កូវីដ-១៩
គួរសង្វេគស្ថានភាពនៅ ឥណ្ឌា ! កូនស្រីលោតចូលក្នុងគំនរភ្នក់ភ្លើងបូជាឪពុកដែលស្លាប់ដោយកូវីដ ដើម្បីទាញយកសពទៅទីតាំងប៉ាឆាឲ្យបានត្រឹមត្រូវ
ស្ត្រីម្នាក់នៅរដ្ឋ Rajasthan ប្រទេសឥណ្ឌា បានលោតចូលទៅក្នុង គំនរភ្លើងអុសបូជាសព ឪពុករបស់ខ្លួន ដែលបានស្លាប់ដោយសារជំងឺកូវីដ ១៩ កាលពីល្ងាចថ្ងៃពុធ ។
ប៉ូលិសបាននិយាយថា ស្ត្រីអាយុ ៣៤ ឆ្នាំរូបនេះ កំពុងស្ថិតក្នុងសភាពធ្ងន់ធ្ងរ ដោយមានការរលាក ៧០ ភាគរយ ហើយបច្ចុប្បន្នបានចូលសម្រាកព្យាបាល បឋមនៅមន្ទីរពេទ្យ Jodhpur ក្រោយឪពុករបស់នាងឈ្មោះ Damodardas Sharda អាយុ ៧៣ ឆ្នាំ បានទទួលមរណភាព ដោយសារជំងឺកូវីដ ១៩ ។
ប៉ូលិសបន្តថា ខណៈពេលដែលសព កំពុងត្រូវបានបូជានោះ កូនស្រីទី ៣ របស់សព នាង Chandra Kala Sharda បានលោតចូលគំនរភ្លើងបូជាសព ។ បន្ទាប់ពីទទួលបានព័ត៌មាននេះ ប៉ូលិសបានទាញនាងចេញ ហើយមានស្នាមរលាក លើរាងកាយប្រមាណ ៧០ ភាគរយ ។ ក្រោយមក នាងត្រូវបានបញ្ជូនទៅមន្ទីរពេទ្យក្បែរនោះ មុនពេលដែលត្រូវបញ្ជូនទៅមន្ទីរពេទ្យ Jodhpur ដើម្បីព្យាបាល ។
លោក Prem Prakash មន្រ្តីប៉ូលិសប្រចាំប៉ុស្តិ៍ប៉ូលិសតំបន់ Kotwali បាននិយាយថា នាង Chandra ជាកូនពៅ ក្នុងចំណោមកូនស្រីទាំង ៣ របស់លោក Sharda ហើយនាងបានទទូចឲ្យ យកសាកសពទៅបូជា នៅទីតាំងប៉ាឆាឲ្យបានត្រឹមត្រូវ ខណៈដែលនាងធ្វើជាតំណាងរបស់ម្ដាយ នៃការបូជាសពនេះ ដោយសារតែប្រពន្ធរបស់លោក Sharda ក៏បានស្លាប់កាលពីពេលកន្លងទៅដែរ ។
លោក Prakash បានបន្ថែមថា ពួកគេក៏បានជូនដំណឹងដល់ប៉ូលិស និងបានហៅរថយន្តសង្គ្រោះបន្ទាន់ ដើម្បីដឹកនាង ទៅកាន់មន្ទីរពេទ្យរដ្ឋាភិបាលនៅឯតំបន់ Barmer ។ បន្ទាប់ពីការបូជារបស់លោក Sharda រួច អាជ្ញាធរមន្ទីរពេទ្យ បានប្រគល់សាកសព ទៅឲ្យសមាជិកគ្រួសាររបស់គាត់ ទៅតាមពិធីសារជំងឺកូវីដ ១៩ ដើម្បីធ្វើពិធីចុងក្រោយទៅតាមសាសនាឥណ្ឌា ។
គួរបញ្ជាក់ថា គិតត្រឹមពេលនេះ ប្រទេសឥណ្ឌា មានករណីឆ្លងជំងឺកូវីដ ១៩ ជាង ២១ លានករណី និងមានអ្នកស្លាប់សរុប ២៣០,១៥១ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ Sethepeople
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត