ព័ត៌មានអន្ដរជាតិ
សេដ្ឋវិទូ៖ ពន្ធរបស់ ត្រាំ នឹងធ្វើឱ្យទំនិញតាមហាងអាមេរិកឡើងថ្លៃ
សេដ្ឋវិទូផ្នែកកសិកម្មបានព្រមានថា តម្លៃទំនិញនៅសហរដ្ឋអាមេរិកនឹងកើនឡើងនៅឆ្នាំក្រោយ ជាពិសេសសម្រាប់ផ្លែបឺរ ផ្លែស្ត្របឺរី និងផលិតផលស្រស់ៗផ្សេងទៀត ខណៈអ្នកប្រើប្រាស់អាចប្រឈមមុខនឹងការដាច់ស្ដុកទំនិញ ប្រសិនបើប្រធានាធិបតីជាប់ឆ្នោតលោក ដូណាល់ ត្រាំ ពិតជាធ្វើតាមផែនការដំឡើងពន្ធលើទំនិញនាំចូលពីម៉ិកស៊ិក និងកាណាដា ដូចលោកគំរាម។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ការព្រមានបែបនេះ ធ្វើឡើងក្រោយលោក ត្រាំ ដែលនឹងស្បថចូលកាន់ដំណែងនៅខែមករា បានប្រកាសកាលពីថ្ងៃចន្ទថា លោកនឹងចេញអធិបញ្ជានៅថ្ងៃដំបូងរបស់លោក ឱ្យដាក់ពន្ធ ២៥ ភាគរយ លើគ្រប់មុខទំនិញនាំចូលអាមេរិកពីកាណាដា និងម៉ិកស៊ិក ដើម្បីទប់ស្កាត់លំហូរនៃគ្រឿងញៀនខុសច្បាប់ និងជនចំណាកស្រុកចូលសហរដ្ឋអាមេរិក។
សេដ្ឋវិទូព្រមានថា ការដាក់ពន្ធលើស្បៀងអាហាររបស់ប្រទេសជិតខាងទាំង២ អាចបណ្តាលឱ្យមានផលប៉ះពាល់ផ្នែកហិរញ្ញវត្ថុ និងប្រតិបត្តិការលើការផ្គត់ផ្គង់របស់សហរដ្ឋអាមេរិក និងបង្ហាញពីរបៀបដែលមហាអំណាចមួយនេះពឹងផ្អែកទៅលើប្រទេសជិតខាង លើការផ្គត់ផ្គង់ស្បៀងដល់ប្រជាជនខ្លួនឯង។
ម៉ិកស៊ិក និងកាណាដា គឺជាប្រទេសផ្គត់ផ្គង់ផលិតផលកសិកម្មលំដាប់កំពូលៗរបស់សហរដ្ឋអាមេរិក ដោយការនាំចូលទំនិញកសិកម្មពីប្រទេសទាំង២ មានតម្លៃជិត ៨៦ ប៊ីលានដុល្លារ កាលពីឆ្នាំមុន។ នេះបើយោងតាមទិន្នន័យពីក្រសួងកសិកម្ម និងគយសហរដ្ឋអាមេរិក។
ប្រធានសមាគមផលិតផលស្រស់នៃទ្វីបអាមេរិក លោក Lance Jungmeyer បាននិយាយកាលពីថ្ងៃអង្គារថា អ្នកប្រើប្រាស់អាមេរិក នឹងមានអារម្មណ៍ថារងផលប៉ះពាល់ពីវិធានការពន្ធរបស់លោក ត្រាំ នៅតាមហាងលក់គ្រឿងទេស និងភោជនីយដ្ឋាន ដោយទំនិញក៏អស់ពីស្តុក។
លោក Jungmeyer បានបន្តថា៖ «យើងនឹងឃើញទំនិញតិចជាងមុននៅតាមផ្នែកផលិត។ ភោជនីយដ្ឋាននឹងត្រូវកំណត់ម៉ឺនុយរបស់ពួកគេឡើងវិញ ប្រហែលជាដាក់បន្លែ និងផ្លែឈើតិច ឬកាត់បន្ថយតាមមុខម្ហូបខ្លះ»។
បើតាមក្រសួងកសិកម្មអាមេរិក ប្រហែល ២/៣ នៃការនាំចូលបន្លែទាំងអស់របស់សហរដ្ឋអាមេរិក និងពាក់កណ្តាលនៃការនាំចូលផ្លែឈើ និងគ្រាប់ធញ្ញជាតិ មានប្រភពមកពីម៉ិកស៊ិក។
អ្នកជំនាញលើកឡើងថា នៅពេលដែលតម្រូវការកើនឡើង ខណៈស្តុកទំនិញក៏ពិបាករក នោះសម្ពាធអតិផរណានឹងកើនឡើង។ ពន្ធរបស់ ត្រាំ មិនត្រឹមតែធ្វើឱ្យបន្លែផ្លែឈើ ឬសាច់ស្រស់ រួមទាំងសាច់គោ ឡើងថ្លៃប៉ុណ្ណោះទេ ប៉ុន្តែគ្រឿងស្រវឹងផ្សេងៗដែលជាគ្រឿងផ្សំសម្រាប់ Cocktail ក៏ដូចគ្នា។
