែមេសាឆ្នាំ២០២១នេះ មិនអាចស្វែងរកការសួរនាំឬបកស្រាយពីនាងបានទេ៕

អត្ថបទ៖ ចាន់រ៉ា

សូមចុចអាន៖ សួស វីហ្សា ជាសះស្បើយពីជំងឺកូវីដ១៩ហើយ តែបន្តធ្វើចត្តាឡីស័ក១៤ថ្ងៃទៀត