សេដ្ឋកិច្ច
គណៈប្រតិភូធនាគារកណ្ដាលកូរ៉េ មកស្វែងយល់ពីស្ថានភាពសេដ្ឋកិច្ច និងហិរញ្ញវត្ថុ នៅកម្ពុជា
គណៈប្រតិភូ នៃធនាគារកណ្ដាលកូរ៉េ ដឹកដោយលោកស្រី Yeonsuk Park បានមកបំពេញទស្សនកិច្ចនៅកម្ពុជា ក្រោមកម្មវិធី “ភាពជាដៃគូ នៃការចែករំលែកចំណេះដឹងរបស់ធនាគារកណ្ដាលកូរ៉េ ឆ្នាំ ២០២៣ (2023 BOK-KPP) ដើម្បីស្វែងយល់បន្ថែមពីស្ថានភាពសេដ្ឋកិច្ច និងហិរញ្ញវត្ថុនៅកម្ពុជា។
យោងតាមសេចក្ដីប្រកាសព័ត៌មានរបស់ធនាគារជាតិកម្ពុជា ចេញផ្សាយកាលពីថ្ងៃទី ៩ កក្កដានេះ បានឲ្យដឹងថា គោលបំណង នៃដំណើរទស្សនកិច្ចរបស់គណៈប្រតិភូ នៃធនាគារកណ្ដាលកូរ៉េ នេះ ដើម្បីពិភាក្សាលើការស្រាវជ្រាវរួមគ្នាលើប្រធានបទស្ដីពី “ការទំនាក់ទំនង និងផ្សព្វផ្សាយសាធារណៈរបស់ធនាគារកណ្ដាល” ដែលនឹងត្រូវធ្វើការសិក្សារួមគ្នាដោយអ្នកស្រាវជ្រាវមកពីធនាគារជាតិ នៃកម្ពុជា និងសាកលវិទ្យាល័យហានយ៉ាង ក្រោមកម្មវិធី BOK-KPP។
ក្នុងអំឡុងពេល នៃទស្សនកិច្ចនេះ ក្រុមបេសកកម្មបានចូលជួបសម្ដែងការគួរសម និងពិភាក្សាការងារជាមួយ លោកស្រីបណ្ឌិត ជា សិរី ទេសាភិបាលរង ធនាគារជាតិ នៃកម្ពុជា ដើម្បីជម្រាបជូនពីវឌ្ឍនភាព នៃការស្រាវជ្រាវខាងលើ ក៏ដូចជាស្វែងយល់បន្ថែមពីស្ថានភាពសេដ្ឋកិច្ច និងហិរញ្ញវត្ថុ នៅកម្ពុជា។
នាឱកាសនោះ លោកស្រី ជា សិរី បានថ្លែងអំណរគុណដល់ធនាគារកណ្ដាលកូរ៉េ ដែលផ្ដល់កិច្ចសហប្រតិបត្តិការក្នុងរយៈពេលជាង ១០ ឆ្នាំ កន្លងមក តាមរយៈការផ្ដល់ជំនួយបច្ចេកទេស ការអភិវឌ្ឍសមត្ថភាពបុគ្គលិក និងបានជម្រាបជូនពីការវិវត្តន៍ នៃសេដ្ឋកិច្ច និងរូបិយវត្ថុកម្ពុជា ចាប់តាំងពីការកកើតអាណាចក្រខ្មែររហូតមកដល់បច្ចុប្បន្ន ព្រមទាំងបានអញ្ជើញគណៈប្រតិភូទស្សនាសារមន្ទីរព្រះស្រីឦសានវរ្ម័ន។
ជាមួយគ្នានេះដែរ ក្នុងឱកាស នៃការសហការរៀបចំសិក្ខាសាលា BOK-KPP ឆ្នាំ ២០២៣ ក្រោមប្រធានបទខាងលើ លោក គីមទី កោមលី អគ្គនាយកបច្ចេកទេស ធនាគារជាតិ នៃកម្ពុជា បានស្វាគមន៍គណៈប្រតិភូ និងជម្រាបជូនពីសារៈសំខាន់ នៃការស្រាវជ្រាវប្រធានបទខាងលើ និងបានលើកទឹកចិត្តក្រុមការងារស្រាវជ្រាវ ធនាគារជាតិ នៃកម្ពុជា និងសាកលវិទ្យាល័យហានយ៉ាង ខិតខំបញ្ចប់ការងារស្រាវជ្រាវតាមកាលកំណត់ ដើម្បីផ្ដល់ជាធាតុចូលដល់ការរៀបចំយុទ្ធសាស្ត្រពង្រឹងទំនាក់ទំនងរបស់ធនាគារជាតិ នៃកម្ពុជា ជាមួយសាធារណជន សំដៅលើកកម្ពស់កិត្តិនាម ការជឿទុកចិត្ត និងតម្លាភាពរបស់ធនាគារកណ្ដាល។ ស្របពេលជាមួយគ្នានេះ ធនាគារជាតិ នៃកម្ពុជា និងធនាគារកណ្ដាលកូរ៉េ បានចុះហត្ថលេខាលើកិច្ចព្រមព្រៀងទ្វេភាគី ស្ដីពីការស្រាវជ្រាវរួមគ្នានេះផងដែរ។