ជាមួយគ្នានោះ អនុប្រធានគោលនយោបាយសាធារណៈសម្រាប់សហព័ន្ធការិយាល័យកសិកម្មអាមេរិក លោក Sam Kieffer បាននិយាយប្រាប់រ៉យទ័រថា ពន្ធក៏អាចជំរុញឱ្យតម្លៃជីដែលនាំចូលពីកាណាដាកាន់តែខ្ពស់ផងដែរ ជីកសិកម្មមានតម្លៃខ្ពស់រួចទៅហើយ ដោយបច្ចុប្បន្នកសិករអាមេរិកត្រូវចំណាយប្រាក់ខ្ពស់ជាងជិត ៥០ ភាគរយ លើជីកសិកម្ម ធៀបនឹងឆ្នាំ ២០២០។
ក្រៅពីនេះ ពន្ធក៏អាចរំខានដល់ការដឹកជញ្ជូនសាច់គោ និងគោផលិតទឹកដោះ និងជ្រូករវាងសហរដ្ឋអាមេរិក និងកាណាដាផងដែរ ដែលការណ៍នេះនឹងប៉ះពាល់ដល់អ្នកផលិតក្នុងប្រទេសទាំង២។
ជារួម សេដ្ឋវិទូមើលឃើញថា ពន្ធរបស់លោក ត្រាំ លើកាណាដា និងម៉ិកស៊ិក នឹងបង្កផលប៉ះពាល់សម្រាប់ប្រទេសទាំងសងខាង ខណៈម៉ិកស៊ិកក៏បានប្ដេជ្ញាវាយបកតាមរយៈវិធានការពន្ធដូចគ្នា។ ក្រៅតែពីផលិតផលកសិកម្ម កាណាដា និងម៉ិកស៊ិក ក៏ជាប្រទេសផ្គត់ផ្គង់ឧស្ម័នធម្មជាតិ និងប្រេងឆៅដ៏ធំ សម្រាប់ឧស្សាហកម្មចម្រាញ់របស់អាមេរិកផងដែរ។ ក្រោមលក្ខខណ្ឌបែបនេះ ពន្ធរបស់ ត្រាំ អាមនឹងធ្វើឱ្យតម្លៃថាមពលកើនឡើង ទោះបីជាមានសេចក្ដីរាយការណ៍ថា លោកនឹងបំបុកលើផលិតកម្មប្រេងក្នុងស្រុកក៏ដោយ៕
លោក ស៊ាន បូរ៉ាត និងលោក ស ថាវី ត្រូវបានតុលាការកោះហៅចូលបំភ្លឺលើសំណុំរឿងក្រុមហ៊ុនអតីតឧកញ៉ា ឡេង ចាន់ណា
ក្រុមជនសង្ស័យធើ្វសកម្មភាពលួច និងឆក់យ៉ាងសកម្មចំនួន១១នាក់ ត្រូវបានឃាត់ខ្លួន
សហជីព និងពលរដ្ឋឈប់ជឿ អ៊ុំ សំអាន ព្រោះជាមនុស្សធ្លាប់ជាប់គុកដោយសារនិយាយកុហករឿងព្រំដែន
លោក ត្រាំ ព្រមានក្រុមប្រទេស BRICS ជុំវិញរឿងប្រឆាំងនឹងការប្រើប្រាស់លុយដុល្លារអាមេរិក
សម្ដេច ប៊ុន រ៉ានី អំពាវនាវឱ្យគ្រប់ភាគីរួមគ្នាជាមួយរដ្ឋាភិបាលដើម្បីលុបបំបាត់ជំងឺអេដស៍
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលរបស់ខ្លួនស្ទើរតែអស់
ថ្ងៃ២ធ្នូ រណសិរ្សសាមគ្គីអភិវឌ្ឍន៍មាតុភូមិកម្ពុជា នឹងរៀបចំមិទ្ទីងអបអរខួប៤៦ឆ្នាំរបស់ខ្លួន
អ្នកតាមដាននយោបាយ ជឿថា រាជរដ្ឋាភិបាលកម្ពុជា នឹងមិនយកអធិបតេយ្យភាពទៅដោះដូរនឹងប្រព័ន្ធEBAរបស់អឺរ៉ុបឡើយ
ស្លាប់១២នាក់ និងជម្លៀសខ្លួនរាប់ម៉ឺននាក់ ព្រោះទឹកជំនន់នៅថៃ និងម៉ាឡេស៊ី
-
សន្តិសុខសង្គម៣ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ១ ថ្ងៃ agoស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ១ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ៦ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៥ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៤ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ១ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»
-
សេដ្ឋកិច្ច៦ ថ្ងៃ agoតម្លៃពោតក្រហម និងដំឡូងមីធ្លាក់ចុះ នៅចំពេលរដូវប្រមូលផល