ព័ត៌មានអន្ដរជាតិ

ថៃជួលបុគ្គលដ៏មានឥទ្ធិពលលើបណ្ដាញសង្គមនៅចិន ឱ្យផ្សព្វផ្សាយទុរេនថៃ

បានផុស

១ year មុន

នៅ

ថ្ងៃសៅរ៍ ១០ ឧសភា ២០២៥

ដោយ

ក្រសួងពាណិជ្ជកម្មរបស់ប្រទេសថៃ បានជួលបុគ្គលមានឥទ្ធិពលលើបណ្ដាញសង្គម (Influencer) ដ៏ល្បីល្បាញរបស់ចិន ឱ្យធ្វើការផ្សព្វផ្សាយទុរេនថៃ និងផ្លែឈើផ្សេងទៀត ដើម្បីជំរុញការនាំចេញរបស់ខ្លួនតាម រយៈការលក់អនឡាញដែលផ្តោតលើអតិថិជនចិន។ នេះបើតាមការចុះផ្សាយរបស់កាសែត The Nation។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងមានគោលបំណងបំបែកកំណត់ត្រាទាំងបរិមាណ និងតម្លៃនៃការនាំចេញផ្លែឈើទៅកាន់ប្រទេសចិន ជាមួយនឹងការផ្សាយបន្តផ្ទាល់របស់លោក Taiyuan Lao Ge ដែលមានអ្នកតាមដានជាង ៩៣ លាននាក់ នៅលើវេទិកាបណ្ដាញសង្គមចិន Kuaishou ។

ការផ្សព្វផ្សាយបន្តផ្ទាល់របស់បុគ្គលល្បីឈ្មោះចិនដដែល ត្រូវបានកំណត់ថានឹងធ្វើឡើងនៅថ្ងៃទី ១១ និង ១២ ខែឧសភា នេះ ដើម្បីលក់ទុរេន និងផ្លែឈើថៃផ្សេងទៀត រួមមានផ្លែស្វាយ មៀន មង្ឃុត និងផ្លែឈើមួយចំនួនទៀត។

លោក Taiyuan Lao Ge (ពាក់អាវធំស) មានអ្នកតាមដានជាង ៩៣ លាននាក់ នៅលើវេទិកាបណ្ដាញសង្គមចិន Kuaishou

កាលពីឆ្នាំមុន លោក Taiyuan បានលក់ទុរេនថៃតម្លៃ ១ ពាន់លានបាត (៣០,២៥ លានដុល្លារ) ក្នុងមួយថ្ងៃ។ មិនមានសេចក្ដីរាយការណ៍ណាមួយពីអត្រាតម្លៃដែលលោក Taiyuan បានគិតថ្លៃលើរដ្ឋាភិបាលថៃ សម្រាប់ការប្រម៉ូតផលិតផលថៃនោះទេ។

ការប្រើប្រាស់បុគ្គលមានឥទ្ធិពលលើបណ្ដាញសង្គមរបស់ចិនសម្រាប់ការលក់តាមអ៊ិនធឺណិត គឺជាមូលដ្ឋានគ្រឹះនៃយុទ្ធសាស្ត្ររបស់ក្រសួង ក្នុងការជំរុញការនាំចេញផ្លែឈើរបស់ថៃ ជាពិសេសក្នុងរដូវប្រមូលផលបច្ចុប្បន្ន។ នេះបើយោងតាមរដ្ឋមន្ត្រីក្រសួងពាណិជ្ជកម្ម លោក Pichai Naripthaphan ។ ក្រសួងពាណិជ្ជកម្មកំពុងចាប់ដៃគូជាមួយអង្គភាពវិស័យឯកជន និងវេទិកាអនឡាញរបស់ចិន ដើម្បីផ្សព្វផ្សាយ និងលើកកម្ពស់កេរ្តិ៍ឈ្មោះផលិតផលកសិកម្មថៃ៕

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា