Connect with us

ព័ត៌មានជាតិ

កំណើនថ្លៃម្ហូបអាហារ ប្រេងឥន្ធនៈ ថ្លៃដឹកជញ្ជូន រុញអតិផរណាកម្ពុជារំពឹងកើនឡើង ៤%ឆ្នាំនេះ

បានផុស

នៅ

បើតាមធនាគារជាតិនៃកម្ពុជា នៅឆ្នាំ ២០២២ អតិផរណារំពឹងថា នឹងកើនឡើង ៤% ដោយសារកំណើនថ្លៃនៃ ម្ហូបអាហារ ប្រេងឥន្ធនៈ (ឥទ្ធិពលពីសង្រ្គាមរុស្សី-អ៊ុយក្រែន) និងថ្លៃដឹកជញ្ជូន ស្របពេលដែលមានការរអាក់រអួលនៃខ្សែច្រវាក់ផ្គត់ផ្គង់ និងការកើនឡើងនៃតម្រូវការក្នុងស្រុក។ ដោយឡែក ប្រព័ន្ធធនាគារនៅកម្ពុជាបន្តមានស្ថិរភាព និងរក្សាបាននូវភាពធន់ ព្រមទាំងនៅតែបន្តដើរតួនាទីយ៉ាងសំខាន់ក្នុងការផ្តល់ហិរញ្ញប្បទានដើម្បីទ្រទ្រង់កំណើនសេដ្ឋកិច្ច។ នេះបើតាមការលើកឡើងរបស់លោក លោក ស៊ុំ សន្និសិទ្ធ ទេសាភិបាលរង ធនាគារជាតិនៃកម្ពុជា នៅក្នុងជំនួបជាមួយបេសកកម្មមូលនិធិរូបិយវត្ថុអន្តរជាតិ (IMF) ដែលដឹកនាំដោយលោក Alasdair Scott ប្រធានក្រុមបេសកកម្មរបស់ IMF សម្រាប់កម្ពុជា កាលពីថ្ងៃទី ១១ ឧសភា ឆ្នាំ ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ុំ សន្និសិទ្ធ បានបន្តថា កម្ពុជាសម្រេចបានអត្រាកំណើនសេដ្ឋកិច្ចខ្ពស់ ដោយនៅឆ្នាំ២០២២នេះ កម្ពុជារំពឹងថានឹងទទួលបានកំណើនសេដ្ឋកិច្ចរឹងមាំក្នុងអត្រា ៥,៣% ដែលគាំទ្រដោយកំណើនក្នុងវិស័យ កម្មន្តសាល (៩,៦%) វិស័យសំណង់ (១,២%) វិស័យកសិកម្ម (១,២%) និងវិស័យទេសចរណ៍ដែលត្រូវបានរំពឹងថានឹងមាន​កំណើនវិជ្ជមាន (៦%) បន្ទាប់ពីស្ថានភាពជំងឺកូវីដ-១៩ មានភាព ល្អប្រសើរជាលំដាប់ ដោយរាជរដ្ឋាភិបាល​បានចាត់វិធានការគ្រប់គ្រងបានទាន់ពេលវេលា ជាពិសេសការចាក់វ៉ាក់សាំងបង្កាជំងឺកូវីដ-១៩ ដល់ប្រជាជនបានជាង ៩០% ព្រមទាំងបានដាក់ចេញនូវគោលនយោបាយគាំទ្រនានា ដើម្បីទ្រទ្រង់ជីវភាពប្រជាជនដែលងាយរងគ្រោះ និងគាំទ្រសកម្មភាពសេដ្ឋកិច្ច។

