ទីតាំង ៧ កន្លែងពាក់ព័ន្ធនឹងអ្នកជំងឺកូវីដ១៩ សុទ្ធសឹងតែសាខាផ្សារទំនើប ឡាក់គី

អនុគណៈកម្មការស្រាវជ្រាវជំងឺកូវីដ១៩ បានប្រកាសទីតាំង ៧ កន្លែងពាក់ព័ន្ធនឹងអ្នកជំងឺកូវីដ១៩ ហើយអំពាវនាវដល់បងប្អូនប្រជាពលរដ្ឋដែលបានទៅទីតាំងទាំងនេះ តាមដានសុខភាព និងដាក់ខ្លួនឱ្យនៅដាច់ដោយឡែក ១៤ ថ្ងៃ។ ទីតាំងទាំង ៧ នោះរួមាន៖

១. អ្នកជំងឺកូវីដ១៩ បានចូល​ទៅទីតាំង​ផ្សារទំនើប ឡាក់គី (LUCKY SUPERMARKET)​ សាខាផ្សារ ស្ទឹងមានជ័យថ្មី​ ដែលមានទីតាំងស្ថិតនៅតាមបណ្តោយផ្លូវ២១៧ សង្កាត់ស្ទឹងមានជ័យទី៣ ខណ្ឌ មានជ័យ រាជធានីភ្នំពេញ។ ដើម្បីសុវត្ថិភាព សូមយកចិត្តទុកដាក់ តាមដានសុខភាពរបស់ខ្លួន រយៈ ពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែង នេះ។

២. អាជីវករលក់ស្បែកជើង ក្នុងផ្សារទួលសង្កែ (ផ្សារសាំហាន់) តូបលេខ ០១ មានវិជ្ជមានកូវីដ១៩។ ផ្សារទួលសង្កែស្ថិតនៅ សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ។

៣. អ្នកជំងឺកូវីដ១៩ បានចូលទៅផ្សារទំនើប ឡាក់គី (LUCKY SUPERMARKET)​ សាខាផ្សារទំនើប Mid Town ស្ថិតនៅតាមផ្លូវ២០០៤ សង្កាត់អូរបែកក្អម ខណ្ឌសែនសុខ រាជធានីភ្នំពេញ។

៤. អ្នកជំងឺកូវីដ១៩ បានចូលទៅផ្សារ Global House ដែលមានទីតាំងស្ថិតនៅផ្លូវ១៩៩២ សង្កាត់ភ្នំពេញថ្មី​ ខណ្ឌសែនសុខ​ រាជធានីភ្នំពេញ។

៥. អ្នកជំងឺកូវីដ បានទៅផ្សារទំនើប Super Duper សាខាបឹងកេងកង១ ដែលមានទីតាំងស្ថិតនៅ ផ្លូវ លេខ ៥៧ កែង ៣០៦ សង្កាត់បឹងកេងកង១ ខណ្ឌបឹងកេងកង ច្រើនថ្ងៃ ចាប់ពីថ្ងៃទី ១១ ដល់ថ្ងៃ ទី ១៧ ខែកក្កដា។ អ្នកដែលបានទៅទីតាំងនេះ សូមតាមដានសុខភាព នឹងដាក់ខ្លួននៅដាច់ ដោយ ឡែក ១៤ ថ្ងៃ។

៦. អ្នកជំងឺកូវីដ១៩ នៅថ្ងៃទី​១៧ ខែកក្កដា​បានចូលទៅទីតាំង ហ្គាឌៀន សាខាបឹងកេងកង១ ដែល​មានទីតាំងស្ថិតនៅផ្លូវលេខ ៥១ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ។

៧. អ្នកជំងឺកូវីដ១៩ បានចូលទៅផ្សារទំនើប ឡាក់គី (LUCKY SUPERMARKET)​ សាខាវិមានកូឡាប ​ដែលមានទីតាំងស្ថិតនៅ សង្កាត់ទន្លេបាសាក់ ខណ្ឌចំការមន នៅថ្ងៃទី ១៦ ខែកក្កដា។

ដើម្បីសុវត្ថិភាព សូមយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ៕