កូវីដ-១៩
រកឃើញគ្រូបង្រៀន ២នាក់ ឆ្លងជំងឺកូវីដ-១៩
ប្រធានមន្ទីរអប់រំ យុវជន និងកីឡា រាជធានីភ្នំពេញបានមានប្រសាសន៍ថា រហូតមកដល់ពេលនេះ មានគ្រូបង្រៀនចំនួន ២នាក់ ឆ្លងជំងឺកូវីដ-១៩ ខណៈការធ្វើតេស្តនៅធ្វើបន្តរហូតដល់ថ្ងៃស្អែក។
លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡាបានឱ្យដឹង នៅរសៀលថ្ងៃទី៨ ខែតុលានេះថា បន្ទាប់ពីធ្វើតេស្តទៅលើលោកគ្រូអ្នកគ្រូនៅរាជធានីភ្នំពេញពីថ្នាក់ទី៧ដល់ថ្នាក់ទី១២ជាបន្តបន្ទាប់ បានរកឃើញគ្រូបង្រៀនចំនួន២នាក់ ស្រី ១នាក់ និងប្រុស ១នាក់ ឆ្លងជំងឺកូវីដ-១៩ ហើយត្រូវបានអនុញ្ញាតឱ្យសម្រាកព្យាបាលជំងឺនៅតាមផ្ទះ។
លោកបានបន្តថា តាមគម្រោងមន្ទីរអប់រំរាជធានីនឹងត្រូវធ្វើតេស្តដល់គ្រូបង្រៀនជាបន្តបន្ទាប់ ព្រោះថាមានគ្រូខ្លះត្រូវត្រលប់មកពីស្រុកកំណើតខុសគ្នាទៅតាមកម្មវិធីសិក្សារបស់គាត់ តែប្រហែលជាថ្ងៃស្អែកនឹងត្រូវបញ្ចប់ហើយ។
រដ្ឋបាលរាជធានីភ្នំពេញបានណែនាំដល់មន្ទីរអប់រំ យុវជន និងកីឡា ធ្វើតេស្តគ្រូបង្រៀននៅរាជធានីភ្នំពេញចំនួន៧ពាន់នាក់ និងគ្រូបង្រៀនសាលាឯកជនជាមុនសិន ទើបអនុញ្ញាតឱ្យចូលបង្រៀន។
លោក ហែម ស៊ីណារ៉េត បានបន្តថា ឧបករណ៍តេស្តសម្រាប់ធ្វើតេស្តដល់លោកគ្រូអ្នកគ្រូនេះគឺជាការឧបត្ថម្ភពីសាលារាជធានីភ្នំពេញ។ ចំណែកសាលាឯកជនគឺជាបន្ទុករបស់សាលានីមួយៗ។
លោកបានបន្ថែមទៀតថា ចំណែកសិស្សានុសិស្ស មន្ទីរលើកទឹកចិត្តឱ្យធ្វើតេស្តដោយខ្លួនឯងបើសិនជាមានលទ្ធភាព ឬក្នុងករណីសង្ស័យថាមានឆ្លងជំងឺកូវីដ-១៩ សូមទៅស្វែងរកកន្លែងពិនិនិត្យសំណាកដើម្បីធ្វើតេស្តរកជំងឺកូវីដ-១៩។
លោក ហែម ស៊ីណារ៉េត បានបន្ថែមថា ចំណែកសាលាឯកជនវិញ ក៏តម្រូវឱ្យធ្វើតេស្តដល់លោកគ្រូអ្នកគ្រូដែរ តែសាលានីមួយៗត្រូវទិញឧបករណ៍តេស្តដោយខ្លួនឯង។
រាជរដ្ឋាភិបាលបានណែនាំក្រសួង-ស្ថាប័ន និងវិស័យឯកជន ពិសេស បណ្តារោងចក្រ-សហគ្រាស និងទីតាំងអាជីវកម្ម ដែលមានកម្មករ-និយោជិត និងបុគ្គលិកបម្រើការងារច្រើន ព្រមទាំងគ្រឹះស្ថានសិក្សានានានៅក្រោយពេលពិធីបុណ្យភ្ជុំបិណ្ឌ ត្រូវធ្វើតេស្តរហ័សចំពោះមន្ត្រីរាជការ កម្មករ-និយោជិត និងបុគ្គលិក និងបុគ្គលិកអប់រំ ដើម្បីធានាសុវត្ថិភាព ក៏ដូចជាទប់ស្កាត់ការឆ្លងរាលដាលនៃជំងឺកូវីដ-១៩ នៅតាម ក្រសួង-ស្ថាប័ន គ្រឹះស្ថានសិក្សា និងបណ្តារោងចក្រ-សហគ្រាស និងទីតាំងអាជីវកម្មនានា៕
អត្ថបទ៖ សំអឿន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល