ជីវិតកម្សាន្ដ

ស្រណោះណាស់ ! ភរិយានាយ ស្មាញ គេងឱបរូបថតរម្លឹកដល់ស្នាមញញឹមស្វាមីទាំងទឹកភ្នែករលេងរលោង

បានផុស

៥ years មុន

នៅ

ថ្ងៃព្រហស្បតិ៍ ១២ វិច្ឆិកា ២០២០

ដោយ

ភ្នំពេញ ៖ គិតរហូតមកទល់ពេលនេះ តារាចម្រៀងជើងចាស់មានឈ្មោះល្បីល្បាញជំនាន់នាយ កុយ ,នាយ ក្រឹម គឺនាយ ស្មាញ បានទទួលមរណភាពមានរយៈពេលជិតមួយឆ្នាំមកហើយបន្ទាប់ពីជួបហេតុការណ៍គ្រោះថ្នាក់ចរាចរណ៍យ៉ាងរន្ធត់នៅលើដងផ្លូវ៦០ម៉ែត្ររាជធានីភ្នំពេញ។ ដំណឹងមរណភាពរបស់នាយ ស្មាញ កាលនោះបានធ្វើឲ្យអ្នកគាំទ្រនិងមហាជនរន្ធត់ចិត្តខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឈានចូលជិតដល់ថ្ងៃគម្រប់ខួប១មួយឆ្នាំនៃការបាត់បង់ស្វាមីភរិយារបស់នាយស្មាញ បានថ្លែងប្រាប់ទាំងអារម្មណ៍ក្តុកក្តួលដោយក្តីនឹកស្រណោះអាឡោះអាល័យជាពន់ពេកព្រោះអ្នកស្រីមិននឹកស្មានថាស្វាមី(នាយ ស្មាញ )ត្រូវស្លាប់លឿនយ៉ាងបែបនេះឡើយ។ ភរិយានាយ ស្មាញ បានថ្លែងទាំងអារម្មណ៍ស្រងូតស្រងាត់រម្លឹកដល់ស្វាមីថា ស្នាមញញឹមគាត់គួរឲ្យនឹកណាស់មិនស្អាតទេតែជីវិតប្ដីប្រពន្ធឆ្លងកាត់រឿងរ៉ាវជាច្រើន។

អ្នកស្រីបានបន្តថា មកដល់ថ្ងៃនេះទោះបីប៉ុន្មានឆ្នាំទៅមុខទៀតខ្ញុំនៅតែនឹករហូតដែរ គ្មានអ្នកណាមកជំនួសគាត់បានឡើយ ដើរដល់ផ្លូវបែកដូចរឿងបដាចាអញ្ចឹងស្លាប់ក៏មិនកើតរស់ទាំងវេទនាសព្វថ្ងៃទោះបីដួលរាប់រយដងក៏ខំប្រឹង ខ្ញុំត្រូវធ្វើឲ្យបាន។ អរគុណពុកម៉ែបងប្អូនណាស់ឥឡូវគាត់លាយើងរហូតហើយឃើញតែរូបថតចំណែករូបកាយប្រហែលគាត់ទៅចាប់ជាតិហើយមើលទៅ។

បន្ថែមពីនេះភរិយាយនាយ ស្មាញ បានលើកឡើងទៀតថា មួយរយៈនេះខ្ញុំពុំសូវដែលយល់សុបិនឃើញគាត់ច្រើនទេ មានគេយល់សុបិនប្រាប់ខ្ញុំថាប្ដីខ្ញុំដើរតាមខ្យល់គួរឲ្យសង្វេគគាត់ណាស់បើសិនខ្ញុំមានកម្លាំងមាំមួនរកស៊ីមានបានខ្ញុំធ្វើអ្វីដែលគាត់បាននិយាយជាមួយខ្ញុំធ្វើឲ្យបានពេលគាត់ស្លាប់ទៅសង្ឃឹមថាខ្ញុំរស់នៅ និងរកលុយកាក់ធ្វើបុណ្យឲ្យគាត់ឥឡូវនេះលទ្ធភាពខ្ញុំបានតែបន្តិចបន្តួចតែប៉ុណ្ណោះគ្មានធំដុំទេពីព្រោះខ្ញុំកំពុងព្យាបាលជំងឺដែរ។

គួររម្លឹកថា តារាកំប្លែងមានប្រជាប្រិយភាពនាយ ស្មាញ បានទទួលមរណភាពកាលពីថ្ងៃទី២៨ ខែធ្នូ ឆ្នាំ២០១៩ កន្លងទៅនេះដោយសារជួបបញ្ហាគ្រោះថ្នាក់ចរាចរណ៍នៅផ្លូវ៦០ម៉ែត្រនាទឹកដី ខណ្ឌមានជ័យ រាជធានីភ្នំពេញ។ ចំណែកភរិយារបស់នាយក៏រងរបួសធ្ងន់ត្រូវបញ្ជូនទៅមន្ទីរពេទ្យផងដែរ៕
ដោយ ៖ ចាន់រ៉ា