ជីវិតកម្សាន្ដ

នាង គន្ធា ប្រតិកម្ម ក្រោយរងការប្រមាថកិត្តិយស

បានផុស

៧ ខែ មុន

នៅ

ថ្ងៃសុក្រ ២៤ វិច្ឆិកា ២០២៣

ដោយ

តារាចម្រៀងសម្បុរស្រអែមស្រស់កញ្ញា នាង គន្ធា បានបញ្ចេញប្រតិកម្មឆ្លើយតបយ៉ាងក្ដៅស្លឹកត្រចៀកបន្ទាប់ពីមានការរិះគន់ ដោយប្រើពាក្យសម្ដីអសុរសពីសំណាក់បុគ្គលម្នាក់ចោទថានាងជាស្រីរបស់ចិន ខណៈ គន្ធា ចាត់ទុកថានេះជាទង្វើប្រមាថកិត្តិយសធ្ងន់ធ្ងរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះការរិះគន់មកលើតារាចម្រៀង នាង គន្ធា នេះក្រោយពេលដែលមានមតិមួយចំនួនទៀតបានយល់ថា ភាពស្រស់ស្អាតរបស់កញ្ញា នាង គន្ធា បច្ចុប្បន្ន គឺដោយសារការប្រើឡេជំនួយស្បែកស ឬការកែខៃសម្ផស្សជាដើម។ យ៉ាងណា ស្របពេលជាមួយគ្នានោះក៏ស្រាប់តែមានការរិះគន់តារាស្រី នាង គន្ធា ដោយសម្តីមើលងាយថា នាងជាស្រីរបស់ចិន។

ប្រតិកម្មឆ្លើយតបការរិះគន់នោះសាមីខ្លួនកញ្ញា នាង គន្ធា បានពន្លះវិញថា មានពូខ្លះថាយើងស្រីចិនប្រហែលគ្រួសារគាត់លក់ឲ្យចិនបែបបានស្គាល់ចិនច្បាស់ពេក។ កញ្ញា នាង គន្ធា ក៏បានបកស្រាយផងដែរជុំវិញការលើកឡើងថា នាងបានកែសម្ផស្សទើបមានរូបរាងស្រស់ស្អាតប្លែកជាងមុនបែបនេះ។

ចំណុចនេះត្រូវបានតារាស្រីម្ចាស់បទ“បេះដូងចេះស្រវឹង” កញ្ញា នាង គន្ធា បញ្ជាក់ថា “គេថាខ្ញុំកែ ខ្ញុំកែស្អីខ្លះនិយាយឲ្យអស់មើលអស់អ្នកខមមិនទើស….គេ ថាខ្ញុំសដោយសារឡេមិនដឹងអស់ប៉ុន្មានកំប៉ុង មិនដឹងខ្យល់អីសោះចេះតែនិយាយដែរខ្ញុំសដោយសារកាមេរ៉ាទេអ្នកអើយ”។

ជាមួយគ្នានេះ មានការបញ្ចេញមតិលើកទឹកចិត្តពីអ្នកគាំទ្រកញ្ញា នាង គន្ធា ដែរថា តាមអ្នកនិយាយនឹងគាត់ច្រណែនកុំយកចិត្តទុកដាក់នឹងពួកគាត់ធម្មតាទេតែយើងល្បីមានអ្នកច្រណែនហើយIdol Idolស្អាតក៏ដោយសារធំពេញវ័យចេះតែងខ្លួនញ៉ាំរបស់ល្អជួយសុខភាព ទើបស្រស់ស្អាតឡេ ម្សៅសម័យនឹងនរណាដែលមិនប្រើប្រាស់គ្រាន់តែនៅមានកម្រិត សំខាន់ Idol មានហ្វេនៗនៅតែគោរពស្រលាញ់ ខ្ញុំគាំទ្រអ្នកមិនមែនមកពីស្អាត ខ្ញុំស្រលាញ់គាំទ្រដោយសារអ្នកគួរឲ្យយកគំរូតាមសម្លេងអ្នកច្រៀងពីរោះ ភាពតស៊ូ ប្រឹងប្រែងពីក្មេងម្នាក់ដែលនៅជនបទស្រុកស្រែតែប្រឹងរហូតដល់ឥឡូវជោគជ័យហើយក្នុងវិស័យមួយនេះ។

សូមបញ្ជាក់ថាតារាចម្រៀង នាង គន្ធា គឺត្រូវបានមហាជនស្គាល់នាងច្រើនតាមរយៈការចូលរួមប្រឡងកម្មវិធី Cambodia Idol ជាមួយនឹងបងប្រុសបង្កើតម្នាក់ទៀតគឺលោក នាង ប្រាក់សុគន្ធ ដែលលោកបានចែកឋានទៅហើយ។ ទោះបីជានាងមិនបានជាប់ជយលាភីក្នុងពេលប្រឡង ប៉ុន្តែ នាង គន្ធា ក៏បានក្លាយជាតារាចម្រៀងក្នុងផលិតកម្ម និងមានកេរ្តិ៍ឈ្មោះល្បីដល់សព្វថ្ងៃ៕

អត្ថបទ៖ ចាន់រ៉ា