គួរបញ្ជាក់ថា ធនាគារកណ្ដាលកូរ៉េ គ្រោងអញ្ជើញក្រុមស្រាវជ្រាវ នៃធនាគារជាតិ នៃកម្ពុជា ចូលរួមសិក្ខាសាលា និងវគ្គបណ្ដុះបណ្ដាល នៅទីក្រុងសេអ៊ូល ប្រទេសកូរ៉េ ក្នុងអំឡុងខែកញ្ញា ហើយគ្រោងរៀបចំសិក្ខាសាលាបញ្ចប់នៅកម្ពុជា ដើម្បីពិនិត្យលទ្ធផល នៃការស្រាវជ្រាវ អំឡុងខែធ្នូ ឆ្នាំ ២០២៣ ខាងមុខ៕
អត្ថបទ ៖ សំអឿន
ត្រាំឲ្យថៃនិងកម្ពុជាឈប់បាញ់ភ្លាម ដោយដាក់គំនាបមិនធ្វើពាណិជ្ជកម្មជាមួយ
ឡាវបដិសេធមិនបានផ្ទុះអាវុធជាមួយកម្ពុជាដូចការផ្សាយរបស់ថៃទេ
ថ្នាក់ដឹកនាំ និង មេយោធាថៃ ប្រឈម«ឧក្រិដ្ឋកម្មសង្គ្រាម» ដោយសារប្រើ F-16 និង Gripen C/D វាយប្រហារតំបន់វប្បធម៌ និងជនស៊ីវិល
ក្រុមនិស្សិតមកពីវិទ្យាស្ថានបច្ចេកវិទ្យាកម្ពុជា ក្លាយជាម្ចាស់ពានរង្វាន់ត្នោតមាសឬ Thnot d’Or លើកទី៦
អ្នកឧកញ៉ា ឡេង ណាវ៉ាត្រា ប្រធានសហព័ន្ធយុវជនបូជាការពារយុត្តិធម៌ រួមជាមួយឯកឧត្តមកិត្តិសង្គហបណ្ឌិត គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ រៀបចំម្ហូបអាហារផ្គត់ផ្គង់ទាំងស្រុងជូនប្រជាពលរដ្ឋជនភៀសសឹកនៅវត្តបាត់ថ្កៅ ២,០៧៩គ្រួសារ ស្រុកចុងកាល់
ពលរដ្ធថៃ រត់ប្រសាចគ្នា ក្រោយបាក់ទំនប់បាវខ្សាច់ លិចក្រុងសុខោទ័យភ្លាមៗ
ទុក្ខជាន់ទុក្ខ! ថៃ ប្រកាសអាសន្នរលកយក្សស៊ូណាមិ កៀកមកដល់
ថៃ បាញ់គ្រាប់ផ្លោង១០គ្រាប់ចូលឡាវ ប៉ុន្តែមិនទាន់មានប្រតិកម្មពីឡាវទេ
ថៃ ចាប់ផ្ដើមវាយប្រហារដោយកាំភ្លើងធំចូលមូលដ្ឋានខេត្តពោធិ៍សាត់ទាំងព្រឹកព្រលឹមនៅថ្ងៃទី២៦កក្កដានេះ
ព្រឿង សុជាតិ ប្ដេជ្ញាការពារបូរណភាពទឹកដី និងប្រជាជនកម្ពុជាទោះត្រូវបាត់បង់ជីវិតក៏ដោយ
-
ព័ត៌មានអន្ដរជាតិ៦ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ១០ ម៉ោង agoពលរដ្ធថៃ រត់ប្រសាចគ្នា ក្រោយបាក់ទំនប់បាវខ្សាច់ លិចក្រុងសុខោទ័យភ្លាមៗ
-
ព័ត៌មានអន្ដរជាតិ២ ថ្ងៃ agoថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
បច្ចេកវិទ្យា៦ ថ្ងៃ agoជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
-
ព័ត៌មានអន្ដរជាតិ២ ថ្ងៃ agoអាមេរិក អាចចាត់វិធានការលើថៃ បើរកឃើញថា ថៃ បំពានលក្ខខណ្ឌប្រើ F-16 វាយប្រហារកម្ពុជា
-
ព័ត៌មានអន្ដរជាតិ៣ ថ្ងៃ agoអត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
-
ព័ត៌មានជាតិ១ សប្តាហ៍ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា