Connect with us

សេដ្ឋកិច្ច

អាល្លឺម៉ង់ ទាញទម្លាក់ ជប៉ុន ជាមហាអំណាចសេដ្ឋកិច្ចលំដាប់ទី ៣ លើលោក

បានផុស

នៅ

អាឡឺម៉ង់បានវ៉ាដាច់ជប៉ុនជាប្រទេសមហាអំណាចសេដ្ឋកិច្ចធំជាងគេទី ៣ របស់ពិភពលោក បន្ទាប់ពីសហរដ្ឋអាមេរិក និងចិន ក្រោយពេលដែលប្រទេសអាស៊ីមួយនេះធ្លាក់ចូលទៅក្នុងវិបត្តិសេដ្ឋកិច្ចមិនធ្លាប់មាន ។ នេះបើយោងតាមការចេញផ្សាយដោយសារព័ត៌មាន DW នៅថ្ងៃទី១៥ ខែកុម្ភៈ ឆ្នាំ២០២៤ នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទិន្នន័យផ្លូវការចុងក្រោយបង្អស់បានបង្ហាញថា ផលិតផលក្នុងស្រុកសរុប (GDP) របស់ប្រទេសជប៉ុនក្នុងឆ្នាំ ២០២៣ មានចំនួន ៤.២ ពាន់ពាន់លានដុល្លារ ខណៈប្រទេសអាល្លឺម៉ង់វិញមានរហូតដល់ ៤.៥ ពាន់ពាន់លានដុល្លារឯណោះ ។

ចំណែកឫសគល់ដែលនាំឲ្យអាល្លឺម៉ង់ទាញទម្លាក់ជប៉ុន ក្លាយជាមហាអំណាចសេដ្ឋកិច្ចធំជាងគេទី ៣ របស់ពិភពលោកនោះ គឺដោយសារតែប្រាក់យ៉េនជប៉ុនធ្លាក់ចុះជាង ១៨ ភាគរយ ធៀបនឹងប្រាក់ដុល្លារក្នុងឆ្នាំ ២០២២ និងឆ្នាំ ២០២៣ ហើយវាក៏រួមបញ្ចូលទាំងការធ្លាក់ថ្លៃរំលស់ ៧ ភាគរយកាលពីឆ្នាំមុនផងដែរ ដោយសារតែធនាគារជាតិជប៉ុន (BOJ) បានរក្សាអត្រាការប្រាក់ទាបជាងអត្រាអតិផរណា ។

ទន្ទឹមនឹងនេះដែរ ប្រាក់អឺរ៉ូដែលកំពុងចរាចរក្នុងប្រទេសអាឡឺម៉ង់ មានស្ថិរភាពធៀបនឹងប្រាក់ដុល្លារក្នុងរយៈពេលដូចគ្នា ។ ទោះយ៉ាងណា ទាំងសេដ្ឋកិច្ចអាល្លឺម៉ង់ និងជប៉ុនក៏កំពុងប្រឈមមុខនឹងបញ្ហាធំៗផងដែរដូចជា កង្វះកម្លាំងពលកម្ម ការថយចុះអត្រាកំណើត និងចំនួនប្រជាជនវ័យចំណាស់ ប៉ុន្តែប្រទេសជប៉ុនគឺធ្ងន់ ក ជាងអាល្លឺម៉ង់ ។

ស្របពេលជាមួយគ្នានេះ ទាំងប្រទេសជប៉ុនដែលមានប្រជាជនប្រហែល ១២៥ លាននាក់ និងអាល្លឺម៉ង់ដែលមានប្រជាពលរដ្ឋប្រមាណ ៨៣ លាននាក់ គឺសុទ្ធសឹងតែល្បីសុះសាយពាសពេញពិភពលោកថា ជាប្រទេសនាំចេញទំនិញផលិតលំដាប់ខ្ពស់ជាងគេ ជាពិសេសគឺវិស័យរថយន្ត ។

គួរបញ្ជាក់ថា មុនធ្លាក់ក្រោមប្រទេសអាល្លឺម៉ង់ ជប៉ុនក៏ធ្លាប់គ្រងតំណែងជាមហាអំណាចសេដ្ឋកិច្ចទី ២ របស់ពិភពលោក បន្ទាប់ពីសហរដ្ឋអាមេរិកអស់រយៈពេលជាច្រើនឆ្នាំផងដែរ ហើយជប៉ុនថែមទាំងធ្លាប់វ៉ាដាច់ប្រទេសចិនជាខ្លាសេដ្ឋកិច្ចអាស៊ីកាលពីក្នុងឆ្នាំ ២០១០ ៕

ដោយ ៖ សុខ ជីវ័ន្ត

ចុចអាន ៖ មេទ័ពថ្មី អ៊ុយក្រែន សារភាពត្រង់ៗថា ស្ថានភាពច្បាំងនៅសមរភូមិជួរមុខ ជាមួយ រុស្ស៊ី ពិតជាត្រដាបត្រដួស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១៥ នាទី មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង១៩ នាទី មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ៤៣ នាទី មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ៥៦ នាទី មុន

Breaking News! ប្រធានាធិបតី វៀតណាម ប្រកាសលាលែងពីតំណែង

ជីវិតកម្សាន្ដ១ ម៉ោង មុន

នេន ទុំ ប្រកាស​ផលិតចម្រៀង​បន្សល់ទុកស្នាដៃចុងក្រោយដល់​វីរ:សិល្បករអាយ៉ៃលោក ព្រហ្ម ម៉ាញ 

Sokha Hotels

ព័ត៌មានពេញនិយម