សេដ្ឋកិច្ច

ធនាគារជាតិឱ្យបន្តការរៀបចំឥណទានឡើងវិញដល់ដំណាច់ឆ្នាំនេះ

បានផុស

៥ years មុន

នៅ

ថ្ងៃចន្ទ ២៤ ឧសភា ២០២១

ដោយ

ធនាគារជាតិ នៃកម្ពុជា បានប្រកាសអនុញ្ញាតឱ្យគ្រឹះស្ថានធនាគារ និងហិរញ្ញវត្ថុបន្តធ្វើឥណទានរៀបចំឡើងឡើវិញ រហូតដល់ថ្ងៃទី ៣១ ខែធ្នូ ឆ្នាំ២០២១នេះ ដើម្បីដោះស្រាយបញ្ហាប្រឈម និងសម្រាលបន្ទុកប្រជាពលរដ្ឋដែលរងផលប៉ះពាល់ពីជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកចំពោះអតិថិជនដែលរស់នៅទីតាំងតំបន់បិទខ្ទប់តាមការកំណត់របស់រាជរដ្ឋាភិបាល ឬអាជ្ញាធរពាក់ព័ន្ធ គ្រឹះស្ថានធនាគារ និងហិរញ្ញវត្ថុអាចធ្វើឥណទានរៀបចំឡើងវិញលើសពី៣ដង ក្នុងអំឡុងពេលអនុគ្រោះ និងបន្តលើកទឹកចិត្តឱ្យគ្រឹះស្ថានធនាគារ និងហិរញ្ញវត្ថុពិនិត្យលទ្ធភាពអនុគ្រោះ បន្ធូរបន្ថយ ឬការលើកលែងការយកសោហ៊ុយ ឬការពិន័យផ្សេងៗតាមស្ថានភាពជាក់ស្ដែងរបស់អតិថិជន។

ក្រៅពីនេះ គឺធនាគារជាតិបន្តការរក្សាអនុវត្តប្រាក់បម្រុងកាតព្វកិច្ចតាមអត្រា៧%ដែល រហូតដល់មានការជូនដំណឹងថ្មី។

កាលពីថ្ងៃទី១០ ខែមេសា ឆ្នាំ២០២១ សម្ដេចតេជោ ហ៊ុន សែន នាយករដ្ឋមន្ត្រីកម្ពុជាបានថ្លែងស្នើ ឱ្យធនាគារជាតិ ធ្វើការជាមួយធនាគារទាំងអស់សិក្សាទៅលើការបន្ធូរបន្ថយបញ្ចុះការប្រាក់ និងពន្យាការសងប្រាក់ទៅតាមលទ្ធភាពរបស់អតិថិជនក្នុងដំណាក់កាលកូវីដ១៩។

សម្តេចតេជោហ៊ុន សែន ក៏ថ្លែងសំណូមពរឲ្យមានការពន្យាពេលសង បន្ថយអត្រាការប្រាក់ រៀបចំឥណទានឡើងវិញ ដើម្បីសម្រួលដល់ការលំបាកហើយអំពាវនាវជាទូទៅ ដល់អ្នកពាក់ព័ន្ធទាំងអស់ រាប់ទាំងម្ចាស់ដើមដែលមានប្រាក់ទៅដាក់ធនាគារ បន្ថយប្រាក់ចំណេញបន្តិច ដើម្បីឲ្យធនាគារបន្ថយអត្រាការប្រាក់សម្រាប់អតិថិជនប្រជាពលរដ្ឋដែលកំពុងរងគ្រោះក្នុងវិបត្តិកូវីដ១៩៕