ក្រវិលពេជ្រ​ សុបិនដ៏កម្រដែលបង្ហាញពីភ័ព្វព្រេងនិស្ស័យស្នេហ៍ជាមួយទេវបុត្រ

មនុស្សស្រីវ័យណាក្តី​សុបិនឃើញ​ក្រវិល គឺមានសំណាង​រឿងស្នេហា ​ចំណែកថា បើ​នោះជាក្រវិលពេជ្រទៅទៀត ​គឺជាប្រផ្នូលប្រាប់ជាមុនថា ​ឆាប់ៗនេះនាងនឹង​បានរៀបការជាមួយទេវបុត្រ​លើដី (អ្នកមានទ្រព្យជាងខ្លួន ជាមន្ត្រីឬឧកញ៉ា។ល។)

ក្រវិល តែកាលណាបង្ហាញខ្លួនក្នុងសុបិនគឺនាំមកនូវសំណាង​រឿងបេះដូង​ធំជាងសុបិនឃើញចិញ្ចៀនទៅទៀត។

សុបិនឃើញ​ក្រវិលបាត់រកឃើញ បានន័យថា សង្សារចាស់សុខៗវិលមកវិញដោយមិនប្រានព្រៀងទុក។

ឃើញក្រវិលជ្រុះ​លើទីណាមួយ​យើងរើសមក នឹង​ទទួលបានលុយពីភេទផ្ទុយឬឆាប់ៗនឹងបាន​ជួបជាមួយ​មនុស្សគួរឱ្យទាក់ទាញចិត្ត​ថ្មីណាម្នាក់នាំ​ឱ្យមានសេចក្តីសុខខ្លាំង។

សុបិនបាត់ក្រវិល ជាដំណឹងល្អរឿង​សុភមង្គល ឬមានមនុស្សក្បត់យើង។

សុបិនឃើញ​ពាក់ក្រវិល នឹងមានសង្សាឬប្តី ដ៏ល្អម្នាក់​ឬមានហើយ តែស្រាប់មកកែចរិតស្រលាញ់ថ្នាក់ថ្នម​យើង​បាន​យ៉ាងល្អ។

យល់សប្តិឃើញ​ក្រវិលលើត្រចៀកអ្នកដទៃ បានន័យ​ថា ស្នេហា​កំពុងនឹកយើងខ្លាំង​ ចំណែក​បើយល់សប្តិឃើញក្រវិលនោះធំហួសទៀត​ភ្លឺរន្ទាល យើងនឹង​ប្តូរជីវិត​ទៅជាហង្ស បានន័យថា​ ផ្លាស់ពីក្រមកមាន​មិនខានក្នុងអនាគតដ៏ខ្លី៕

គ្រូ ឯម

ចុចអាន៖ សុបិន​ហេតុ​ទាំង ​៥ នេះប្រផ្នូល​វាសនាដល់ពេល​​​​ក្លាយ​ជា​អ្នក​មាន​ហើយ

ចុចអាន៖ ឃើញពាក់ចិញ្ចៀនក្នុងក្តីសុបិនជាទូទៅមានន័យវិជ្ជមាននិងល្អខ្លាំង