ជារៀងរាល់ឆ្នាំ ក្រុមបេសកកម្មរបស់ IMF តែងមកបំពេញទស្សនកិច្ចនៅកម្ពុជាដើម្បីតាមដាននិង​វាយតម្លៃនូវ​ការវិវត្តនៃស្ថានភាពសេដ្ឋកិច្ច និងវិស័យហិរញ្ញវត្ថុកម្ពុជា ប៉ុន្តែត្រូវអាក់ខានក្នុងអំឡុងពេលនៃវិបត្តិជំងឺកូវីដ-១៩ ដោយកិច្ចការនានាត្រូវបានធ្វើឡើងតាមរយៈប្រព័ន្ធអនឡាញជំនួសវិញ។ ស្របពេលដែលជំងឺកូវីដ-១៩ នៅកម្ពុជាមានសភាពធូរស្រាល និងការបើកប្រទេសឡើងវិញ ក្រុមបេសកកម្មរបស់ IMF នឹងជួបពិភាក្សា​ការងារដោយផ្ទាល់ជាមួយក្រសួង-ស្ថាប័ន និងនឹងអាជ្ញាធរពាក់ព័ន្ធចាប់ពីថ្ងៃទី៩ -១៦ ខែឧសភា ឆ្នាំ២០២២។

ទេសាភិបាលរងនៃធនាគារជាតិកម្ពុជា ក៏បានថ្លែងអំណរគុណដល់ IMF ដែលបានគាំទ្រ ធនាគារជាតិនៃកម្ពុជា តាមរយៈ ការបណ្តុះបណ្តាល និងការផ្តល់ជំនួយបច្ចេកទេស ទាំងរយៈពេលខ្លីនិងវែង។ ក្នុងរយៈពេលកន្លងមក ធនាគារជាតិនៃកម្ពុជាបានទទួលជំនួយបច្ចេកទេសលើ ការត្រួតពិនិត្យប្រព័ន្ធធនាគារ ស្ថិរភាពហិរញ្ញវត្ថុ និងផ្នែកពាក់ព័ន្ធមួយចំនួនទៀត។ ជារួមមក ឯកឧត្តម ទេសាភិបាលរង បានកោតសរសើរនិងវាយតម្លៃខ្ពស់​ចំពោះលទ្ធផល​នៃជំនួយបច្ចេកទេសរបស់ IMF កន្លងមក និងបានស្នើសុំ IMF បន្តផ្តល់ជំនួយបច្ចេកទេស ដើម្បីពង្រឹងសមត្ថភាពស្ថាប័ននិងមន្ត្រីជំនាញ និងជួយតាមដានលើវឌ្ឍនភាពនិងបញ្ហាប្រឈមរបស់សេដ្ឋកិច្ចកម្ពុជា ដើម្បីរួមចំណែកបន្តជំរុញកំណើនប្រកបដោយចីរភាពនិងបរិយាបន្ន។

គិតត្រឹមខែធ្នូ ឆ្នាំ២០២១ ឥណទានគ្រឹះស្ថានធនាគារមានកំណើន ២២,១% ដោយបានបែងចែកទៅកាន់វិស័យ​សំខាន់ៗនៃសេដ្ឋកិច្ច៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេដ្ឋកិច្ច២៦ នាទី មុន

ផ្សារទំនើបម៉ាក្រូទី៣ លើផ្លូវជាតិលេខ ៦A នឹងបើកសម្ពោធជាផ្លូវការនៅថ្ងៃទី១៤ ធ្នូ

កីឡា២៨ នាទី មុន

ទាំង​នេះ​ជា​​​ម្ចាស់​​ពានក្រុម​ និង​​​ឯកត្តជន​នៃ​​​លីគកំពូល​កម្ពុជា​​​​២០២២​​

កីឡា៩ ម៉ោង មុន

កីឡាករ​ព្រះខ័ន​រាជ​ស្វាយរៀង៣​រូប ​មានឈ្មោះ​ក្នុង​បញ្ជី​កីឡាករ ១១​នាក់​ល្អ​ជាងគេ​នៃ​លី​គ​រដូវ​កាល ២០២២

សន្តិសុខសង្គម១២ ម៉ោង មុន

សាលាឧទ្ធរណ៍​តម្កល់​សាលដីកា​ឲ្យ​អតីត​ផ្កាយ​២ សូ​យ ចាន់​សឿន អោយមាន​ទោស​ដដែល

សេដ្ឋកិច្ច១៣ ម៉ោង មុន

ធនាគារពិភពលោក៖ វិស័យទេសចរណ៍ និងកិច្ចព្រមព្រៀងពាណិជ្ជកម្មថ្មីៗ ជំរុញកំណើនសេដ្ឋកិច្ចកម្ពុជាងើបឡើងជិត ៥%ឆ្នាំនេះ

Sokha Hotels

ព័ត៌មានពេញនិយម