សេដ្ឋកិច្ច

គយ និងវិស័យឯកជនពិគ្រោះយោបល់លើសេចក្តីព្រាងវិសោធនកម្មច្បាប់ ពាក់ព័ន្ធនឹងការនាំចេញ-នាំចូល

បានផុស

១៥ វិនាទី មុន

នៅ

ថ្ងៃអង្គារ ៣០ មិថុនា ២០២៦

ដោយ

អគ្គនាយកដ្ឋានគយ និងរដ្ឋាករកម្ពុជា ជាមួយផ្នែកឯកជននៅថ្ងៃទី ៣០ ខែមិថុនា ២០២៦ បានបើកកិច្ចប្រជុំពីគ្រោះយោបល់លើសេចក្តីព្រាងវិសោធនកម្មច្បាប់ស្តីពីគយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំដ៏មានសារៈសំខាន់នេះ ត្រូវបានរៀបចំឡើងក្រោមវត្តមានរបស់លោក សែ សុឃន អគ្គនាយករង នៃអគ្គនាយកដ្ឋានគយ និងរដ្ឋាករកម្ពុជា និងឧកញ៉ាបណ្ឌិត តាន់ មុនីវណ្ណ អនុប្រធានសភាពាណិជ្ជកម្មកម្ពុជា។

គោលបំណងនៃកិច្ចប្រជុំនេះ គឺដើម្បីបើកឱកាសឱ្យផ្នែកឯកជនបានពិនិត្យ ពិភាក្សា និងផ្តល់ធាតុចូល ក៏ដូចជាមតិយោបល់ត្រឡប់ទៅលើខ្លឹមសារសំខាន់ៗ ដែលមានការកែសម្រួលនៅក្នុងសេចក្តីព្រាងវិសោធនកម្មច្បាប់ស្តីពីគយ ដើម្បីធានាឱ្យច្បាប់នេះមានភាពគ្រប់ជ្រុងជ្រោយ ឆ្លើយតបទៅនឹងការវិវត្តនៃបរិបទសេដ្ឋកិច្ច ការវិនិយោគ ពាណិជ្ជកម្ម និងបច្ចេកវិទ្យា ស្របតាមទិសដៅនយោបាយរបស់រាជរដ្ឋាភិបាល ក៏ដូចជាស្តង់ដារអន្តរជាតិ។

យន្តការពិភាក្សាបានផ្តោតសំខាន់លើចំណុចពាក់ព័ន្ធនឹងការនាំចេញ-នាំចូល ប្រតិបត្តិករគយ ជើងសាគយ ការពន្ធ និងទោសប្បញ្ញត្តិ ដោយមានការចូលរួមមតិយ៉ាងផុសផុលពីតំណាងស្ថាប័នរដ្ឋ សមាគម និងក្រុមហ៊ុនធំៗរួមមាន៖ ក្រសួងសេដ្ឋកិច្ចនិងហិរញ្ញវត្ថុ, TAFTAC, សមាគម ABC, សមាគម CMA, ក្រុមហ៊ុន វឌ្ឍនៈ ប្រ៊ូវើរី, និងក្រុមហ៊ុន កម្ពុជា ប៊ែវើរីជីស លីមីតធីត (CBL) សមាគមភស្តុភាកម្មកម្ពុជា (CLA) និងតំណាងពីវិស័យឯកជនផ្សេងៗទៀតជាច្រើន៕