វិស័យកម្ម​ន្តសាល បន្តដើរតួនាទីសរសស្ដម្ភសំខាន់​ជំរុញកំណើន​សេដ្ឋកិច្ចកម្ពុជា

វិស័យកម្មន្តសាល បានបន្តដើរតួនាទីសរសស្តម្ភសំខាន់ ក្នុងការជំរុញសេដ្ឋកិច្ចកម្ពុជា ដែលក្នុងនោះ ផលិតផល​កម្មន្តសាលសរុបកើនឡើង ៨២,៤ភាគរយ។ នេះបើយោងតាមរបាយការណ៍ប្រចាំឆ្នាំ ២០២២ របស់ធនាគារ​ជាតិកម្ពុជា។

តាមរយបាយការណ៍ បានបង្ហាញទៀតថា ផលិតផលកម្មន្តសាលសម្រាប់បម្រើការនាំចេញបន្តសម្រេចបានកំណើន​ខ្ពស់គួរឱ្យកត់​សម្គាល់ ដែលក្នុងនោះ ផលិតផលកាត់ដេរ មានចំណែកធំជាងគេ ក្នុងវិស័យកម្មន្តសាល មានចំនួន ៦៤,៣ភាគរយ ស្របពេលដែលផលិតផលមិនមែនកាត់ដេរ មានកំណើន ១,១ដង (បរិក្ខាអរឡិចត្រូនិក និងអគ្គិសនី កើន ៩៨,២ភាគរយ យានយន្ត និងគ្រឿងបន្សំសម្រាប់យានយន្ត កើន ៨ដង កង់ និងគ្រឿងបន្លាស់កង់ កើន ១,៥ដង។

ដោយឡែកផលិតផលកម្មន្តសាលសម្រាប់ទីផ្សារក្នុងស្រុក ក៏បានកើនឡើងខ្ពស់ក្នុងអត្រា ៨៨,៥ភាគរយ ដែលក្នុងនោះ ផលិតផលអាហារនិងភេសជ្ជៈ កើនឡើង ១,៦ដង, លោហៈកែច្នៃ កើនឡើង ១,៧ដង និងផលិតផលជ័រ កើន ៣៦,១ដង។

សូមបញ្ជាក់ថា ចំនួនរោងចក្រនៅក្នុងវិស័យកម្មន្តសាល បានកើនឡើងដល់ ១,៩៧៩ រោងចក្រ កើនឡើងពី ១.៨៧៩ រោចក្រនៅឆ្នាំ ២០២១ ដែលអាចបង្កើតការងារចំនួនជាង ១លាននាក់៕