សេដ្ឋកិច្ច
អ្នកជំនាញបារម្ភពីអនាគតអចលនទ្រព្យ និងសុខភាពហិរញ្ញវត្ថុរបស់ពលរដ្ឋជុំវិញកម្ចីទិញផ្ទះ
ពលរដ្ឋកម្ពុជា បានប្រើកម្ចីធនាគារ ដើម្បីទិញចលនទ្រព្យមាន ដូចជា ដី ផ្ទះ ខុនដូ ក្នុងកម្រិតមួយដ៏ខ្ពស់ ស្របពេលដែលវិស័យអចលនទ្រព្យ បច្ចុប្បន្នកំពុងស្ថិតនៅលើបន្ទាត់ពណ៌ទឹកក្រូច ដោយមានការផ្គត់ផ្គង់លើសចំនួនទាំងបុរី និងខុនដូ នៅរាជធានីភ្នំពេញ។
អ្នកជំនាញអចលនទ្រព្យ មានការព្រួយបារម្ភចំពោះកំណើននៃការប្រើកម្ចីដោយខ្វះមូលដ្ឋានចំណេះដឹងហិរញ្ញវត្ថុ និងអចលនទ្រព្យ អាចធ្លាក់ចូលក្នុងបំណុលកាន់តែជ្រៅទៅៗ។
លោក ឡោ វិចិត្រ អ្នកបច្ចេកទេស និងមានការស្រាវជ្រាវកម្រិតខ្ពស់ នៃសមាគមអចលនទ្រព្យសកល (GRA) រាជធានីភ្នំពេញ បានលើកឡើងដូច្នេះថា« ខ្ញុំមានការព្រួយបារម្ភពីអនាគតនៃវិស័យអចលនទ្រព្យ ក៏ដូចជាសុខភាពហិរញ្ញវត្ថុរបស់ប្រជាជន ដែលជាប់បំណុលក្នុងការបង់លំនៅឋាន ជាមួយអ្នកអភិវឌ្ឍក្នុងអត្រាការប្រាក់ខ្ពស់ជាងធនាគារ។ ក្នុងស្ថានភាពនេះដែរ ធនាគារមួយចំនួនបានបិទកម្ចីទិញផ្ទះ ឬខុនដូ ដែលនេះជាសញ្ញាមួយមិនល្អនោះទេ ប្រសិនបើប្រជាពលរដ្ឋខ្វះចំណេះដឹងផ្នែកហិរញ្ញវត្ថុ និងចំណេះដឹងមូលដ្ឋានផ្នែកវិស័យអចលនទ្រព្យ»។
លោកបន្តថា ទោះជាតម្លៃអចលនទ្រព្យមិនឡើងខ្លាំង តែអត្រាការប្រាក់ខ្ពស់ជាងកំណើនតម្លៃ ធ្វើឱ្យមានការខាតបង់ច្រើន ស្របពេលដែលអតិផរណាកើនឡើង អំណាចនៃការទិញថយចុះ ហើយប្រាក់ចំណូល ឬប្រាក់ខែនៅដដែល ការជាប់បំណុល នឹងចូលដល់បន្ទាត់ក្រហម ឬម្ចាស់គម្រោងរឹបអូសយកវិញ ក្រោយពីបង់បានមួយឆ្នាំហើយគ្មានលទ្ធភាពបង់បន្ត។
«ចំណុចនេះ នឹងធ្វើឱ្យប្រជាជនមួយចំនួនដែលមានជីវភាពក្ររិតតែក្រថែមទៀត មិនមែនវិនិយោគទៅមាននោះទេ មានន័យថា ពួកគេមិនបានគិតពីប្រាក់ចំណូល និងអតិផរណា រួមទាំងចំណេះដឹងមូលដ្ឋាននៃការជាប់អត្រាការប្រាក់ជាមួយអ្នកអភិវឌ្ឍន៍ ដែលនាំឱ្យមានហានិភ័យ »។ នេះជាការបន្ថែមរបស់លោក ឡោ វិចិត្រ។
អ្នកជំនាញរូបនេះ បានផ្តល់ជាទស្សនថា ពលរដ្ឋត្រូវសិក្សាពីប្រាក់ចំណូល និងចំណាយយ៉ាងតិច២ឆ្នាំ មុននឹងសម្រេចចិត្តទិញ ឬបង់រំលស់ផ្ទះ ឬខុនដូ។ មានន័យថា ត្រូវមានរបាយការណ៍លម្អិត ដូចជា ត្រូវដឹងថារយៈពេលពីរឆ្នាំ យើងអាចរកចំណូលបានប៉ុន្មាន ការចំណាយលើបន្ទុកគ្រួសារ ចំណាយលើវត្ថុប្រើប្រាស់ចាំបាច់ប៉ុន្មាន បង់ថ្លៃសាលាកូនប៉ុន្មាន និងចំណាយផ្សេងៗទៀត មុននឹងសម្រេចិត្តវិនិយោគ ឬទិញផ្ទះ ដើម្បីបង្ការហានិភ័យ។
លោក វិចិត្រ សង្កត់ធ្ងន់ថា មុននឹងសម្រេចចិត្តទិញដី ផ្ទះ ឬខុនដូ គួរតែស្វែងយល់ចំណេះដឹងមូលដ្ឋានគ្រឹះហិរញ្ញវត្ថុ និងអចលនទ្រព្យ ជាពិសេសត្រូវតែតាមដានព័ត៌មានអំពីវិស័យនេះ ដើម្បីជៀសផុតពីការធ្លាក់ខ្លួនចូលក្នុងបំណុលកាន់តែជ្រៅទៅៗ៕
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