រំលង៥ឆ្នាំ ! នាង គន្ធា នូវតែរំលឹករឿងអតីតកាលជាមួយបងប្រុសមិនអាចភ្លេចបាន

បើគិតមកទល់ពេលនេះតារាចម្រៀងវ័យក្មេងលោក នាង ប្រាក់សុគន្ធ គឺបានចែកឋានទៅមានរយ:ជាច្រើនឆ្នាំមកហើយខណ:ជារឿយៗ តែងឃើញតារាចម្រៀងស្រីដែលជាប្អូនស្រីបង្កើតកញ្ញា នាង គន្ធា បានបង្ហាញការនឹកស្រណោះដល់បងប្រុសផងនោះ។

ជាក់ស្តែង ទោះបីរំលងពេលយូរឆ្នាំដែលលោក ប្រាក់សុគន្ធ បានទទួលមរណភាពហើយក្តីតែថ្មីៗកន្លងមកនេះ ក៏ស្រាប់តែតារាចម្រៀងស្រីវ័យក្មេងកញ្ញា នាង គន្ធា បានទម្លាយរូបភាពនិងវីដេអូអនុស្សាវរីយ៍ជាច្រើនជាមួយបងប្រុសរបស់ខ្លួនគ្រាដែលនៅមានជីវិត។ កញ្ញា នាង គន្ធា ធ្លាប់បានរៀបរាប់ខ្លឹមសារថា សល់តែរូបភាពនឹងស្នាមញញឹមដ៏ស្រស់ស្អាតទេបងប្រុសប្អូនអើយ។

តារាចម្រៀងស្រីវ័យក្មេងកញ្ញានាង គន្ធា បានបញ្ចេញរូបថតរបស់បងប្រុសរបស់ខ្លួនលោក ប្រាក់សុគន្ធ ខ្លីថា “កាលនោះឱ្យតែទៅផ្ទះដឹងតែយកអាវខ្ញុំពាក់”។ ជាមួយគ្នានៃការបង្ហោះសាររបស់តារាចម្រៀងនេះដែរ គេឃើញមានការលើកទឹកចិត្តជាច្រើនពីមហាជននិងអ្នកគាំទ្រ ខណ:មានខ្លះលើកឡើងថា “នៅតែស្ដាប់បទគាត់មិនភ្លេចគាត់ទេ ចំពោះបងឱ្យតែបានឃើញរូបថតប្អូន ហេតុអ្វីបានបងស្រក់ទឹកភ្នែកដោយមិនដឹងខ្លួនរហូតអ៊ីចឹងទាល់តែអ្នកធ្លាប់បាត់ បង់មនុស្សជាទីស្រលាញ់ទើបបានយល់ច្បាស់”។

គួររម្លឹកថាតារាចម្រៀងវ័យក្មេងនាង ប្រាក់សុគន្ធ បានជួបគ្រោះថ្នាក់ចរាចរណ៍កាលពីរំលងអាធ្រាត្រ ឈានចូលថ្ងៃទី២៥ ខែធ្នូ ឆ្នាំ២០២១ ក្រោយចេញពីច្រៀងនៅហាងសាច់អាំងមួយកន្លែងនៅក្បែរច្រមុះជ្រូកស្ទឹងមានជ័យ បណ្តាលឱ្យស្លាប់ក្រោយបញ្ចូនដល់មន្ទីពេទ្យ៕ ដោយ :ចាន់រ៉ា