Connect with us

វប្បធម៌ ជំនឿ

តោះ! ស្វែងយល់ពីទំនៀមទម្លាប់ជឿលើអ្នកតារបស់ប្រជាជនខ្មែរ

បានផុស

នៅ

មនុស្សយើងទូទៅនៅសកលលោកនេះគ្មានជនជាតិណាដែលមិនមានជំនឿសាសនានោះទេ ពោល គឺគ្រប់ជាតិសាសន៍ទាំងអស់តែងតែមានសាសនាគោរព។ ក្នុងនោះ ប្រជាជនខ្មែរយើង ក៏មានជំនឿដូចជាតិសាសន៍ដទៃដែរ។ តាំងពីបុរាណមក ដូនតាខ្មែរ រស់នៅដោយផ្សារភ្ជាប់ការបន់ស្រន់ និងជំនឿទៅលើព្រលឹងដូនតា ឫអ្នកតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តើអាស្រមអ្នកតាជាអ្វី?

លោកស្រី ត្រឹង ងា អ្នកនិពន្ធខ្មែរផ្នែកវប្បធម៌ និងប្រវត្តិសាស្រ្ត បានអះអាងថា៖ «អ្នកតាជាព្រលឹងអ្នកស្លាប់ទៅហើយ តែនៅមើលថែរក្សាសុខទុក្ខ កូនចៅតរៀងទៅ»។ រីឯ លោក ហួត រេចតួ អ្នកនិពន្ធសៀវភៅផ្នែកអក្សរសិល្ប៍ និងជំនឿ បានបង្ហាញការយល់ឃើញថា៖ «ខ្មែរយើងមានជំនឿទៅលើធម្មជាតិហើយ ជឿថា ធម្មជាតិមានព្រលឹង និងស័ក្តិសិទិ្ធ។ ខ្មែរជឿគោរពបុព្វបុរសដែលស្លាប់ទៅ និងដំណាងដោយធម្មជាតិពេលមនុស្សស្លាប់ទៅ។ គេយកដំថ្ម ឬដើមឈើធំៗដំណាងជាអ្នកតា»។

ប៉ុន្តែ មានមតិខ្លះយល់ឃើញថា អ្នកតា ជាព្រលឹងម្ចាស់ដី ឫម្ចាស់ស្រុកនីមួយៗនៅតាមតំបន់ភូមិ ស្រុក ខេត្ត យោងតាមព្រឹត្តិការណ៍ និងរឿងរ៉ាវនីមួយៗទៅតាមតំបន់។ ចំណែក រូបតំណាងអ្នកតាភាគច្រើនជា ដើមឈើធំៗ និងរូបបរិមាករចំម្លែកៗ។ គេជឿថា វីរៈជន ឫមេទ័ព ធ្លាប់មានគុណបំណាច់លើប្រទេសជាតិ និងប្រជាសាស្រ្តកាលដែលគាត់នៅរស់ លុះដល់ពេលគាត់ស្លាប់ទៅក្លាយ ជាអ្នកតា ឬលោកយាយជាដើម។

ការអនុវត្តជំនឿអ្នកតានៅក្នុងជីវភាពប្រចាំថ្ងៃ

បញ្ហាជំនឿលើអ្នកតានៅក្នុងសង្គមខ្មែរ បានចាក់ឫយ៉ាងជ្រៅតាំងពីបុរាណកាលមក ហើយប្រជាជន ខ្មែរទទួលស្គាល់ឥទ្ធិពលស្ទើរតែក្លាយទៅជាច្បាប់ទម្លាប់ទៅ​ហើយ ទោះបីមានលក្ខណៈអរូបីក៏ដោយ។ ជំនឿអ្នកតា ជះឥទ្ធិពលយ៉ាង​ខ្លាំង​ទៅលើជីវភាពរស់នៅរបស់ប្រជាជនខ្មែរដែលចាប់ទុកជា ម្ចាស់ទឹកម្ចាស់ដី។ ដូច្នេះហើយ មុននឹងដាំ​ដំណាំកសិករ ត្រូវបួងសួងសុំទឹកភ្លៀង និងសុំម្ចាស់ដីដាំដុះ ជា​ពិសេស អ្នកដាំដំណាំ ត្រូវពឹងពីអ្នកតាមើលថែរក្សា ការ​ពារកុំឱ្យមានសត្វល្អិត។ មនុស្សដែលមាន ជំនឿលើអ្នកតា ត្រូវបានទទួលថា ពួកគេ​ត្រូវធ្វើ​អំពើល្អ ចេះស្គាល់កំហុសខ្លួនឯង ហ៊ាន​សារ​ភាពកំហុសខ្លួន​ចំពោះមុខអ្នកតា ចេះនិយាយពិត និយាយត្រង់​មិនបោក​ប្រាស់គ្នា (យក​សម្បថ​ជាសំអាង)។នៅពេលមានមនុស្ស ឬសត្វឈឺ គេទៅបន់ស្រន់ឱ្យអ្នកតាជួយ ទោះ​ជាការជួយរបស់ អ្នកតា មិនមានប្រសិទ្ធភាពជាក់លាក់ក៏ដោយ ក៏ជំនឿនេះបាន​ជួយលើផ្នែកផ្លូវចិត្តមនុស្សឱ្យមាន សង្ឃឹម អាចធូរស្រាលមួយកម្រិតដែរ។ រហូតមកដល់បច្ចុប្បនេះ ប្រជាជនខ្មែរនៅតែមានជំនឿលើ អ្នកតា នៅតែបន់ស្រន់ ទោះជាវិទ្យាសាស្រ្តរីកចម្រើនហើយក៏ដោយ ដូចពាក្យទំនៀមមួយឃ្លាថា «អាគម​ផ្សំអាយូស»។

សព្វថ្ងែ គេសង្គេតឃើញថា បើអ្នកស្រុកផ្សេងដើរកាត់អាស្រមអ្នកតា គេត្រូវ​ធ្វើ​ការសម្ដែការគួរសម ឱនលំទោន គោរពសិទ្ធិអ្នកតាដែល​គ្រប់គ្រងនៅនោះ​។ ជាក់ស្តែង នៅពេលចូលកាន់​តំណែងថ្មីចៅ​ហ្វាយខេត្ត ស្រុកថ្មី គេត្រូវរៀបចំការ​គោរព​ដល់អ្នកតាម្ចាស់ស្រុក អ្នកតាម្ចាស់ដី ដើម្បីឱ្យពួកគាត់ ទទួលស្គាល់ និងជួយ​ថែរក្សា។ ពេលរៀបចំពិធីនេះ អ្នកកាន់ដំណែងថ្មី ត្រូវតែធ្វើគារវកិច្ចដល់អ្នកតា​ម្ចាស់ស្រុក ដោយស្បថសច្ចា​ នឹងខិតខំបំពេញភារកិច្ច ដើម្បីសេចក្ដីសុខ​របស់​ប្រជារាស្រ្ត សុំការសន្តោសប្រណីពីអ្នកតា និងឱ្យអ្នកតាជួយ​បំភ្លឺ​ផ្លូវពួកគេផង៕

អត្ថបទ៖នាងតូច

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៥ ម៉ោង មុន

ឯកឧត្តម ឌី វិជ្ជា ជួយសម្រួលការព្យាបាល និងឧបត្ថម្ភ១ពាន់ដុល្លារដល់កីឡាករ ម៉ើល ចាន់រ៉ា របួស

ព័ត៌មានជាតិ៦ ម៉ោង មុន

លោក ទេសរដ្ឋមន្ត្រី លី ធុជ ៖ កម្ពុជា នឹង​ផ្តល់​ការ​គាំទ្រ​បច្ចេកទេស ចំណេះដឹង និង​ជំនាញ​ដល់​ប្រទេស​ម៉ុង​ហ្គោ​លី លើ​ការងារ​បោសសម្អាត​មីន និង​គាំទ្រ​ដល់​ម៉ុង​ហ្គោ​លី​អនុវត្ត​បទដ្ឋាន​របស់​អនុសញ្ញា​អូ​តា​វ៉ា

ព័ត៌មានជាតិ៦ ម៉ោង មុន

សិស្ស​ប៊ែ​ល​ធី​ថ្នាក់​ទី​១២ ជំនា​ន់ទី​១៨ ចំនួន ២,១១២​នាក់ ទទួល​សញ្ញាប័ត្រ​មធ្យមសិក្សា​ទុតិយភូមិ​ប៊ែ​ល​ធី

សន្តិសុខសង្គម៦ ម៉ោង មុន

ស្ត្រីម្នាក់​ទើប​ឆ្លង​ទន្លេ​បាន​កូនភ្លោះ​ ខ្ចីលុយ​គេ១ម៉ឺនទិញថ្នាំឱ្យកូនលេប ស្រាប់តែ​ត្រូវ​រថយន្ត​ដឹកដីបុកកិនស្លាប់

កីឡា៦ ម៉ោង មុន

គ្មានក្រុមណាអាចយកឈ្នះវិសាខាបានទេក្នុងតេជោលីគជុំទី១

Sokha Hotels

ព័ត៌មានពេញនិយម