ព័ត៌មានអន្ដរជាតិ

សិង្ហបុរីជាប់ជាប្រទេសមានបំផុតទី២លើពិភពលោក វ៉ាដាច់ឆ្ងាយប្រទេសអាស៊ានទាំងអស់

បានផុស

១១ ខែ មុន

នៅ

ថ្ងៃពុធ ១៣ សីហា ២០២៥

ដោយ

របាយការណ៍ស្ដីពីចំណាត់ថ្នាក់ទ្រព្យសម្បត្តិប្រចាំឆ្នាំចុងក្រោយបំផុតរបស់សារព័ត៌មានអង់គ្លេស The Economist បានបង្ហាញថា សិង្ហបុរីបានជាប់ឈ្មោះជាប្រទេសដ៏មានជាងគេបំផុតទី២របស់ពិភពលោក និងវ៉ាដាច់ប្រទេសនៅអាស៊ីអាគ្នេយ៍ណាៗទាំងអស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណាត់ថ្នាក់ ដែលវាយតម្លៃលើប្រទេសចំនួន ១៧៨ នៅទូទាំងពិភពលោក ផលិតផលក្នុងសរុបសម្រាប់មនុស្សម្នាក់ (GDP per capita) របស់សិង្ហបុរី មានខ្ពស់រហូតដល់ ៩០ ៧០០ ដុល្លារ/ឆ្នាំ កាលពីឆ្នាំ ២០២៤។ តួលេខនេះ ស្ថិតនៅតែពីក្រោយស្វីស (១០០ ០០០ ដុល្លារ/ឆ្នាំ) ប៉ុណ្ណោះ និងនាំមុខន័រវែស (៨៦ ៨០០ ដុល្លារ/ឆ្នាំ)។

ធៀបនឹងប្រទេសនៅអាស៊ីអាគ្នេយ៍ ប្រ៊ុយណេជាប់ចំណាត់ថ្នាក់លេខ ២ ក្នុងតំបន់ ដោយមាន GDP per capita ប្រមាណ ៣៣ ៤០០ ដុល្លារ/ឆ្នាំ ក្រោយមកមានម៉ាឡេស៊ី (១១ ៩០០ ដុល្លារ/ឆ្នាំ) ខណៈវៀតណាមមានត្រឹមតែ ៤ ៧០០ ដុល្លារ/ឆ្នាំ។

របាយការណ៍ដដែលបានបង្ហាញផងដែរថា សិង្ហបុរីជាប់ចំណាត់ថ្នាក់លេខ ១ នៅលើពិភពលោក សម្រាប់ «ស្ដង់ដាររស់នៅ» បើគិតពីអំណាចនៃការទិញ (PPP) ។ នេះមានន័យថា ដោយសារទំនិញនៅសិង្ហបុរីថោកជាងនៅប្រទេសអ្នកមានៗដទៃ ដែលអាចឱ្យប្រជាជនសិង្ហបុរីអាចទិញទំនិញបានច្រើន។ យ៉ាងណាមិញ នៅពេលនិយាយពីកម្រិតនៃម៉ោងធ្វើការ សិង្ហបុរីធ្លាក់ចុះមកត្រឹមលេខ ៨ ដោយប្រទេសដូចជាន័រវេស កាតា និងដាណឺម៉ាក ជាប់ចំណាត់ថ្នាក់ខ្ពស់ជាង ដោយសារប្រជាជនប្រទេសទាំងនោះ ធ្វើការតិចម៉ោងជាង ប៉ុន្តែនៅតែមានផលិតភាពខ្ពស់៕